BU HKAWM 14:41 - Jinghpaw Common Language Bible 2009

⁴¹ Rai ti mung Mawshe mahtang, “Dai rai yang nanhte hpa majaw dai Madu a ga hpe ya n madat nga myit ni? Nanhte awng dang lu na myit dai n rai!

Jinghpaw Hanson Version Bible

⁴¹ Mawshe chyawm gaw, “Yehowa aga hpa rai tawt nga myit ta? nanhte galaw ai hku byin lu na n rai.

BU HKAWM 14:41 ပူးပေါင်းရင်းမြစ်များ

2 HKAWHKAM LABAU 24:20

Karai Kasang a wenyi gaw hkinjawng Yehoiada a kasha Zehkaria hpe up hkang nga ai rai nna amyu masha ni shi hpe mu lu ai shara hta shi tsap let, “Nanhte a ntsa e ru yak tsin-yam tsindam du wa hkra shi a hkang da ai ga ni hpe nanhte hpa majaw n madat n mara nga myit dai kun?, nga nna Madu Karai Kasang san nga ai! Nanhte gaw shi hpe kau da nga myit dai majaw shi nanhte hpe kau da manit dai!,” ngu nna jahtau tsun wu ai.

YOBA 4:9

Karai Kasang gaw shi pawt sindawng ai majaw, shanhte hpe nbung laru zawn jahten shaza nga ai.

YEREMIA 2:37

Nang gaw kaya kahpa hte na a baw gum let, Egutu mung kaw na kayin mat wa na rai ndai. Dai Madu ngai nan nang kam hpa ai ni hpe ningdang kau ni ai; nang gaw shanhte kaw na hpa mung lu la na ndai n rai,” ngu nna tsun ai.

YEREMIA 32:5

Zedekia gaw Babelon mung de woi la hkrum na ra ai, shi gaw dai mung hta ngai hte hkrum kanawn ai aten du hkra, dai shara hta shi naw nga nga na ra ai. Shi gaw Babelon mung masha ni hpe gasat ti mung, awng dang na ra ai n rai. Dai Madu ngai nan tsun ni ai,” nga ai.

BU HKAWM 14:25

Amalek masha ni hte Hkanan masha ni ya shanu nga ai Kadit ni hpe madu la lu na rai ma ai. Dai rai nna hpawt ni jang, nhtang kayin mat wa nhtawm Nawng Hkyeng maga de nga ai nam mali kata de shang mat wa mu,” ngu nna tsun wu ai.

TARA JAHPRANG 1:42

“Rai ti mung dai Madu gaw ngai hpe, ‘Ngai shanhte hte rau n rai nngai majaw hkum lung gasat myit; shanhte a gumlau hpyen ni mahtang dang kau na mara ai,’ ngu nna shadum u, nga ai.

1 SAMUELA 15:19

Dai re ai mi, nang shi a ga hpa majaw n madat kau n ni? Hpa majaw lanep arai ni hpe rim magawn wa nna dai Madu n sharawng awng ai amu hpe galaw kau wu ni?,” ngu nna htan wu ai.