BU HKAWM 13:33 - Jinghpaw Common Language Bible 2009

³³ dai mung na Anak a amyu matu ngu na hkum hkrang galu kaba ai ni hpe pyi anhte mu da ga ai. Anhte gaw shanhte a man e kaji la ai hkagrit hkadawn ni zawn rai nna shanhte hpe anhte sharawt mada na pyi n gwi ga ai,” ngu nna tsun dan ma ai.

Jinghpaw Hanson Version Bible

³³ Nehpelim ngu ai amyu hta na prat ai Anak a kashu kasha Nehpelim masha ni hpe mung anhte mu da sagaw ai: shanhte a man e anhte gaw hkagrit hkadawn zawn she nawn ai wa rai nga ai; shanhte mung anhte hpe dai zawn sha a nawn kau na mi ai,” nga nna tinang sa yu da ai mung a lam Israela kashu kasha ni hpe shiga chyahten wa tsun dan mu ai.

BU HKAWM 13:33 ပူးပေါင်းရင်းမြစ်များ

NINGPAWT NINGHPANG 6:4

Dai prat e mung, dai prat a hpang e mung, dai shinggyim numsha ni hte Karai Kasang a shadang sha ni a aru arat ni gaw ginding aga ntsa e grai galu kaba ai ni rai ma ai. Shanhte gaw moi prat kaw nna magrau grang ai share ninghkrin ni hte kajai gumhkawng ai masha ni rai ma ai.

1 HKAWHKAM LABAU 11:23

Shi gaw hkum shingyan kaba nna pe sanit jan tsaw ai Egutu masha langai mi hpe dai wa lang da ai nri kaba hte rau sat kau wu ai. Benaia gaw shi hpe hkawn hte sha htim gasat nna Egutu wa a lata na nri hpe shi kashun la nhtawm dai hte shi hpe sat kau wu ai.

ESAIA 40:22

Dai gaw mungkan ga ntsa tsang, lamu madin a ntsa e shi a tingnyang hta dung nga ai wa shabyin dat nga ai; de a npu e nga ai amyu masha ni hpe kaji la ai kagyin ni hpe zawn yu nga ai. Shi gaw sumsing lamu hpe sumpan grang zawn kahpyan da nga ai, shanu nga na matu sum langai zawn kahpyan da nga ai.

BU HKAWM 13:22

Shanhte gaw dingda daw de shawng shang sa nna Anak ngu ai galu kaba ai amyu matu mara ni rai nga ai Ahiman, Sheshai hte Talamai lakung lama ni nga ai Hebron mare de du shang ma ai. (Hebron mare gaw Egutu mung na Zoan mare garai n de yang sanit ning shawng nna de nga sai mare re.)

BU HKAWM 13:28

Rai ti mung dai mungdan hta nga ai masha ni chyawm gaw n-gun ja ma ai. Shanhte nga ai mare ni mung grai kaba nhtawm bunghku kum da ai mare ni rai ma ai; dai hta grau yu mau na zawn re ai galu kaba ai amyu ni hpe mung anhte mu kau da saga ai.

BU HKAWM 14:1

Amyu masha ni gaw shana tup myit ru ma ai rai nna jahtau shabam ma ai.

TARA JAHPRANG 1:28

Anhte dai de hpa majaw lung wa na rai nga ga ta? Anhte hkrit ga ai. Anhte shangun dat ai masha ni mung dai mung na masha ni anhte hta grau n-gun ja ai hte hkum shingyan mung tsaw ma ai; shanhte gaw lamu dep bunghku hte kum da ai mare ni hta rawng nga ma ai. Shanhte gaw dai mung na grai galu kaba ai masha ni hpe mu ma ai!,’ nga nna tsun dan let shada da aput myit dai.

TARA JAHPRANG 2:10

(N-gun rawng nna grai galu kaba ai amyu ngu nna shamying ai Emim masha ni gaw Ara mare hta nga nga ma ai. Shanhte gaw kaga grau galu kaba ai Anakim masha ni zawn rai ma ai.

TARA JAHPRANG 3:11

(Hkawhkam Oga gaw Rehpim amyu a jahtum ngam nga ai hkawhkam rai nga ai. Shi a da-u gaw nlung hte galaw da wu ai rai nna shadawn shadang hte maren nga yang, galu de pe 14 daram, nda de pe 6 daram rai nga ai. Dai hpe Amon masha ni a mare Raba e dai ni du hkra naw mu lu nga ai.)

TARA JAHPRANG 9:2

Dai mung na masha ni gaw galu kaba nna n-gun ja ai masha ni rai nga ma ai majaw kadai mung shanhte a man e n tsap lu nga ai ngu nna tsun gara ai lam hpe nanhte na yu na manit dai.

YAWSHU 11:21

Dai aten hta, Yawshu sa nna Anakim ngu shamying ai masha kaba ni nga ai bum ga hkan na mung, Hebron, Debira hte Anab mare na mung, Yuda hte Israela bum ga hkan na ni yawng hpe mung, jahten shabyak kau wu ai. Shanhte hpe mung, shanhte a mare ni hpe mung Yawshu tsep kawp shamyit kau ya wu ai.

YAWSHU 14:12

Dai rai nna, nye a masha ni hte ngai shiga jaw ai shani hta dai Madu ngai hpe ga sadi jaw ai dai bum ga ngai hpe jaw rit. Dai hta Anakim mying ai dai galu kaba ai masha ni, ngang ai bunghku hte kum da ai mare ni hta nga nga ai lam nang hpe anhte tsun dan saga ai. Dai Madu tsun ai ga hte maren, shi ngai hte rau nga nga u ga, shaloi shanhte hpe ngai shaden shapraw kau lu na nngai,” ngu nna tsun wu ai.

YAWSHU 15:14

Hkaleb gaw Anak a amyu matu ni rai nga ai Sheshai, Ahiman hte Talmai matu mara ni hpe mare kaw nna gawt shapraw kau wu ai.

1 SAMUELA 17:24

Israela amyu masha ni dai Goliat hpe mu jang, hkrit kajawng ai hte hprawng mat wa ma ai.

1 SAMUELA 17:42

Dawi hpe asan apra sha mu mada jang, shi hpe n gawn n sawn di wu ai; hpa majaw nga yang, shi gaw ahpraw asam tsawm nna yu htuk ai ma naw rai nga ai.