BU HKAWM 13:29 - Jinghpaw Common Language Bible 2009

²⁹ Amalek masha ni mahtang dai mung a dingda maga de nga nga ma ai. Hiti, Yebusi, Amori masha ni mung bum ga hkan e nga nga ma ai. Hkanan masha ni gaw Ka-ang Panglai makau hte Yawdan hka mayan hku nga nga ma ai,” ngu nna tsun dan ma ai.

Jinghpaw Hanson Version Bible

²⁹ Amalek masha ni gaw dingda maga de; Hiti, Yebusi, Amori masha ni gaw bum ga hkan e; Hkanani masha ni gaw nammukdara makau hte Yawdan hkan kau hkan e nga nga ma ai,” ngu nna tsun dan mu ai.

BU HKAWM 13:29 ပူးပေါင်းရင်းမြစ်များ

NINGPAWT NINGHPANG 14:7

Dai hpang shanhte kayin yu wa nna (Dai aten hta Enmisahpat ngu ai) Kadesha mare de nhtang mat wa ma ai. Shanhte gaw Amalek masha ni a mungdan ting hpe mung, Hazazon Tama e nga ai Amori masha ni hpe mung dang kau ma ai.

NEHEMIA 9:8

Shi gaw nang hta sadi dung nga ai hpe nang mu nna, shi hte ga shaka tawn da nga ndai. Nang gaw shi hpe Hkanan masha ni a lamu ga, Hiti hte Amori masha ni a lamu ga, Perizi, Yebusi hte Girgashi masha ni a lamu ga jaw nna, dai mung hta shi a amyu matu ni hpe nga shangun na matu ga sadi jaw nit dai. Nang gaw sadi dung nga ndai majaw, na a ga sadi hpe nang shatup nit dai.

SHAKAWN KUNGDAWN 83:7

Gebala amyu ni, Amon hte Amalek amyu ni, Hpilisti ni hte Turu amyu masha ni lawm nga ma ai.

PRU MAT 3:17

Shanhte gaw mazut ai hku adip arip di hkrum nga ai Egutu mung kaw nna ngai woi shapraw la nhtawm, Hkanan, Heti, Amori, Hperizi, Hiwi hte Yebusi masha ni nga ai dai sut su ngamu ngamai ai hte ga sau kaja hpring ai mung de shanhte hpe woi wa na ngu nna, ngai myit daw dan da ni ai.

PRU MAT 3:8

shanhte hpe Egutu masha ni a lata kaw na hkye hkrang la na hte Egutu mung kaw nna shanhte hpe woi shapraw wa nhtawm ya aten, Hkanan, Heti, Amori, Hperizi, Hiwi hte Yebusi masha ni nga ai dai dam lada rai nna sut su ngamu ngamai ai hte ga sau kaja ni hte hpring ai mung de woi la na ngai du sa ring ngai.

BU HKAWM 13:17

Mawshe shanhte hpe shangun dat ai shaloi shanhte hpe, “Ndai yang kaw nna Hkanan mung a dingda maga de shang sa wa nna dingdung maga na bum ga de lung wa masu.

BU HKAWM 13:30

Mawshe hpe aput nga ai amyu masha ni hpe shazim na matu Hkaleb mahtang, “Anhte ya jang htim gasat nna dai mungdan hpe madu la saga; dai mungdan hpe dang la lu na n-gun atsam anhte hta alaw wa lu nga ga ai,” ngu nna tsun wu ai.

BU HKAWM 14:25

Amalek masha ni hte Hkanan masha ni ya shanu nga ai Kadit ni hpe madu la lu na rai ma ai. Dai rai nna hpawt ni jang, nhtang kayin mat wa nhtawm Nawng Hkyeng maga de nga ai nam mali kata de shang mat wa mu,” ngu nna tsun wu ai.

BU HKAWM 14:43

Amalek hte Hkanan masha ni hte nanhte man chyaw hkrum kadup hkat ai majan hta nanhte si mat na marin dai. Nanhte mahtang dai Madu a hpang hkan na matu ningdang kau myit dai majaw dai Madu nanhte hte rau n nga malit dai,” ngu nna tsun wu ai.

BU HKAWM 14:45

Dai hpang dai mung na Amalek hte Hkanan masha ni shanhte hpe gasat dang kau ai hte Horma mare du hkra shachyut kau ma ai.

BU HKAWM 24:20

Dai hpang Balam gaw shi a shingran hta Amalek masha ni hpe mu nna, ndai myihtoi ga tsun shapraw wu ai: “Amalek gaw yawng hta daru magam n-gun ja htum ai amyu rai nga ai; Rai ti mung jahtum e, dai amyu gaw htani htana hten run mat na mara ai.”

