BU HKAWM 14:9 - Jinghpaw Common Language Bible 2009

⁹ Dai Madu hpe hkum gumlau nga myit; dai mung e nga ai masha ni hpe mung hkum hkrit nga myit. Anhte gaw shanhte hpe aloi sha dang kau lu na ga ai. Dai Madu gaw anhte hte rau anga nga ai majaw shanhte hpe makawp maga la na karai ni hpe dang kau na nu ai; dai re ai majaw hkum hkrit nga myit,” ngu nna tsun ma ai.

Jinghpaw Hanson Version Bible

⁹ Dai re ai majaw Yehowa hpe hkum gumlau myit; dai mung na masha ni hpe mung hkum hkrit myit; shanhte gaw anhte a shat sha tai na ra ai: shanhte hta makawp maga n nga malu ai; anhte hpang de chyawm gaw Yehowa nga nga ai; shanhte hpe hkum hkrit myit,” ngu nna tsun mu ai.

BU HKAWM 14:9 ပူးပေါင်းရင်းမြစ်များ

NINGPAWT NINGHPANG 48:21

Dai hpang Yaku gaw Yosep hpe, “Nang mu ai hte maren ngai gaw si wa na chyu sha rai ni ai, rai ti mung Karai Kasang gaw nanhte hte rau nga nga nna nanhte a kaji kawa ni nga ai mung de bai woi wa na ra ai.

2 HKAWHKAM LABAU 13:12

Karai Kasang shi nan anhte a ningbaw rai nga ai rai nna shi a hkinjawng ni mung pahtau ni hte ndai yang e nga nga ma ai majaw pahtau dum na matu jin jin galaw da nga ai hte nanhte hpe majan gasat na matu anhte hpe shaga nga ma ai. Dai rai nna Israela amyu masha ni e, dai Madu nanhte a kaji kawa ni a Karai Kasang hpe hkum gasat myit! Nanhte dang lu na myit dai n rai!”

2 HKAWHKAM LABAU 15:2

shi gaw Hkawhkam Asa hpe sa hkrum na nga pru sa mat wa wu ai. Dai hpang shi gaw, “O Hkawhkam Asa hte Yuda hte Benyamin amyu masha ni yawng hte e, nye a ga madat mu! Nanhte shi hte rau nga nga dingsa, dai Madu mung nanhte hte rau nga nga ai. Nanhte shi hpe tam myit yang shi nanhte hpe mu shangun na ra ai; rai ti mung nanhte shi hpe kayin kau myit dai rai yang shi nanhte hpe kau da na ra ai.

2 HKAWHKAM LABAU 20:17

Nanhte gaw ndai majan hpe n gasat ra na myit dai; shara sha la nna ala nga mu; dai Madu gaw nanhte hpe awng padang jaw ai hpe mu lu na marin dai. Yuda mung hte Yerusalem mare e nga ai amyu masha ni e, hkum hkrit, hkum kanung nga myit, majan pa de pru sa wa mu; dai Madu gaw nanhte hte rau rai na ra ai,” ngu nna tsun wu ai.

2 HKAWHKAM LABAU 32:8

Shi gaw masha a daru magam n-gun lu wu ai; rai ti mung anhte chyawm gaw anhte hpe karum la nna anhte a majan ni hpe gasat ya na dai Madu anhte a Karai Kasang hpe lu ga ai,” ngu nna tsun wu ai. Shaloi amyu masha ni gaw shanhte a hkawhkam wa tsun ai ga ni a majaw myit n-gun lu la shajang nga ma ai.

NEHEMIA 4:14

Ngai gaw amyu masha ni myit ru myit tsang hkrum nga ma ai hpe mu ai rai nna, shanhte hpe, “Anhte a gumlau hpyen ni hpe hkum hkrit nga myit. Kade sha galu kaba nna hkrit mai nga ai dai Madu hpe dum nga mu; nanhte a kahpu kanau ni, ma kaji ni, madu jan ni hte nanhte a dum nta ni a matu gasat mu,” ngu nna tsun nngai.

