BU HKAWM 14:12 - Jinghpaw Common Language Bible 2009

¹² Ngai gaw shanhte hpang de ana zinli dat dat nna shamyit kau na mawe ai; rai ti mung nang hpe chyawm gaw shanhte hta grau kaba nna n-gun hte hpring ai amyu a kawa ngai shatai na we ai,” ngu nna tsun wu ai.

Jinghpaw Hanson Version Bible

¹² Ana zinli hte ngai shanhte hpe ari jaw nna shanhte a sali wunli dawm la ya nhtawm, shanhte hta grau kaba nna hpung shingkang grau rawng ai amyu ngai nang hpe shatai na de ai,” ngu wu ai.

BU HKAWM 14:12 ပူးပေါင်းရင်းမြစ်များ

2 SAMUELA 24:1

Dai Madu gaw Israela amyu hpe kalang mi bai masin pawt bu nga ai rai nna, shanhte hpe sharu shatsang shangun na matu, dai Madu gaw Dawi hpe, “Israela hte Yuda masha ni hpe sa hti yu su,” ngu nna tsun wu ai.

PRU MAT 32:10

Ya chyawm gaw, ngai hpe hkan jahkring na hkum shakut sa. Ngai shanhte hpe masin yu pawt nga nngai majaw shanhte hpe shamyit kau na mawe ai. Dai hpang nang hte na a amyu matu ni hpe ngai amyu kaba shatai na we ai,” ngu nna tsun wu ai.

PRU MAT 5:3

Mawshe yan Arun gaw, “Hebre masha ni a Karai Kasang gaw shi hkum nan anhte hpe shadan dan mi ai rai nna dai Madu anhte a Karai Kasang hpe shagu hkungga nawng jau ya lu na matu, dai masum ya sat sa ai nam mali de sa lu na ahkang anhte hpe jaw mi. Dai lam anhte n galaw lu ga ai rai yang shi anhte hpe ana zinli hte mung, majan hte mung sat kau na mi ai,” ngu nna htan ma ai.

EZEKELA 20:13

Rai ti mung, shanhte gaw ngai hpe nam mali hkan e pyi nye a hkang da ai ga hpe ninghkap lale nga ma ai. Shanhte gaw nye a tara ni hpe jahten kau ma ai; dai lam ni hpe hkan sa madat mara ai ni kadai rai ti mung asak hkrung nga shangun na, nye a hkang da ai matsun maroi ga ni hpe kau da mu ai. Shanhte gaw Bansa Nhtoi hpe awu asin di kau ma ai. Shanhte hpe jahten shaza kau na matu dai nam mali hkan e nye a sindawng kahtet ai n-gun hkam sha shangun lu na matu ngai shajin da ni ai.

JAW JAU 26:25

Nye a ga shaka jahten kau myit dai majaw nanhte hpe ari jaw na matu nanhte a ntsa de majan shabyin dat na nngai; nanhte a mare ni hta shim lum na matu kahkyin rawng nga myit yang mung n mai tsi la lu ai ana ahkya nanhte hpang de ngai shangun dat na made ai. Nanhte gaw gumlau hpyen ni a lata de kanawng ap kau ai hkrum na rai myit dai.

BU HKAWM 25:9

rai ti mung sat kau hkrum sai amyu masha ni gaw mun lahkawng e hkying mali rai nga masai.

TARA JAHPRANG 28:21

Shi gaw nanhte madu la hkyen ai mungdan hta langai mi mung n ngam mat hkra nanhte a ntsa e ana zinli langai hpang langai shangun dat na ra ai.