BU HKAWM 14:22 - Jinghpaw Common Language Bible 2009

²² ndai amyu masha ni kadai mung dai mung de shang lu na ma ai n rai, ngu nna ngai ga sadi tawn da nngai. Shanhte mahtang Egutu mung hte nam mali hkan ngai galaw dan sai mauhpa lamik kumla ni hte htoi tu ai nye a hpung shingkang hpe mu lu ma ti mung, nye a galu kaba ai myit hpe shanhte lang hte lang chyam dinglik yu nna nye a ga hpe n madat ya ma ai.

Jinghpaw Hanson Version Bible

²² Egutu mung kaw nna, ndai nam mali du hkra nye a hpung shingkang hte ngai madun ai lamik kumla ni hpe mu lu ai ni nlang hte gaw, nye a ga n madat ai, ya shi lang du hkra ngai hpe dinglik mi ai majaw,

BU HKAWM 14:22 ပူးပေါင်းရင်းမြစ်များ

NINGPAWT NINGHPANG 31:41

Shaning hkun ning ting ngai nang hte rau dai zawn nga kau ni ai. Na shayi sha yan a matu shi mali ning, na a yam nga hpung ni a matu kru ning, ngai galaw jaw kau da se ai. Dai rai tim pyi, nye a shabrai ni hpe shi lang nang galai kau ya nit dai.

NINGPAWT NINGHPANG 31:7

Ti mung, shi mahtang ngai hpe maw sha nna nye a shabrai hpe shi lang galai kau ya ni ai. Rai ti mung ngai hpe jasum machyi shangun na Karai Kasang n hkraw nga ai.

YOBA 19:3

Nanhte gaw ngai hpe aten mi hte aten mi n kaw n law di myit dai; nanhte gaw ngai hpe matsa ai hte kaya agam ai lam hpa mung n madun nga myit dai.

SHAKAWN KUNGDAWN 106:14

Nam mali kata e, shanhte ra marit nga ai lam hpring nga sai hte; Karai Kasang hpe chyam yu mu ai.

SHAKAWN KUNGDAWN 106:26

Dai re ai majaw, Madu shanhte hpe nam mali kata e, si jahtum kau shangun na wu ai majaw mung,

SHAKAWN KUNGDAWN 78:41

Shanhte gaw Karai Kasang hpe lang hte lang chyam yu nna Israela a chyoi pra ai Karai Kasang hpe, myit machyi shangun wu ai.

PRU MAT 14:11

Shanhte gaw Mawshe hpe, “Egutu mung hta lupwa ni n nga sani? Ya nang anhte hpe nam mali e si mat shangun na matu, ndai de woi shapraw wa n ni? Anhte hpe Egutu mung kaw na woi shapraw wa nhtawm, ya nang hpa galaw kau nit dai gaw she mada yu sanu!

PRU MAT 15:24

Amyu masha ni gaw Mawshe hpe aput let, “Anhte hpa lu na rai nga ga ta?, ngu nna san ma ai.

PRU MAT 16:2

Dai nam mali e shanhte yawng gaw Mawshe yan Arun hpe aput let

PRU MAT 17:2

Shanhte gaw Mawshe hpe aput let, “Anhte hpe lu na ntsin jaw mi,” ngu nna tsun ma ai. Mawshe gaw, “Nanhte hpa majaw aput nga myit ta? Nanhte gaw hpa lam a majaw dai Madu hpe chyam mayu nga myit ni?,” ngu nna htan wu ai.

PRU MAT 17:3

Rai ti mung, amyu masha ni mahtang ntsin grai hpang gara nga ma ai rai nna, Mawshe hpe dingyang aput nga ma ai. Shanhte gaw, “Anhte hpe mung, anhte a kashu kasha ni hpe mung, anhte a yam nga hpung ni hpe mung ntsin hpang gara shangun nna sat kau na matu, anhte hpe Egutu mung kaw na hpa rai woi shapraw wa n ni?,” ngu nna tsun ma ai.

PRU MAT 17:7

Dai shara kaw Israela amyu masha ni mahtang, “Dai Madu gaw anhte hte rau nga nga ai kun?, n nga nga ai kun?, ngu san let, aput ai hte dai Madu hpe chyam dinglik yu ma ai majaw shara dai hpe Masa hte Meriba ngu nna mung shamying ma ai.

PRU MAT 32:1

Amyu masha ni gaw dai bum kaw Mawshe na na nga nna n yu wa sai hpe mu ma yang, shanhte gaw Arun kaw grup rai sa hpawng nhtawm, “Anhte hpe Egutu mung kaw na woi wa ai wa, dai Mawshe hta hpa byin sai gaw, anhte n chye saga ai; dai re ai majaw anhte hpe lam woi na hpara langai anhte a matu galaw ya mi,” ngu nna tsun ma ai.