TARA JAHPRANG 20:17

Hiti, Amori, Hkanani, Perizi, Hiwi hte Yebusi masha ni yawng hpe dai Madu nanhte hpe hkang da sai hte maren, tsep kawp shamyit kau na rai myit dai.

TARA JAHPRANG 7:1

Dai Madu nanhte a Karai Kasang gaw nanhte madu la na mungdan de woi shawn nna, dai mung na amyu baw law law hte hpe gawt shapraw kau na rai wu ai. Nanhte rawt lung wa myit yang, shi gaw nanhte hta grau galu kaba nna n-gun grau rawng ai amyu sanit rai nga ai Hiti, Girgashi, Amori, Hkanani, Perizi, Hiwi hte Yebusi masha ni hpe gawt shapraw kau na ra ai.

YAWSHU 10:5

Dai Amori hkawhkam manga hte ngu na Yerusalem, Hebron, Yamut, Lahkisha hte Eglon hkawhkam ni n-gun galung la nna Gibeon hpe jawm wang nna htim gasat ma ai.

YAWSHU 10:6

Gibeon masha ni mung Gilgala e dap jung nga ai Yawshu hpang de masha shangun dat wu ai: “Anhte hpe hkum kau da mi! Anhte hpe karum la na ya jang sa wa marit! Anhte hpe hkye hkrang la mi! Bum ga na Amori hkawhkam ni yawng n-gun galung la let anhte hpe gasat nga masai.

YAWSHU 3:10

Nanhte rawt lung wa myit yang, shi gaw Hkanani, Hiti, Hiwi, Perizi, Girgashi, Amori hte Yebusi masha ni hpe teng teng gawt shapraw kau na rai wu ai. Ahkrung nga ai Karai Kasang gaw nanhte hte rau rai nga ai hpe nanhte chye lu na rai myit dai.

YAWSHU 5:1

Israela amyu masha ni Yawdan hka rap kawt mat wa ai aten du hkra, dai Madu Yawdan hka jahkyet kau ai lam, Yawdan hka a sinna hkran de nga ai Amori hkawhkam ni yawng hte Ka-ang Panglai mayan hku nga ai Hkanani hkawhkam ni yawng mung na ma ai. Dai Israela amyu masha ni a majaw shanhte hkrit gari mat ai hte myit daw myit htum mat ma ai.

YAWSHU 9:1

Ya, Yawdan hka a sinna hkran up ai hkawhkam ni yawng mung, bum ga, bum lagaw, pa layang hkan, Lebanon dingdung maga, Ka-ang Panglai hka kau mayan yawng hkan up ai Hiti, Amori, Hkanani, Perizi, Hiwi hte Yebuzi amyu ni a hkawhkam ni gaw Israela masha ni a awng padang shiga na ma ai.

TARA AGYI 3:5

Dai rai nna Israela amyu masha ni gaw Hkanani, Hiti, Amori, Perizi, Hiwi hte Yebusi amyu ni hte rau nga nga ma ai.

TARA AGYI 6:3

Israela amyu masha ni nli naili gat hkai da ai shaloi, Midian masha ni mahtang Amalek masha ni hte nam mali hkan nga ai amyu baw ni hte rau sa htim gasat ma ai.

1 SAMUELA 14:48

Shi gaw share shagan myit hte gasat shaja nna Amalek masha ni hpe pyi dang kau wu ai. Israela amyu masha ni hpe htim gasat shatsang ai ni yawng a lata hta na hkye la wu ai.

1 SAMUELA 27:8

Dai laman hte hta, Dawi hte shi a masha ni gaw dai ginwang ni hta moi kaw nna nga nga ai Geshuri, Girazi, hte Amalek masha ni hpe sa gasat mu ai. Shi gaw shanhte a lamu ga hpe Egutu mung de yu wa ai Shura mare de du hkra shang gasat la nhtawm,

1 SAMUELA 30:1

Lahkawng ya na ai hpang, Dawi hte shi a masha ni Ziklag mare de nhtang du wa ma ai. Amalek masha ni chyawm gaw Yuda mung a dingda daw hte Ziklag mare ni hpe shang gasat nna hpya kau da ma ai. Shanhte gaw dai mare hpe mung nat kau da nhtawm,

1 SAMUELA 7:14

Hpilisti masha ni madu tawn sai Ekron hte Gat lapran na mare ni yawng Israela a lata de bai nhtang shang mat sai rai nna, Israela gaw mi na shi a lamu ga yawng hpe bai lu la nga nu ai. Israela amyu masha ni hte Hkanani masha ni a lapran e mung ngwi pyaw sim sa lam hpe tawn da nga ma ai.