BU HKAWM 14:3 - Jinghpaw Common Language Bible 2009

³ Dai Madu gaw anhte hpe hpa majaw dai mungdan de woi wa nga a ni? Anhte mung majan hta sat kau ai hkrum nna anhte a num ni hte kashu kasha ni mung rim la ai hkrum na manu ai. Egutu mung de bai nhtang wa yang, grai mai na n rai ni?,” ngu nna shanhte tsun ma ai.

Jinghpaw Hanson Version Bible

³ Yehowa gaw anhte hpe ri nhtu hta si hkra, hpa majaw ndai de woi wa mi ai i? anhte a num ni hte ma chyangai ni gaw lanep tai ma na masai; Egutu mung de bai nhtang wa yang grau mai ai n rai ni?” nga nna tsun ma ai.

BU HKAWM 14:3 ပူးပေါင်းရင်းမြစ်များ

NEHEMIA 9:17

Shanhte gaw ga n madat ma ai; shanhte gaw nang galaw ai amu yawng mayawng hpe malap kau ma ai; shanhte gaw nang galaw dan sai mauhpa amu ni hpe malap kau manu ai. Shanhte gaw gumrawng ai myit hte mayam tai nga ai Egutu mung de shanhte hpe woi nhtang sa wa na matu ningbaw langai san da ma ai. Rai ti mung nang gaw mara dat ya ai Karai Kasang rai nga ndai; nang gaw chyeju myit rawng nna tsaw ra ai hte hkam sharang lu ai wa rai nga ndai. Na a matsan dum ai myit gaw galu kaba nga nna; nang gaw shanhte hpe kau da nga ai n rai.

SHAKAWN KUNGDAWN 78:40

Shanhte nam mali hkan e, shi hpe kade lang wa gumlau kau nga ma ai; kade lang wa shi hpe myit shayawn kau nga ma hka!

PRU MAT 16:3

shan hpe, “Dai Madu gaw anhte hpe Egutu mung e sat kau na anhte ra sharawng ga ai. Dai mung hta dung nga let ashan sha lu ai hta sha n-ga, kaga malu masha ni hpe mung anhte sha mayu ai made lu sha ga ai. Rai ti mung, ndai nam mali e anhte yawng hpe kyet si shangun na matu nan gaw anhte hpe woi shapraw wa myit dai,” ngu nna tsun ma ai.

PRU MAT 5:21

Shanhte gaw Mawshe yan Arun hpe, “Hkawhkam wa hte shi a du salang ni anhte hpe n dawng shangun ai amu hpe nan galaw shapraw manit dai gaw, dai Madu mu ya nu ai hte nan hpe ari jaw na ra ai. Nan gaw anhte hpe sat kau na matu lawt ga mung shanhte hpe jaw kau manit dai,” ngu nna hkap deng ma ai.

YEREMIA 42:19

Dai hpang, ngai gaw, “Yuda mung hta naw ngam nga ai amyu masha ni hpe Egutu mung de n yu sa na matu, dai Madu nanhte hpe tsun nu ai. Ya mung ngai gaw

YEREMIA 9:3

Shanhte gaw tut nawng masu magaw ga tsun na jin jin rai ma ai; teng man ai a malai n ding n man ai hte mungdan up ma ai. Dai Madu gaw, “Nye a amyu masha ni n hkru ai amu langai hpang langai galaw nna ngai hpe mung shanhte a Karai Kasang hku n yin la ma ai,” ngu nna tsun ai.

BU HKAWM 11:20

nanhte a ladi hta manam hkying nna ajin anang nga mat hkra shata mi tup sha lu na rai myit dai. Ya nang e nanhte hte rau nga nga ai dai Madu hpe nanhte ningdang kau myit nhtawm Egutu mung kaw na nanhte galoi mung n pru wa na rai sahka nga nna shi hpe aput angun myit dai majaw ndai lam byin wa na rai nga ai,’” ngu nna tsun mu ai.

BU HKAWM 16:13

Ndai nam mali hta anhte hpe sat kau lu hkra nga, ngamu ngamai ai Egutu mung kaw na nang anhte hpe woi shapraw wa ai pyi n ram dum nga n ni? Ya mung anhte a ntsa e madu naw tai mayu nga n ni?

BU HKAWM 20:3

anhte a hpu nau Israela amyu masha ni hte rau si mat ga ai rai yang grau kaja na ga ai.

BU HKAWM 21:5

Shanhte gaw, “Lusha mung, hka mung n nga ai ndai nam mali hkan e si mat na matu nang anhte hpe hpa majaw Egutu mung kaw na woi wa nga n ni? Ndai asit awat nga ai lusha hpe anhte kachyi mi pyi n kam sha mat saga ai!,” ngu nna aput ma ai.

KASA 7:39

“Rai ti mung, anhte a ji wa ni chyawm gaw, shi a ga hpe n madat ma ai. Shi hpe ndang kau nna Egutu mung de bai yu wa mayu ma ai.

TARA JAHPRANG 1:39

“Dai hpang dai Madu gaw anhte yawng hpe, ‘Nanhte a gumlau hpyen ni a lata hta rim hkrum na sha rai saga ai, ngu nna nanhte tsun ai ma kaji ni, jaw ai hte n jaw ai hpe chye na na matu nau wa naw kaji nga ai nanhte a ma kaji ni hpe sha dai mungdan, ngai jaw nna shanhte madu la na mara ai.