BU HKAWM 13:28 - Jinghpaw Common Language Bible 2009

²⁸ Rai ti mung dai mungdan hta nga ai masha ni chyawm gaw n-gun ja ma ai. Shanhte nga ai mare ni mung grai kaba nhtawm bunghku kum da ai mare ni rai ma ai; dai hta grau yu mau na zawn re ai galu kaba ai amyu ni hpe mung anhte mu kau da saga ai.

Jinghpaw Hanson Version Bible

²⁸ Rai timung, dai mung na masha ni gaw n-gun ja ai hkrai rai ma ai: mare ni mung, bunghku kum ai hte grai kaba malu ai; dai hta n-ga Anak a amyu masha ni hpe mung anhte mu da sagaw ai.

BU HKAWM 13:28 ပူးပေါင်းရင်းမြစ်များ

2 SAMUELA 21:16

Marim mangam rai galu kaba nna Ishbibeno mying ai wa gaw pawng sanit chyen daram li ai magri mang nri lang, nhtu nnan hte hpyen hking sumraw da ai rai nna Dawi hpe sat lu na zawn nawn da wu ai.

BU HKAWM 13:33

dai mung na Anak a amyu matu ngu na hkum hkrang galu kaba ai ni hpe pyi anhte mu da ga ai. Anhte gaw shanhte a man e kaji la ai hkagrit hkadawn ni zawn rai nna shanhte hpe anhte sharawt mada na pyi n gwi ga ai,” ngu nna tsun dan ma ai.

TARA JAHPRANG 1:28

Anhte dai de hpa majaw lung wa na rai nga ga ta? Anhte hkrit ga ai. Anhte shangun dat ai masha ni mung dai mung na masha ni anhte hta grau n-gun ja ai hte hkum shingyan mung tsaw ma ai; shanhte gaw lamu dep bunghku hte kum da ai mare ni hta rawng nga ma ai. Shanhte gaw dai mung na grai galu kaba ai masha ni hpe mu ma ai!,’ nga nna tsun dan let shada da aput myit dai.

TARA JAHPRANG 2:21

Shanhte gaw Anakim masha ni zawn hkum shingyan tsaw nga ma ai. Shanhte hta na law law wa n-gun rawng ai hte galu kaba ai amyu ni rai ma ai. Rai ti mung, dai Madu gaw shanhte hpe shamyit kau nga sai; shing rai Amon masha ni gaw shanhte a mungdan hpe madu la ya nna dai mung e nga nga ma ai.

TARA JAHPRANG 3:5

Dai mare ni yawng gaw tsaw ai bunghku ni, chyinghka ni, htinggrang ni hte shangang da nna bunghku n kum ai kahtawng law law mung nga nga ai.

YAWSHU 11:22

Anakim masha ni kadai mung Israela mungdan hta ngam nga lu na ma ai n rai; Gaza, Gat hte Ashdod mare ni hta sha loi mi nga nga ma ai.

YAWSHU 14:12

Dai rai nna, nye a masha ni hte ngai shiga jaw ai shani hta dai Madu ngai hpe ga sadi jaw ai dai bum ga ngai hpe jaw rit. Dai hta Anakim mying ai dai galu kaba ai masha ni, ngang ai bunghku hte kum da ai mare ni hta nga nga ai lam nang hpe anhte tsun dan saga ai. Dai Madu tsun ai ga hte maren, shi ngai hte rau nga nga u ga, shaloi shanhte hpe ngai shaden shapraw kau lu na nngai,” ngu nna tsun wu ai.

YAWSHU 15:14

Hkaleb gaw Anak a amyu matu ni rai nga ai Sheshai, Ahiman hte Talmai matu mara ni hpe mare kaw nna gawt shapraw kau wu ai.

TARA AGYI 1:20

Mawshe hkang da nu ai hte maren, Hkaleb hpe Hebron mare jaw ma ai rai nna dai mare na Anak amyu matu hta na ran yu wa ai lakung lama masum hpe shi gawt shapraw kau wu ai.