PRU MAT 5:21

Shanhte gaw Mawshe yan Arun hpe, “Hkawhkam wa hte shi a du salang ni anhte hpe n dawng shangun ai amu hpe nan galaw shapraw manit dai gaw, dai Madu mu ya nu ai hte nan hpe ari jaw na ra ai. Nan gaw anhte hpe sat kau na matu lawt ga mung shanhte hpe jaw kau manit dai,” ngu nna hkap deng ma ai.

ESAIA 42:20

Israela e, nang gaw lam law law mu yu nit dai, rai ti mung dai lam nang hpe hpa hku lachyum shapraw nga a ni? Nang gaw na la na, na tu nga ndai, rai ti mung nang teng teng na la nga n ni?

Daniela 1:20

Ndai marai mali gaw hkawhkam wa san ai kaning re ai ga san hpe mung, manghkang hpe mung shi a mungdan ting hta nga ai lakle sara ni hte mandan bau ai kadai hta mung htam shi grau nna chye nga ai.

MALAHKI 3:15

Dai hpe anhte mu ai hte maren nga yang, gumrawng gumtawng ai ni gaw kabu gara ai ni rai ma ai. N hkru ai ni gaw ngamu ngamai wa ai sha n-ga, shanhte a n hkru ai arawn alai ni hte Karai Kasang a hkam sharang ai hpe shanhte chyam yu ai hte lawt lu nga ai,’” ngu nna tsun manit dai.

BU HKAWM 11:1

Dai amyu masha ni shanhte hkrum sha ai tsin-yam tsindam a majaw dai Madu hpe aput hpang wa ma ai. Dai Madu gaw dai lam ni na jang masin pawt nna amyu masha ni a ntsa e wan dat dat wu ai. Dai gaw shanhte a ka-ang e hkru wa ai hte dap a jahtum shara langai mi hpe jahten kau nga ai.

BU HKAWM 11:4

Israela amyu masha ni hte rau hkawm sa ai hta maigan masha ni mung lawm ma ai. Shanhte gaw lusha shahpa grai marim ai ni rai ma ai. Israela masha ni nan pyi, “Anhte sha na shan loi mi sha lu saga ai wa!

BU HKAWM 12:1

Mawshe gaw Hkusha num la wu ai rai nna de a majaw Miriam hte Arun shi hpe mara shagun da nga ma ai.

BU HKAWM 14:11

Dai Madu gaw Mawshe hpe, “Ndai amyu masha ni galoi aten du hkra ngai hpe n hkap la na rai ma ta? Shanhte hpe ngai galaw dan sai mauhpa lamik kumla law law hpe mu nga ninglen ngai hpe kam sham na matu galoi aten du hkra shanhte ningdang nga na rai ma ta?

BU HKAWM 14:2

Shanhte gaw Mawshe yan Arun hpe aput let, “Egutu mung shing n rai ndai Nam Mali hkan e si mat tim pyi grau kaja na saga ai law!

BU HKAWM 32:12

Keni lakung na Yehpuna a kasha Hkaleb hte Nun a kasha Yawshu yan hta kaga, langai mi mung lawm lu na n rai; shan chyawm gaw dai Madu hta dingyang sadi dung nga ai yan rai ma ai.

MAHTE 4:7

Yesu gaw, “Dai Madu na a Karai Kasang hpe nang chyam yu lu na n rai, nga nna mung ka da nga ai,” ngu wu ai.

1 KORINHTU 10:5

Rai ti mung, shanhte hta na malawng maga hte hpe Karai Kasang n sharawng awng da mu ai rai nna, nam mali ga hkan e ayai aya rai si htum mat ma ai.

1 KORINHTU 10:9

Shanhte nkau mi dai Madu hpe chyam dinglik nna lapu e kawa sat kau ai hkrum ma ai zawn, anhte mung Madu hpe chyam dinglik lu na n rai.

TARA JAHPRANG 9:7

“Nam mali kata e dai Madu nanhte a Karai Kasang hpe nanhte kaning rai masin shapawt nga myit dai hpe galoi mung hkum malap kau myit. Nanhte Egutu mung kaw na pru wa ai shani kaw nna ndai yang du wa ai aten du hkra nanhte shi hpe gumlau nga myit dai.

HEBRE 3:9

Karai Kasang gaw, nanhte a nji nwa ni shaning mali shi ning ting, nam mali e ngai galaw dan sai amu hpe mu ma ti mung ngai hpe ninghkap nna chyam yu nga ma ai.