BU HKAWM 14:5 - Jinghpaw Common Language Bible 2009

⁵ Dai hpang amyu masha ni yawng a man e Mawshe yan Arun gum dagup dingnyawm ma ai.

Jinghpaw Hanson Version Bible

⁵ Dai rai nna Mawshe yan Arun gaw Israela kashu kasha ni a shawa hpung nlang a man e dingnyawm dagup nna nga ma ai.

BU HKAWM 14:5 ပူးပေါင်းရင်းမြစ်များ

NINGPAWT NINGHPANG 17:3

Abram gaw ga du hkra dingnyawm dagup nga yang, Karai Kasang gaw,

1 HKAWHKAM 18:39

Shing re ai lam hpe amyu masha ni mu jang, ga ntsa e shanhte gum dagup nhtawm, “Dai Madu gaw Karai Kasang rai nga ai; dai Madu chyu sha Karai Kasang rai nga ai law!,” ngu nna jahtau tsun ma ai.

1 HKAWHKAM LABAU 21:16

Dai lamu kasa gaw Yerusalem mare hpe jahten sharun kau na matu shi a lata hta nhtu lang da nhtawm nbung ka-ang e tsap nga ai lamu kasa hpe Dawi mu wu ai. Dawi hte shi a amyu masha ni a ningbaw ni gaw lachyit nba bu hpun let shanhte a myi man ga de du hkra gum dagup nga ma ai.

EZEKELA 9:8

Shanhte sat shamyit mat wa nga yang, dai shara hta ngai chyu sha hti ngam nga ai hte ngai gaw ga de gum dagup nhtawm, “Tsaw Htum ai Madu e, nang gaw Yerusalem hpe grai wa pawt sindawng nna Israela mung hta naw ngam nga ai masha hkum shagu hpe sat kau na ngu wu ni?,” ngu nna jahtau tsun wu ai.

Daniela 10:9

Ngai gaw shi a nsen hpe na ai shaloi, ngai gaw n dum mat hkra ga e kadawng taw mat ai hte dai yang e gum dagup nga nngai.

JAW JAU 9:24

Dai Madu gaw wan hpe akajawng sha dat dat nna tawn hkungri na wan nat hkungga hte sau man ni hpe hkru kau nga ai. Dai lam hpe amyu masha ni mu ma yang, shanhte yawng marawn jahtau ai hte ga de myi man gum dagup let dingnyawm nga ma ai.

BU HKAWM 14:6

Kin-yu galaw ai Nun a kasha Yawshu hte Yehpuna a kasha Hkaleb yan chyawm gaw yawn let,

BU HKAWM 16:22

Rai ti mung Mawshe yan Arun gaw ga de dingnyawm dagup let, “O Karai Kasang e, nang gaw asak yawng a hka hpawk rai nga ndai; marai langai shut ai a majaw shawa hpung ting hpe masin pawt nga n ni?,” ngu nna tsun ma ai.

BU HKAWM 16:4

Mawshe gaw dai lam hpe na jang, ga ntsa e gum dagup nna hpyi nem wu ai.

BU HKAWM 16:45

“Ndai amyu masha ni kaw na shingdu de htingnut tsap mat mu; ndai masha ni hpe ndai shara hta nan shamyit kau na we ai!,” ngu nna tsun wu ai. Shan chyawm gaw ga de dingnyawm gum dagup nhtawm,

BU HKAWM 17:10

Dai Madu gaw Mawshe hpe, “Ga Shaka Sumpu a man e Arun a dawhkrawng hpe bai tawn da u. Dai gaw gumlau ai Israela masha ni a matu sakse kumla tai na ra ai rai nna shanhte a aput angun ai hpe n jahkring kau ai rai yang, si na rai ma ai,” ngu nna tsun wu ai.

BU HKAWM 20:6

Mawshe yan Arun mung dai amyu masha ni kaw na pru mat wa nhtawm Sum chyinghka lam e wa tsap nga ma ai. Shan ga de dingnyawm dagup nga ma yang, dai Madu a htoi tu ai hpung shingkang shan kaw dan pru nga ai.

MAHTE 26:39

Shaloi, dai yang na shi loi mi lai sa nhtawm, ga de myi man gum dagup let akyu hpyi wu ai gaw, “Wa e, ndai n ni n kri ngu ai gawm hpe ngai kaw na shalai kau lu yang gaw, shalai kau ya e! Rai ti mung nye a myit n rai, na a myit she rai u ga,” ngu nna tsun wu ai.

YAWSHU 5:14

Dai wa gaw, “Gara wa mahtang mung n rai nngai. Dai Madu a hpyen luksuk up hkang ai dap up wa zawn ngai nang e nga nga nngai,” ngu nna htan wu ai. Yawshu mung ga de dingnyawm nawku let, “Madu e, ngai gaw na a shangun ma rai nga nngai. Nang ngai hpe hpa galaw shangun mayu n ta?,” ngu nna tsun wu ai.

YAWSHU 7:10

Dai Madu chyawm gaw Yawshu hpe, “Rawt u! Hpa majaw ga hta dai zawn rai galeng nga n ta?

SHINGRAN 4:10

dai salang hkun mali mung, tingnyang hta dung nga nna htani htana prat dingsa ahkrung nga ai wa hpe dingnyawm nawku ma ai. Shanhte gaw, dai tingnyang a man e janmau ni hpe raw tawn da nna,

SHINGRAN 5:14

Shaloi dai dusat amyu mali gaw, “Amen!,” nga nna htan ma ai; salang ni mung dingnyawm nna nawku ma ai.

SHINGRAN 7:11

Bai, lamu kasa ni yawng mayawng mung, salang ni hte dusat amyu mali hte mung, dai tingnyang hpe shinggrup nna tsap nga ma ai. Shaloi shanhte gaw dai tingnyang nhpang e shanhte a myi man dagup nna, Karai Kasang hpe nawku let,