BU HKAWM 14:34 - Jinghpaw Common Language Bible 2009

³⁴ Dai mung hpe kin-yu hku hkan yu maram ai nhtoi mali shi ya tup rai nga ai hte maren, lani mi hpe laning mi shatai nhtawm mali shi ning tup nanhte shut hpyit kau ai yubak mara a nni nkri hkam sha na rai myit dai. Shaloi nanhte hpe ngai ninghkap nna kabai kau na a lachyum hpe chye na na rai myit dai!

Jinghpaw Hanson Version Bible

³⁴ Dai mung hpe kin-yu yu ai nhtoi mali shi ya re ai hte maren, lani mi hpe laning mi shatai nna, mali shi ning tup, tinang a yubak gun let, nye e kabai kau ai chye lu na manit dai.'

BU HKAWM 14:34 ပူးပေါင်းရင်းမြစ်များ

1 HKAWHKAM 8:56

“Shi ga sadi tawn da nga ai hte maren shi a amyu masha ni hpe ngwi pyaw sim sa lam jaw ya ai dai Madu hpe shakawn mu law. Shi a shangun ma Mawshe hku nna jaw da sai kaga ga sadi ni yawng hpe shi shatup nga ai.

2 HKAWHKAM LABAU 36:21

“Lamu ga hpe bansa jaw ai htung tara n hkan shatup ai majaw dai hpe bai shatup na matu lamu ga gaw sanit shi ning tup katsi katsang shara tai mat na ra ai,” ngu nna myihtoi Yeremia a ga hku dai Madu tau tsun da ai ga gaw dik wa nga sai.

SHAKAWN KUNGDAWN 105:42

Shi a shangun ma kaja Abraham hte tawn da ai chyoi pra ai ga sadi ndat ga ni hpe shi dum nga wu ai.

SHAKAWN KUNGDAWN 38:4

Ngai gaw nye a yubak mawru kata hta lup mat wa nga nngai; dai ni gaw tsin-yam lit langai mi rai nga nna, hkam sharang lu na matu, nau li la nga ai.

SHAKAWN KUNGDAWN 77:8

Shi anhte hpe n tsaw ra sana nu ai kun? Shi a ga sadi mung hten mat sana nu ai kun?

SHAKAWN KUNGDAWN 95:10

Ngai gaw mali shi ning tup, dai amyu masha ni hpe n yu ra mat nngai. ‘Shanhte gaw kade wa sadi n dung nga ma hka! shanhte gaw nye a hkang da ai tara ni hpe ndang kau ai ni rai ma ai.’

EZEKELA 14:10

Myihtoi wa hte shi hte bawng ban jahkrup ai wa, shan lahkawng yan gaw maren mara re ai ari jaw hkrum na mara ai.

EZEKELA 23:35

Yu u, ndai gaw Tsaw Htum ai dai Madu tsun nga ai mungga rai nga ai: “Nang gaw ngai hpe malap kau nit dai, ngai hpe shingdu dat kau nit dai majaw na a ngang gayut ai amu hte shawa num amu galaw ai nni nkri hpe hkam sha na rai ndai.”

EZEKELA 4:6

Nang gaw dai maga mi de hkrawn ai nhtoi ngut jang, na a hkra maga de kayin hkrawn taw nna, nhtoi mali shi ya tup, Yuda amyu a shut hpyit ai amu a matu nni nkri hkam sha na rai ndai, shanhte a ari gun hpai ai aten ladaw gaw lani mi a matu laning mi rai na ra ai.

Daniela 9:24

“Sanit shi sanit lang ngu ai gaw yubak hte n hkru ai amu kaw nna na a amyu masha ni hte na a chyoi pra ai mare lawt wa na matu Karai Kasang masat da ya ai aten galu rai nga ai. Yubak dat kau ai hkrum nna prat dingsa teng man rap ra ai tara grin ngang nga na ra ai; shaloi shingran hte myihtoi ga teng teng byin wa ai hte chyoi pra ai Nawku Htingnu hpe bai ap nawng da na ra ai.

