BU HKAWM 13:30 - Jinghpaw Common Language Bible 2009

³⁰ Mawshe hpe aput nga ai amyu masha ni hpe shazim na matu Hkaleb mahtang, “Anhte ya jang htim gasat nna dai mungdan hpe madu la saga; dai mungdan hpe dang la lu na n-gun atsam anhte hta alaw wa lu nga ga ai,” ngu nna tsun wu ai.

Jinghpaw Hanson Version Bible

³⁰ Shaloi Hkaleb gaw, “Sa, ya jang rawt nna dai mung hpe lung madu la sagaw; a dang kau lu na ga ai,” nga nna Mawshe a man e amyu masha ni hpe jasim wu ai.

BU HKAWM 13:30 ပူးပေါင်းရင်းမြစ်များ

SHAKAWN KUNGDAWN 60:12

Karai Kasang anhte a hpang maga de tsap yang, anhte awng padang lu la na ga ai; shi gaw anhte a gumlau hpyen ni hpe shamyit kau na ra ai.

BU HKAWM 13:29

Amalek masha ni mahtang dai mung a dingda maga de nga nga ma ai. Hiti, Yebusi, Amori masha ni mung bum ga hkan e nga nga ma ai. Hkanan masha ni gaw Ka-ang Panglai makau hte Yawdan hka mayan hku nga nga ma ai,” ngu nna tsun dan ma ai.

BU HKAWM 13:31

Rai ti mung Hkaleb hte rau hkawm sa ai ni chyawm gaw, “N rai law, shanhte hpe htim gasat na anhte hta n-gun atsam n law nga ga ai; dai mungdan na masha ni gaw anhte hta grau n-gun ja ma ai,” ngu nna tsun ma ai.

BU HKAWM 14:24

Rai ti mung nye a shangun ma Hkaleb chyawm gaw laklai shai ai myit masin rawng nna ngai hta sadi dung nga ai majaw shi nan kin-yu hku hkan maram yu sai dai mung de ngai woi shawn nna shi a matu mara ni mung,

BU HKAWM 34:19

Ndai ni gaw dai Madu lata san da sai masha ni rai nga ma ai: Amyu Bawsang Ningbaw Yuda Yehpuna a kasha Hkaleb Simun Amihu a kasha Shelumila Benyamin Hkislon a kasha Elida Dan Yogli a kasha Buki Manashe Ehpod a kasha Haniela Ehprim Shiphtan a kasha Kemuela Zebulun Parnak a kasha Elizahpan Yisahka Azan a kasha Palatiela Ashe Shelomi a kasha Ahihud Naphtali Amihu a kasha Pedahela

ROMA 8:31

Dai rai yang gaw, ndai hte hpe yu nna anhte hpa naw tsun lu na ga ta? Karai Kasang gaw anhte a maga de nga nga a yang gaw, anhte hpe hpyen ai maga de kadai wa mi nga lu na ta?

ROMA 8:37

Anhte hpe n jahka kau lu mi ai hta n ga, anhte hpe tsaw ra nga ai wa a majaw ndai mahkrum madup yawng hte hpe anhte awng padang tsep kawp lu ai ni rai ga ai.

HPILIPI 4:13

Ngai hpe n-gun shaja ya ai Hkristu a majaw yawng mayawng hpe ngai galaw lu nngai.

HEBRE 11:33

Dai ni gaw kam sham ai hte masha mungdan ni hpe gasat nna dang kau lu ma ai, Shanhte gaw ding hpring ai lam hpe hkan sa galaw nna Karai Kasang ga sadi jaw da ai lam hpe hkam la ma ai. Hkanghkyi ni a n-gup ni hpe pat kau lu ma ai.