BU HKAWM 14:1 - Jinghpaw Common Language Bible 2009

¹ Amyu masha ni gaw shana tup myit ru ma ai rai nna jahtau shabam ma ai.

Jinghpaw Hanson Version Bible

¹ Shaloi dai shawa hpung yawng tinang a nsen shaja nna jahtau shabam ma ai; amyu masha ni dai shana tup hkrap nga ma ai.

BU HKAWM 14:1 ပူးပေါင်းရင်းမြစ်များ

SHAKAWN KUNGDAWN 106:25

Shanhte gaw shanhte a sum ni hta nga nga nna aput angun nga ma ai; Madu a hkang da ai ga ni hpe mung n kam madat nga masai.

SHAKAWN KUNGDAWN 78:32

Ndai lam ni yawng hpe shanhte hkrum kadup nga ma ti mung; amyu masha ni gaw yubak naw galaw shanang nga ma ai, shi a mauhpa lamik kumla hte madun dan ti mung, shanhte shi hpe n kam hpa nga ma ai.

PRU MAT 13:17

Egutu hkawhkam gaw amyu masha ni hpe dat dat ai shaloi panglai hkin-gau lam hkan nna Hpilisti mung de hkrang ai dingtawk lam nga ti mung, Karai Kasang shanhte hpe dai lam hku n woi wa nga ai. Karai Kasang gaw, “Shanhte hpyen gasat ra na hpe mu ai shaloi, amyu masha ni shanhte a myit ni galai mat nna Egutu mung de nhtang mat wa na hpe ngai n ra sharawng nngai,” ngu nna myit da wu ai.

PRU MAT 33:4

Amyu masha ni dai ga na ma ai shaloi, sharung shayawt hpang wa ma ai hte ja lung seng kadai mung n sumli shajang nga masai.

BU HKAWM 13:33

dai mung na Anak a amyu matu ngu na hkum hkrang galu kaba ai ni hpe pyi anhte mu da ga ai. Anhte gaw shanhte a man e kaji la ai hkagrit hkadawn ni zawn rai nna shanhte hpe anhte sharawt mada na pyi n gwi ga ai,” ngu nna tsun dan ma ai.

BU HKAWM 14:2

Shanhte gaw Mawshe yan Arun hpe aput let, “Egutu mung shing n rai ndai Nam Mali hkan e si mat tim pyi grau kaja na saga ai law!

TARA JAHPRANG 1:26

“Rai ti mung, nanhte mahtang dai Madu nanhte a Karai Kasang hkang da ai ga hpe gumlau nhtan jashai ai hte dai mungdan de n shang hkraw myit dai.

TARA JAHPRANG 1:45

Dai rai nna nanhte gaw karum la na matu dai Madu hpe hpyi jahtau myit dai; rai ti mung shi gaw nanhte a ga hpe n madat ya ai hte hpa zawn n nawn kau ya manit dai.

TARA JAHPRANG 9:23

Shi gaw Kadesha Barnea kaw nna nanhte hpe shangun dat nhtawm shi nanhte hpe jaw ai mungdan hpe madu la na matu lung wa na, hkang dat myit dai shaloi, nanhte shi hpe gumlau myit dai; shi hpe mung n kam n sham ai hte shi a ga hpe mung n madat kau myit dai.

YAWSHU 14:8

Ngai hte rau lung wa ai masha ni tsun ai mahtang anhte amyu masha ni a myit hpe hkrit kahpra shangun ma ai. Rai ti mung, ngai chyawm gaw dai Madu nye a Karai Kasang a ga hpe sadi sahka hte madat mara hkan sa ni ai.

1 SAMUELA 30:4

Shaloi Dawi hte shi a masha ni gaw jahtau hkrap hpang wa ai hte shanhte grai ba kalawp mat hkra, ahkrap nga ma ai.