HOSEA 9:12

Shanhte gaw ma ni hpe bau maka dat ai rai tim, shanhte hpe ngai woi la nna, langai mi hpe mung jahkrung tawn da na we ai n rai. Ndai amyu masha ni hpe ngai kau da ai shaloi, hkrit hpa amu shanhte hta byin hkrum hkra wa na mara ai,” ngu nna tsun we ai.

JAW JAU 20:19

Marai langai ngai gaw shi a kamoi hte kanawn ai rai yang shan lahkawng jauwawng wawng ai majaw de a mara hkam sha lu na rai wu ai.

ZEHKARIA 11:10

Dai hpang, ngai gaw, “Masha amyu baw ni yawng hte dai Madu tawn da ai ga shaka hpe run kau na matu “Myi man pa lam” ngu shamying ai dawhkrawng hpe la nna shadaw kau nngai.

BU HKAWM 13:25

Dai mungdan hpe nhtoi mali shi ya hkan yu maram ngut ai hpang dai kin-yu ni gaw Paran Nam Mali na,

BU HKAWM 18:23

Ya kaw nna Lewi masha ni chyu sha Sum hpe yu lajang nhtawm dai hte seng ai magam lit ni hpe tup hkrak gun hpai na rai ma ai. Dai gaw nanhte amyu matu ni prat dingsa hkan sa galaw na tara rai nga ai.

BU HKAWM 32:13

Dai Madu gaw amyu masha ni hpe pawt bu ai rai nna shi hpe ka-un shangun ai ban masha ni yawng si htum mat ai aten du hkra, shanhte hpe nam mali hkan e mali shi ning tup brak hkawm shangun wu ai.

KASA 13:18

shaning mali shi ning tup nam mali hkan e shanhte a akyang hpe hkam sharang ya mu ai.

TARA JAHPRANG 2:7

“Dai Madu nanhte a Karai Kasang gaw nanhte galaw sai lam magup hta kaning rai shaman ya manit dai hpe adum nga mu. Ndai htat ai nam mali kata hkan nanhte hkawm sa nga myit yang, nanhte hpe lanu lahku la manit dai. Shing rai nanhte hta ra kadawn nga ai lam magup lu la hkra, ndai shaning mali shi ning tup nanhte hte rau nga lai wa nu ai.

HEBRE 4:1

Ya Karai Kasang gaw anhte hpe ngwi pyaw ban sa ai lam hkam la shangun na nga nna tsun da ai ga ndat jaw da mani ai. Dai ga ndat jaw da sai ngwi pyaw ban sa ai lam hpe nanhte hta na langai mi mung n lu la ai n nga myit ga, anhte sadi nga ga.

YAWSHU 14:10

Rai ti mung, ya chyawm gaw yu u, Israela amyu masha ni nam mali hkan e kayin hkawm nga ai nhtoi hte ting hta, dai Madu Mawshe hpe shing nga tsun ai shani kaw nna ya du hkra, dai Madu a ga hte maren, mali shi manga ning tup nye a asak hpe jahkrung da ya ni ai rai nna, ngai hpe yu yu mu, dai ni nye a asak matsat shi manga ning du sali ai.

SHINGRAN 11:3

Bai, nye a sakse yan lahkawng hpe ngai shangun dat na mawe ai rai nna, shan gaw lachyit nba bu hpun let nhtoi 1,260 ya tup Karai Kasang a mungga hpe myihtoi ga hku hkaw tsun na mara ai.

1 SAMUELA 2:30

Na a dinghku hte na a lakung lama ni hkinjawng ni zawn prat tup ngai hpe daw jau lu mu ga ngu, dai MaduIsraela a Karai Kasang ngai nan lai sai prat ni hta ga sadi tawn da ni ai. Rai ti mung ya chyawm gaw dai ga sadi galoi mung grin sana n rai nga sai hpe ngai tsun nga nngai! Shing rai na malai, ngai hpe shagrau sha-a ai ni hpe ngai shagrau sha-a na nngai; ngai hpe n kaw n law re ai ni hpe ngai mung n gawn n sawn di kau na we ai.