BU HKAWM 14:35 - Jinghpaw Common Language Bible 2009

³⁵ Nanhte gaw jawm hpawng de let ngai hpe gumlau ai n hkru ai amyu masha nanhte hpe dai zawn ngai di na we ai ngu nna dagam da se ai. Dai rai nna ndai yang na nam mali hta nanhte hkum shagu si mat na rai myit dai. Ngai Madu nan tsun ni ai,’” ngu nna tsun wu ai.

Jinghpaw Hanson Version Bible

³⁵ Ngai Yehowa ning nga nga nngai: gaja wa teng teng ngai hpe gumlau ai, ndai n hkru ai shawa hpawng hpe shing di na we ai; ndai nam mali hkan e shanhte si mat na masai; ndai yang e nyawp mat na masai, nga ai, ngu mu,” ngu wu ai.

BU HKAWM 14:35 ပူးပေါင်းရင်းမြစ်များ

SHAKAWN KUNGDAWN 78:33

Dai re ai majaw, shanhte a shani nhtoi ni hpe nsa zawn; shanhte a asak ni hpe kajawng kaja re ai tsin-yam tsindam ni hte jahtum kau ya wu ai.

PRU MAT 23:21

Shi a man e sadi mu, shi a ga hpe madat mu. Ngai shi hpe shangun da ni ai rai nna shi hpe hkum gumlau nga myit. Dai zawn re ai gumlau lam hpe shi mara dat ya na ra ai n rai.

EZEKELA 20:36

Nanhte a kaji kawa ni hpe Sina Nam mali e ngai daw dan ni ai zawn, ya mung nanhte hpe ngai daw dan na nngai,” ngu Tsaw Htum ai dai Madu tsun ai.

BU HKAWM 23:19

Karai Kasang gaw masu chye ai masha ni zawn n rai; Shi gaw myit chye galai ai shinggyim masha langai mi n rai. Shi jaw da ai ga sadi amu hpe shi galaw ai; Shi tsun ai hte maren galaw shatup nga ai.

BU HKAWM 26:65

Yehpuna a kasha Hkaleb yan Nun a kasha Yawshu hta kaga shanhte gale hte yawng gaw tinang galaw ai amu hte maren, dai nam mali kata e si mat ma ai,” ngu nna dai Madu tsun nu ai.

1 KORINHTU 10:11

Ndai lam ni mahkra shanhte hta byin wa ai gaw, kaga masha ni a matu shari tai na matu rai nna, anhte hpe shadum shahprang sadi jaw na matu ka da nga ai. Hpa majaw nga yang, anhte gaw mungkan aprat htum na ni wa ai ten hta sa pra ang ai ni rai nga ga ai.

1 KORINHTU 10:5

Rai ti mung, shanhte hta na malawng maga hte hpe Karai Kasang n sharawng awng da mu ai rai nna, nam mali ga hkan e ayai aya rai si htum mat ma ai.

HEBRE 3:19

Shanhte n kam n sham ma ai majaw dai mung de n shang lu ma ai hpe anhte mu chye lu ga ai.