BU HKAWM 15:20 - Jinghpaw Common Language Bible 2009

²⁰ Nanhte muk kabaw myit dai shaloi nsi naisi nnan kaw na shadung katsing hte galaw ai muk pa hpe dai Madu a matu laksan nawng jau ya na rai myit dai. Dai gaw nanhte chyarang na kabye la ai nsi naisi kaw na galaw la lu ai laksan kumhpa hpe jaw jau ai hte maren nawng jau na lam rai nga ai.

Jinghpaw Hanson Version Bible

²⁰ Shawng gumrin ai shadung katsing hte galaw ai muk pa hpe manawt kumhpa di nna, chyarang na manawt kumhpa manawt jau ai zawn, dai hpe manawt na rai mu ai.

BU HKAWM 15:20 ပူးပေါင်းရင်းမြစ်များ

NEHEMIA 10:37

Anhte gaw shawng shu la lu ai nsi naisi kaw na shadung katsing hte kaga sabyi ntsin, tsanlun sau hte namsi namsaw baw hkum sumhpa re ai hkungga ni hpe Nawku Htingnu kata na hkinjawng ni hpang de shaning shagu la sa na ga ai. Anhte gaw anhte a yi sun galaw sha nga ai kahtawng ningchyawng lamu ga hkan na htam shi hta na htam mi hpe mung, anhte a lamu ga hta tu ai nsi naisi htam shi hta na htam mi hpe mung hkan lahkawn ai Lewi masha ni hpang de la sa na ga ai.

PRU MAT 23:19

“Nang shu la lu ai shawng ngai ai nsi naisi hpe dai Madu na a Karai Kasang a nta de shaning shagu nang la sa na rai ndai. “Sagu, bainam kasha ni hpe kanu a chyu hte hkum shadu et.

PRU MAT 34:26

“Nanhte shu la lu ai shawng ngai ai nsi naisi ni hpe dai Madu a man de shaning shagu la sa na rai myit dai. “Sagu kasha shing n rai bainam kasha hpe kanu a chyu hte hkum shapyaw myit,” ngu nna tsun wu ai.

EZEKELA 44:30

Hkinjawng ni gaw yawng hta shawng ngai ai kaja htum ai nsi naisi hte ngai hpe nawng jau ya ai hkungga amyu myu lu la nga ma ai. Amyu masha ni gaw muk kabaw ai aten shagu, shawng na muk tawng hpe shadung hkungga hku nna hkinjawng ni hpe jaw ya ra nga ai; shaloi shanhte a dum nta ntsa hta nye a shaman chyeju tawn da ya na nngai.

JAW JAU 2:12

Nanhte gaw shaning shagu shawng shu la lu ai nsi naisi sak jaw lu na matu dai Madu hpang de la sa na rai myit dai; rai ti mung dai ni hpe tawn hkungri ntsa nat lu na myit dai n rai.

JAW JAU 2:14

Nang shu la lu ai nsi naisi hkungga hte dai Madu hpang de la sa ai shaloi kakang da sai nsi naisi shing n rai rin da sai lusha nawng jau na rai ndai.

JAW JAU 23:20

Hkinjawng ni a matu dai Madu hpe laksan kumhpa shatai na muk hte sagu la lahkawng hpe mung hkinjawng wa nawng ya na rai wu ai. Dai hkungga ni gaw chyoi pra nga ai.

BU HKAWM 15:21

Nanhte kabaw ai ndai muk hta na laksan kumhpa hku dai Madu hpe prat dingsa sak jaw na rai myit dai.

BU HKAWM 18:12

“Israela amyu masha ni ngai hpe shaning shagu jaw jau ai shawng ngai ai nsi naisi a kaja htum ai tsanlun sau, sabyi ntsin hte nai mam ngai nang hpe jaw nga nngai.

MAHTE 6:33

Shing rai na malai nanhte gaw, shi a mungdan hte shi a ding hpring ai lam hpe shawng tam nga mu; shaloi dai kaga ra ai nlang hte hpe shi nanhte hpe kahtap jaw na marin dai.

ROMA 11:16

Dai hta kaga muk tawng langai mi hta na hkyep mi hpe la nna Karai Kasang kaw shawng nawng jau ai rai yang ngam ai muk tawng ting mung nawng jau ai tai sai rai nga ai. Bai nna hpun langai mi a aru ni hpe nawng jau ai rai yang lakung lakying ni hpe mung nawng jau ai tai sai rai nga ai.

1 KORINHTU 15:20

Rai ti mung, teng teng byin ai lam gaw, Hkristu gaw si mat ai ni kaw na bai hkrung rawt wa sai rai nna, yup pyaw mat wa sai ni bai hkrung rawt wa na mara ai lam pahkam hkam ai lam lu la saga ai.

TARA JAHPRANG 14:22

“Shaning shagu nanhte a yi hkauna hta na pru ai nsi naisi yawng a htam shi hta na htam mi hpe karan jahka da na rai myit dai.

TARA JAHPRANG 14:23

Dai Madu nanhte a Karai Kasang shi hpe nawku na matu san da ya ai shara de sa nhtawm nai mam, sabyi ntsin, tsanlun sau hte sagu dumsu ni hta na shawng hkrat ai yam nga alat re ai htam shi hta na htam mi hpe shi a man e sha lu na rai myit dai. Ndai amu hpe galaw ai a majaw dai Madu nanhte a Karai Kasang hpe tut nawng shagrau sha-a nga na lam sharin la mai na rai myit dai.

TARA JAHPRANG 16:13

“Nanhte a nsi naisi, nai mam yawng kabye adup nna sabyi ntsin shup la ngut jang, Sum Poi hpe sanit ya tup galaw na rai myit dai.

YAKU 1:18

Shi hpan tawn da ai amyu ni yawng hta e anhte nambat langai shara lu ai alat amyu tai u ga, shi a myit ra ai hku hte maren dai teng man ai mungga hte shi anhte hpe shaprat dat mi ai.

SHINGRAN 14:4

Dai ni gaw numsha ni hte awu asin n rai yu ai lasha ni rai nga ma ai; shanhte gaw brang jet ni rai nga ma ai. Shanhte gaw Sagu Kasha sa ai shara shagu hkan hkan nang ma ai. Shanhte gaw shinggyim masha ni hta na hkye hkrang la hkrum sai ni rai nna Karai Kasang hte Sagu Kasha kaw shawng sak nawng da sai ni rai nga ma ai.