SHAKAWN KUNGDAWN 106:24

Shaloi, shanhte Karai Kasang a ga sadi hpe n kam mat ma ai majaw, pyaw ai mungdan de shang sha na, shanhte ningdang kau mu ai.

SHAKAWN KUNGDAWN 121:5

Dai Madu gaw nang hpe bau sin na ra ai; shi nang hpe makawp maga na matu, na a makau e nga nga ai.

SHAKAWN KUNGDAWN 14:4

Madu gaw, “Shanhte n chye na ma ai kun? Ndai n hkru n shawp ai amu galaw ai ni yawng hte wa gri magra re ai ni rai nga ma ai kun? Shanhte gaw nye a amyu masha ni hpe hpya sha let nga nga ma ai, ngai kaw galoi mung akyu n hpyi yu ma ai,” nga nna san nga ai.

SHAKAWN KUNGDAWN 46:11

Chyahtum Chyalai n-gun rawng ai dai Madu gaw anhte hte rau nga nga ai; Yaku a Karai Kasang gaw anhte a shingbyi shara rai nga ai law.

SHAKAWN KUNGDAWN 46:7

Dai Chyahtum Chyalai N-gun rawng ai Madu gaw anhte hte rau rai nga ai; Yaku a Karai Kasang gaw anhte a shingbyi shara rai nga ai.

SHAKAWN KUNGDAWN 46:8

Sa marit, dai Madu hpa galaw da sai amu ni hpe yu mu. Ginding aga a ntsa e, shi galaw da sai mauhpa amu ni hpe mada yu mu.

SHAKAWN KUNGDAWN 74:14

Nang gaw baren numraw Lewihtan a baw ni hpe abrep kau nna; shanhte a hkum shan ni hpe nam mali hkan nga ai dusat ni hpe jaw sha kau nit dai.

SHAKAWN KUNGDAWN 91:1

Shim nga lu na matu, Madu hpang de du sa wa ai wa kadai rai ti mung; Chyahtum Chyalai n-gun rawng ai Wa a makawp maga ai npu hta shanu nga ai wa kadai rai ti mung,

PRU MAT 14:13

Mawshe chyawm gaw, “Hkum hkrit myit! Amu sha nga mu. Dai ni na nhtoi hta, nanhte hpe hkye hkrang la ai amu dai Madu galaw na ra ai hpe nanhte mu lu na marin dai; dai Egutu masha ni hpe galoi mung bai mu lu na manit dai n rai.

PRU MAT 33:16

Nang anhte hte rau n hkan sa ai rai yang, na a amyu masha ni hte mung, ngai hte mung nang kaning rai awng sharawng nga ai hpe kadai wa chye lu na rai nga a ta? Anhte hte rau nga nga ai na a hpung shingkang gaw ginding aga ntsa e nga ai kaga masha ni hta na anhte hpe garan ginhka da na rai nga ndai,” ngu nna htan wu ai.

ESAIA 1:2

Dai Madu gaw, “Ginding aga hte sumsing lamu e, ngai hpa tsun nga nngai hpe madat ya e! Ngai bau maka nna kaba wa ai kashu kasha ni ngai hpe gumlau nga masai.

ESAIA 32:2

Shanhte langai hte langai gaw nbung shingbyi shara hte nbung laru kaw na makoi shingbyi lu ai shara langai zawn tai na mara ai. Shanhte gaw zaibru jang e lwi nga ai hka shi ni zawn, akrin akraw re ai lamu ga hta nga ai kaba ai lunghkrung langai a shingnip zawn tai na mara ai.

ESAIA 41:10

Hkum hkrit et-Ngai nang hte rau rai nga nngai! Ngai gaw na a Karai Kasang rai nga nngai-nang hpe hpa mung n jahkrit shama u ga! Ngai gaw nang hpe n-gun shaja ya ai hte karum la na nngai; Ngai gaw nang hpe makawp maga ai hte hkye la na nngai.

