BU HKAWM 14:8 - Jinghpaw Common Language Bible 2009

⁸ Dai Madu anhte hpe awng sharawng mi ai rai yang gaw anhte hpe dai mungdan de woi wa nhtawm dai ngamu ngamai ai sut hte ningru ningja ai mungdan anhte hpe jaw na rai mi ai.

Jinghpaw Hanson Version Bible

⁸ Yehowa anhte hpe tsawra yang gaw, dai nga chyu hte lagat jahku lwi ai mung de, anhte hpe woi shawn nna madu shangun na mi ai.

BU HKAWM 14:8 ပူးပေါင်းရင်းမြစ်များ

2 SAMUELA 22:20

Shi gaw ngai hpe hkrit hpa shara kaw na mung karum la nga ai; shi gaw ngai hta awng sharawng nga ai majaw ngai hpe hkye hkrang la nga sai.

1 HKAWHKAM 10:9

Dai Madu na a Karai Kasang hpe shakawn kungdawn ga law! Shi gaw nang hpe Israela hkawhkam shatai nhtawm shi hte nang rau rai nga ai hpe gade sha yu awng sharawng nga ai hpe madun dan nga nu ai. Shi gaw Israela hpe prat dingsa tsaw ra nga ai majaw teng man ai tara hte tara daw dan lu na matu shi nang hpe shanhte a hkawhkam shatai ya nit dai,” ngu nna tsun wu ai.

SHAKAWN KUNGDAWN 22:8

“Nang gaw Madu hpe kam hpa shamyet shanat nga ndai, nang hpe shi hpa majaw n hkye la na rai wu ni? Madu gaw nang hpe ra sharawng ai rai yang, shi nang hpe hpa majaw n karum ai nga na rai wu ni?,” nga nna shanhte tsun ma ai.

PRU MAT 3:8

shanhte hpe Egutu masha ni a lata kaw na hkye hkrang la na hte Egutu mung kaw nna shanhte hpe woi shapraw wa nhtawm ya aten, Hkanan, Heti, Amori, Hperizi, Hiwi hte Yebusi masha ni nga ai dai dam lada rai nna sut su ngamu ngamai ai hte ga sau kaja ni hte hpring ai mung de woi la na ngai du sa ring ngai.

ESAIA 62:4

Nang gaw galoi mung “Mare Dingsa” ngu bai shaga hkrum na sai n rai, Na a mungdan gaw “Kabai Da Hkrum Ai Madu Jan,” ngu nna tsun hkrum sana n rai. Na a mying nnan gaw “Karai Kasang gaw shi hpe awng sharawng nga ai,” ngu na ra ai. Na a mungdan gaw “Kabu gara ai hte hkungran la sai,” ngu shaga hkrum na ra ai; Dai Madu gaw nang hta awng sharawng nga ai majaw, Na a mungdan gaw madu wa langai zawn tai na ra ai.

YEREMIA 32:41

Ngai gaw shanhte a matu mai kaja ai amu galaw ai lam hta ngai awng sharawng nga na nngai, ngai gaw shanhte hpe ndai mung hta e prat ting shagrin shangang da na nngai.

ZEHPANI 3:17

Dai Madu nanhte a Karai Kasang gaw nanhte hte rau anga nga ai; shi a daru magam n-gun gaw nanhte hpe awng padang jaw ya nga ai. Dai Madu gaw nanhte hpe awng sharawng wa nna shi a tsaw ra myit hta, shi nanhte hpe asak nnan jaw ya na ra ai. Shi gaw lusha poi hta shang lawm nga ai masha ni kabu gara nga ma ai zawn,

BU HKAWM 13:27

Shanhte gaw Mawshe hpe, “Anhte dai mungdan hpe hkan yu maram yu saga ai; dai mungdan gaw kaja wa ngamu ngamai ai sut hte ningru ningja ai ga rai nga ai hpe mu da saga ai. Yu mu, ndai namsi nkau mi gaw dai mung na rai nga ai.

BU HKAWM 16:14

Nang gaw anhte hpe ngamu ngamai ai mungdan de teng teng woi wa nga ndai n rai; anhte madu la na yi sun hkauna ni hte sabyi sun ni hpe mung jaw ndai n rai; dai rai nna ya mung nang anhte hpe masu hkalem na naw shakut nga ndai. An n sa lu na ga ai!,” ngu nna tsun wu ai.

ROMA 8:31

Dai rai yang gaw, ndai hte hpe yu nna anhte hpa naw tsun lu na ga ta? Karai Kasang gaw anhte a maga de nga nga a yang gaw, anhte hpe hpyen ai maga de kadai wa mi nga lu na ta?

TARA JAHPRANG 10:15

Rai ti mung nanhte a nji nwa ni a matu dai Madu a tsaw ra myit gaw grai n-gun ja nga ai majaw kaga masha amyu ni hta nanhte hpe lata la manit dai; nanhte gaw shi lata la sai amyu masha ni naw rai nga myit dai.

YAWSHU 14:12

Dai rai nna, nye a masha ni hte ngai shiga jaw ai shani hta dai Madu ngai hpe ga sadi jaw ai dai bum ga ngai hpe jaw rit. Dai hta Anakim mying ai dai galu kaba ai masha ni, ngang ai bunghku hte kum da ai mare ni hta nga nga ai lam nang hpe anhte tsun dan saga ai. Dai Madu tsun ai ga hte maren, shi ngai hte rau nga nga u ga, shaloi shanhte hpe ngai shaden shapraw kau lu na nngai,” ngu nna tsun wu ai.