BU HKAWM 14:28 - Jinghpaw Common Language Bible 2009

²⁸ Ya chyawm gaw shanhte hpe ning ngu mahtai jaw u: ‘Ngai gaw ahkrung nga ai hte maren nanhte san myit dai hku, ngai nanhte hpe galaw na nngai,’ ngu ngai nan dagam da se ai. Ngai Madu nan tsun ni ai.

Jinghpaw Hanson Version Bible

²⁸ Shanhte hpe ning ngu tsun u, ‘Yehowa da nga yang, ngai ahkrung nga nngai hte maren, nanhte ngai hpe na hkra tsun ai hku, nanhte hpe ngai di na made ai:

BU HKAWM 14:28 ပူးပေါင်းရင်းမြစ်များ

YOBA 21:20

Yubak galaw ai ni gaw shanhte a ari hkam la mu ga; Chyahtum Chyalai N-gun Rawng Ai Karai Kasang a pawt sindawng ai hpe hkam sha shangun u ga.

SHAKAWN KUNGDAWN 106:26

Dai re ai majaw, Madu shanhte hpe nam mali kata e, si jahtum kau shangun na wu ai majaw mung,

SHAKAWN KUNGDAWN 95:11

Ngai pawt sindawng nga nngai hte, ‘Nanhte myit sim myit sa hte nga lu na matu, ngai lajang da ya ai mungdan de, galoi mung shang sha lu na ra ai n rai,’” ngu nna dagam shaka da nngai.

EZEKELA 12:25

Dai Madu ngai nan shanhte hpe tsun na nngai. Ngai tsun ai hte maren dik wa na ra ai. Dai gaw galoi mung aten la, htingnai nga na ra ai n rai. Gumlau chye ai ni e, nanhte asak hkrung nga ai laman, ngai galaw na ngu nna nanhte hpe shadum jahprang da ni ai hte maren ngai shadik na nngai. Ngai nan dai ga hpe tsun ni ai, nga nna Tsaw Htum ai dai Madu nan tsun ai.

BU HKAWM 11:1

Dai amyu masha ni shanhte hkrum sha ai tsin-yam tsindam a majaw dai Madu hpe aput hpang wa ma ai. Dai Madu gaw dai lam ni na jang masin pawt nna amyu masha ni a ntsa e wan dat dat wu ai. Dai gaw shanhte a ka-ang e hkru wa ai hte dap a jahtum shara langai mi hpe jahten kau nga ai.

BU HKAWM 14:2

Shanhte gaw Mawshe yan Arun hpe aput let, “Egutu mung shing n rai ndai Nam Mali hkan e si mat tim pyi grau kaja na saga ai law!

BU HKAWM 14:21

Rai ti mung ngai gaw ahkrung nga nngai rai nna nye a hpung shingkang ga ntsa ting hta dan hkung nga ai hte maren,

BU HKAWM 14:23

Shanhte a kaji kawa ni hpe jaw na ngu nna ga sadi jaw da sai mungdan de shanhte galoi mung shang lu na ma ai n rai. Ngai hpe n gawn n sawn di nna ningdang kau ai ni kadai mung dai mungdan de galoi mung shang lu na ma ai n rai.

BU HKAWM 14:39

Mawshe gaw Israela masha ni hpe dai Madu tsun ai lam htawn tsun wu yang, shanhte grai myit n dawt let sharung shayawt ma ai.

BU HKAWM 32:11

‘Shanhte gaw ngai hta sadi n dung nga masai majaw Abraham, Isak hte Yaku ni hpe ga sadi jaw da sai mung de, Egutu mung na pru wa ai asak hkun ning hte lahta de na ni kadai mung shang lu na n rai,’ ngu nna ngai dagam da se ai.

TARA JAHPRANG 1:34

“Shaloi dai Madu gaw nanhte a aput ai nsen hpe na nna, masin pawt ai hte,

TARA JAHPRANG 1:35

‘Ndai n hkru ai ban masha hta na nanhte langai mi mung nanhte a nji nwa ni hpe jaw na ngu ngai ga sadi tawn da ai dai ga sau kaja ai hte hpring nna ningru ningja ai mungdan de shang lu na myit dai n rai.

TARA JAHPRANG 2:14

Dai gaw Kadesha Barnea kaw na anhte pru mat wa ai hpang sumshi matsat ning hta rai nga ai. Shanhte hta byin wa na lam, dai Madu hkang da mu ai hte maren dai ban na hpyen masha ni yawng si htum mat ma ai.

TARA JAHPRANG 2:15

Shanhte yawng hpe shamyit jahtum kau ai aten du hkra, dai Madu mung shanhte hpe ninghkap wu ai.

TARA JAHPRANG 32:40

Ngai gaw teng teng ahkrung nga ai Karai Kasang rai nga nngai hte maren; nye a lata hpe ngai sharawt nhtawm dagam let,

HEBRE 3:17

Shaning mali shi ning tup Karai Kasang a pawt sindawng ai hkrum sha ai ni gaw kadai ni rai ma ta? Dai ni gaw, yubak mara galaw nna nam mali e kadang si mat ai ni rai nga ma ai.