BU HKAWM 14:24 - Jinghpaw Common Language Bible 2009

²⁴ Rai ti mung nye a shangun ma Hkaleb chyawm gaw laklai shai ai myit masin rawng nna ngai hta sadi dung nga ai majaw shi nan kin-yu hku hkan maram yu sai dai mung de ngai woi shawn nna shi a matu mara ni mung,

Jinghpaw Hanson Version Bible

²⁴ nye a shangun ma Hkaleb chyawm gaw, kaga re ai myit masin rawng ai hte nye a hpang htep lahti hkan nang ai majaw, shi kabye yu sai mung de ngai woi shawn nna, shi a kashu kasha ni dai hpe madu lu na mara ai.

BU HKAWM 14:24 ပူးပေါင်းရင်းမြစ်များ

1 HKAWHKAM LABAU 29:18

Anhte a kaji kawa Abraham, Isak hte Yaku ni a Madu Karai Kasang e, na a amyu masha ni hta dai zawn ap nawng chye ai myit hpe htani htana n-gun shaja ya nna nang hta shanhte tut nawng sadi sahka dung nga shangun u law.

1 HKAWHKAM LABAU 29:9

Amyu masha ni gaw dai Madu hpe awng sharawng ai myit hte grau jaw ya lu manu ai majaw shanhte kabu gara shajang nga ma ai. Hkawhkam Dawi mung nachying kabu gara nga ai.

2 HKAWHKAM LABAU 25:2

Shi gaw dai Madu awng sharawng ai amu hpe galaw ti mung myit lawm ai hku galaw ai n rai.

SHAKAWN KUNGDAWN 119:145

Nye a myit masin mahkra hte, ngai nang hpe shaga nga nngai; Madu e, ngai hpe htan ya e, na a hkang da ai ga ni hpe ngai madat mara hkan nang nga na nngai!

SHAKAWN KUNGDAWN 119:80

Ngai gaw na a hkang da ai ga ni hpe ra n rawng hkra madat mara hkan sa nga nngai majaw, kaya kahpa hte sum kadawng ai lam ngai hta n hkrum nga u ga.

GA SHAGAWP 23:26

Sha e, atsawm sha madat la u; nye a asak hkrun lam gaw na a matu kasi tai shangun u.

BU HKAWM 13:30

Mawshe hpe aput nga ai amyu masha ni hpe shazim na matu Hkaleb mahtang, “Anhte ya jang htim gasat nna dai mungdan hpe madu la saga; dai mungdan hpe dang la lu na n-gun atsam anhte hta alaw wa lu nga ga ai,” ngu nna tsun wu ai.

BU HKAWM 14:30

Nanhte hpe dai mung e nga shangun na matu ngai ga sadi tawn da ni ai rai ti mung, Hkaleb hte Yawshu hta lai nna nanhte hta na kadai mung shang lu na myit dai n rai.

BU HKAWM 26:65

Yehpuna a kasha Hkaleb yan Nun a kasha Yawshu hta kaga shanhte gale hte yawng gaw tinang galaw ai amu hte maren, dai nam mali kata e si mat ma ai,” ngu nna dai Madu tsun nu ai.

KASA 11:23

Shi sa du ai shaloi dai masha ni hpe Karai Kasang gara hku chyeju jaw nga ai lam mu lu yang shi kabu gara nga ai hte dai Madu hta myit masin mahkra hte lashum lanoi kam sham nna sadi dung nga na matu nlang hte hpe shadum shahprang mu ai.

EHPESU 6:6

Madu ni yu nga ai shaloi myi man pa mayu ai majaw sha hkum galaw myit; Hkristu a mayam ni zawn, Karai Kasang a myit ra ai hku hte maren, myit masin yawng hte galaw nga mu.

TARA JAHPRANG 1:36

Yehpuna a shadang sha Hkaleb chyu sha dai mungdan de shang lu na rai wu ai. Shi gaw ngai hta sadi sahka myit dung nga ai majaw shi lung maram yu sai mungdan hpe shi hte rau shi a amyu matu ni hpe ngai jaw na we ai,’ ngu nna dagam let tsun shabra wu ai.

TARA JAHPRANG 6:5

Dai Madu na a Karai Kasang hpe na a myit kraw lawang mahkra hte, na a asak mahkra hte na a n-gun lagaw mahkra hte tsaw ra nga u.

KOLOSE 3:23

Nanhte hpa galaw ti mung, masha a matu galaw ai zawn n rai, Karai Kasang a matu galaw ai zawn, nanhte a myit masin yawng hte ashaja nga mu.