BU HKAWM 14:27 - Jinghpaw Common Language Bible 2009

²⁷ “Ndai n hkru ai amyu masha ni galoi aten du hkra ngai hpe aput shatsang na rai nga ma ta? Dai zawn nga ai aput angun ga ni hpe ngai na jin ni ai!

Jinghpaw Hanson Version Bible

²⁷ “Ngai hpe aput apai nga ai, ndai n hkru ai shawa hpung hpe galoi du hkra ngai sharang nga na rai ta? Israela kashu kasha ni ngai hpe aput apai nga ai gaw ngai na se ai.

BU HKAWM 14:27 ပူးပေါင်းရင်းမြစ်များ

PRU MAT 16:12

“Ngai gaw Israela amyu masha ni a aput ai nsen ni hpe na ni ai. Dai re ai majaw shanhte gaw shana de shan sha lu nna, jahpawt de mung shanhte sha mayu ai muk yawng sha lu na rai ma ai; shaloi Ngai nan dai Madu shanhte a Karai Kasang rai nga nngai hpe shanhte chye lu na mara ai,” ngu nna tsun wu ai.

PRU MAT 16:28

Dai hpang, dai Madu gaw Mawshe hpe, “Nanhte gaw galoi du hkra nye a hkang da ai tara ni hpe n hkan ai nga nga na ngu nga myit ta?

PRU MAT 16:7

Jahpawt e mung nanhte gaw htoi kabrim ai dai Madu a hpung shingkang hpe mu lu na marin dai. Nanhte shi hpe aput ai ga, rai sa, dai aput ai ga hpe shi na nu ai; an chyawm gaw shi a ga matsun ni hpe chyu sha gun hpai ai yan rai nga ga ai,” ngu nna tsun ma ai.

PRU MAT 16:9

Mawshe gaw Arun hpe, “Dai Madu gaw nanhte a aput ai nsen ni hpe na ya nu ai majaw, shi hpang de sa nna shi a man e tsap nga na matu hpung shawa ting hpe htawn tsun u,” ngu nna tsun wu ai.

EZEKELA 35:13

Ngai gaw zai ai hte shakawng shakat ai hku ngai hpe ninghkap tsun ai na a ga hpe na ni ai.”

BU HKAWM 11:1

Dai amyu masha ni shanhte hkrum sha ai tsin-yam tsindam a majaw dai Madu hpe aput hpang wa ma ai. Dai Madu gaw dai lam ni na jang masin pawt nna amyu masha ni a ntsa e wan dat dat wu ai. Dai gaw shanhte a ka-ang e hkru wa ai hte dap a jahtum shara langai mi hpe jahten kau nga ai.

BU HKAWM 14:11

Dai Madu gaw Mawshe hpe, “Ndai amyu masha ni galoi aten du hkra ngai hpe n hkap la na rai ma ta? Shanhte hpe ngai galaw dan sai mauhpa lamik kumla law law hpe mu nga ninglen ngai hpe kam sham na matu galoi aten du hkra shanhte ningdang nga na rai ma ta?

BU HKAWM 14:26

Dai Madu gaw Mawshe yan Arun hpe,

MAHTE 17:7

Shaloi Yesu wa nna shanhte hpe ahtawk let, “Rawt mu, hkum hkrit nga myit,” ngu wu ai.

MARKU 9:19

Dai rai nna Yesu gaw, “Makam masham n rawng ai amyu e! Gade na hkra ngai nanhte hte rau nga nga lu na rai ta? Gade na hkra ngai nanhte hpe hkam sharang nga lu na rai ta? Dai ma hpe ngai hpang de woi sa wa marit,” ngu nna tsun mu ai.

1 KORINHTU 10:10

Shanhte nkau mi aput angun nna, Si du a kasa wa a lata hte jahten shabyak kau ai hkrum ma ai zawn, anhte aput angun nga lu na n rai.