BU HKAWM 15:16 - Jinghpaw Common Language Bible 2009

¹⁶ nanhte hta mung shanhte hta mung dai tara ni hte hkan sa na htung lai ni langai sha rai nga myit dai.

Jinghpaw Hanson Version Bible

¹⁶ Nanhte hkum nan hte nanhte kaw sa shingbyi nga ai wa gaw, tara langai sha, htung hking langai sha rai nga na rai myit dai,” ngu wu ai.

BU HKAWM 15:16 ပူးပေါင်းရင်းမြစ်များ

1 HKAWHKAM 8:41

“Na a daru magam gumhkawng ai hpe mung, na a amyu masha ni a matu nang galaw nit dai magam bungli kaba ni a lam hpe mung sumtsan mung e nga nga ai maigan masha langai na nna nang hpe nawku na nga, ndai Nawku Htingnu hta akyu hpyi na matu sa du yang,

PRU MAT 12:49

Dai tara ni mahtang Israela mungchying masha ni a matu mung, maren sha rai nga ai,” ngu nna tsun wu ai.

JAW JAU 24:22

Ngai gaw dai Madu nanhte a Karai Kasang rai nga nngai majaw ndai tara gaw Israela amyu masha ni rai ti mung, nanhte hta hkan nga ai maigan masha ni hte nanhte yawng a matu rai nga ai,” ngu nna hkang da wu ai.

JAW JAU 4:27

Yu maya masha langai ngai dai Madu a hkang da ai lam lama ma hpe n dum shami shut hpyit tawt lai kau nna yubak galaw hkrup nhtawm,

BU HKAWM 15:17

Dai Madu gaw Israela amyu masha ni hpe shi jaw na ngu ai

BU HKAWM 35:15

Dai mare ni gaw Israela amyu masha ni a matu mung, chyahkring chyahkra gan sa manam ai maigan masha ni hte tut nawng a nga nga ai ni a matu shingbyi shara tai na rai nga ai. Kadai rai ti mung marai langai ngai hpe ndum shami sat kau ai wa gaw dai mare langai ngai hta hprawng shingbyi lu na rai wu ai.

BU HKAWM 9:14

“Nanhte hta hkan shanu nga ai maigan masha langai mi Shalai Wa Ai Poi hpe galaw mayu ai rai yang, hkang da ai tara ni hte hkan sa na tara ni hte maren dai poi hpe galaw lu na rai wu ai. Amyu masha ni hte maigan masha shagu hte gaw dai tara lam langai sha hpe hkan galaw na rai ma ai.”

YAWSHU 8:33

Dai Israela amyu masha ni hte shanhte a ningbaw ni, du salang ni hte tara agyi ni, shanhte hta hkan nga nang ai maigan masha ni gaw dai Madu a Ga Shaka Sumpu hpai ai Lewi hkinjawng ni hte Sumpu a man lahkawng maga de tsap nga nhtawm ka-ang hkup gaw Gerizim Bum maga de shingdu dat nna, ka-ang hkup gaw Ebala Bum de shingdu dat let tsap nga ma ai. Dai gaw aten du ai shaloi shaman chyeju hkam la na matu Karai Kasang a masha Mawshe hkang da ai lam rai nga ai.