ESAIA 41:14

Dai Madu gaw, “Israela e, nang gaw kaji ai hte n-gun kya nga ndai, hkum hkrit et, ngai nang hpe karum na nngai. Israela a chyoi pra ai Karai Kasang Ngai gaw nang hpe hkye la ai wa rai nga nngai.

ESAIA 63:10

rai ti mung, shanhte gaw shi hpe gumlau nna shi a chyoi pra ai wenyi hpe yawn shangun ma ai. Dai rai nna dai Madu gaw shanhte a gumlau tai mat nhtawm shanhte hpe gasat wu ai.

YEREMIA 42:11

Babelon hkawhkam wa hpe hkum hkrit nga myit. Ngai gaw nanhte hte rau rai nga nngai. Ngai gaw nanhte hpe shi a lata kaw na mawai la na nngai.

YEREMIA 48:45

Matsan mayan tsin-yam tsindam hkrum ai ni gaw Heshbon shara ngu ai lang mi Hkawhkam Sihon up hkang lai wa sai rai tim, wan hkru mat sai mare hta shingbyi shara tam shakut ma ai. Dai wan gaw majan shawng lam hte Moba mung na majan asai marit ai Moba masha ni a tsaw ai bum ni kaw du hkra hkru kau nga ai.

Daniela 9:5

“Anhte yubak galaw shut kau saga ai; anhte gaw n hkru ai ni she rai mat saga ai, anhte gaw shut hpyit ai amu galaw kau saga ai. Anhte galaw na matu nang hkang da ai ga ni hpe ningdang kau nna nang anhte hpe madun dan nit dai jaw ai lam kaw nna mung yit mat wa saga ai.

Daniela 9:9

Anhte nang hpe gumlau kau saga tim, nang gaw matsan chye dum ai hte mara raw dat ya ai wa rai nga ndai.

BU HKAWM 13:30

Mawshe hpe aput nga ai amyu masha ni hpe shazim na matu Hkaleb mahtang, “Anhte ya jang htim gasat nna dai mungdan hpe madu la saga; dai mungdan hpe dang la lu na n-gun atsam anhte hta alaw wa lu nga ga ai,” ngu nna tsun wu ai.

BU HKAWM 17:6

Dai rai nna Mawshe gaw Israela amyu masha ni hpe tsun dat mu ai rai nna shanhte a ningbaw shagu hte mung, amyu baw shagu a matu dawhkrawng langai ngai la nhtawm dawhkrawng shi lahkawng sa ya ma ai. Arun a dawhkrawng mung dai ni hte rau tawn da nga ai.

BU HKAWM 20:2

Shanhte dabang but ai shara hta hka n nga malu ai majaw amyu masha ni Mawshe yan Arun kaw sa zup nhtawm, “Dai Madu a Sum man hta

BU HKAWM 24:8

Karai Kasang gaw shanhte hpe Egutu mung kaw nna woi shapraw wa nu ai; Shanhte a matu dumbau langai zawn shi gasat malan ya nga ai; Shanhte a gumlau hpyen ni hpe sha kau nna, nra ni hpe agrawp kau nhtawm Shanhte lang ai ndan pala ni hpe gang daw kau ya na wu ai.

MAHTE 1:23

Shi gaw, “Yu u, dai hkawn sek gaw na-um nasin rai wa nna, shadang sha shangai na ra ai, shi a mying, Emanuela ngu shamying ya na maru ai,” nga ai. De a lachyum gaw, “Karai Kasang anhte hte rau rai nga ai!,” nga ai re.

ROMA 8:31

Dai rai yang gaw, ndai hte hpe yu nna anhte hpa naw tsun lu na ga ta? Karai Kasang gaw anhte a maga de nga nga a yang gaw, anhte hpe hpyen ai maga de kadai wa mi nga lu na ta?

TARA JAHPRANG 1:26

“Rai ti mung, nanhte mahtang dai Madu nanhte a Karai Kasang hkang da ai ga hpe gumlau nhtan jashai ai hte dai mungdan de n shang hkraw myit dai.

TARA JAHPRANG 1:29

“Rai ti mung ngai chyawm gaw, ‘Dai masha ni hpe hkrit kahpra shara n nga ra myit dai.

TARA JAHPRANG 31:6

Myit jahkut daw dan ai hte kam hpa nga mu. Shanhte hpe hkum hkrit myit. Dai Madu nanhte a Karai Kasang gaw nanhte hte rau anga nga ai; shi nanhte hpe kabai kau na n rai; nanhte hpe kau da na n rai,” ngu nna tsun wu ai.

TARA JAHPRANG 31:8

Dai Madu shi nan nang hte rau rai nga nna nang hpe woi awn na rai wu ai. Shi nang hpe kabai kau na n rai; nang hpe kau da na n rai; dai rai nna myit nden shaja u, hkum hkrit et,” ngu nna tsun wu ai.

TARA JAHPRANG 32:42

Nye a pala ni shanhte a asai hpe kahte hkrat shangun nna, ngai hpe ninghkap ai ni yawng hpe nye a nhtu hte kahtam sat kau na we ai. Ngai hpe htim gasat ai ni kadai hpe mung shalawt dat na we ai n rai; hkala hkrum ai ni hte bawng masha ni pyi si htum mat na mara ai.’

TARA JAHPRANG 7:18

Shanhte hpe hkum hkrit myit; dai Madu nanhte a Karai Kasang gaw Egutu hkawhkam wa hte shi a masha ni yawng hpe kaning di kau nu ai hpe adum nga mu.

TARA JAHPRANG 7:21

Dai rai nna ndai masha ni hpe hkum hkrit myit. Dai Madu nanhte a Karai Kasang gaw nanhte hte rau rai nga ai; shi gaw galu kaba ai Karai Kasang rai nga ai hte hkrit kamyin ging ai wa rai nga ai.

TARA JAHPRANG 9:7

“Nam mali kata e dai Madu nanhte a Karai Kasang hpe nanhte kaning rai masin shapawt nga myit dai hpe galoi mung hkum malap kau myit. Nanhte Egutu mung kaw na pru wa ai shani kaw nna ndai yang du wa ai aten du hkra nanhte shi hpe gumlau nga myit dai.

HPILIPI 1:27

Ya e nanhte a matu grau nna ra ahkyak dik ai lam gaw Hkristu a kabu gara shiga e hkan sa shangun ai hte maren asak hkrung nga pra na lam rai nga ai. Shing rai jang ngai nanhte hpang de sa du ai rai ti mung, n du lu ai rai ti mung, Wenyi e yaw shada ai lam langai sha hte nanhte lahpran tsap nga nna, myit ra sharawng ai lam langai sha hte dai kabu gara shiga a makam masham lam ngang grin galu kaba wa na matu rau sha majan jawm gasat nga ai lam hpe ngai na lu na nngai.

YAWSHU 1:5

Yawshu e, nang ahkrung nga dingsa kadai mung nang hpe dang lu na ma ai n rai; ngai gaw Mawshe hte rau nga lai wa ai zawn nang hte mung rau nga nga na nngai. Ngai gaw nang hte tut nawng rau anga nga na nngai; ngai nang hpe galoi mung kau da na nngai n rai.

YAWSHU 14:12

Dai rai nna, nye a masha ni hte ngai shiga jaw ai shani hta dai Madu ngai hpe ga sadi jaw ai dai bum ga ngai hpe jaw rit. Dai hta Anakim mying ai dai galu kaba ai masha ni, ngang ai bunghku hte kum da ai mare ni hta nga nga ai lam nang hpe anhte tsun dan saga ai. Dai Madu tsun ai ga hte maren, shi ngai hte rau nga nga u ga, shaloi shanhte hpe ngai shaden shapraw kau lu na nngai,” ngu nna tsun wu ai.

TARA AGYI 1:22

Ehprim hte Manashe amyu bawsang ni mung dai prat e Luza ngu nna shamying ai Behtela mare hpe sa htim gasat ma ai rai nna dai Madu mung shanhte hpe karum la wu ai. Shanhte mung mare de kin-yu yu na shangun dat ma ai rai nna masha langai pru wa ai hpe mu ma yang,