BU HKAWM 13:26 - Jinghpaw Common Language Bible 2009

²⁶ Kadesha shara hta nga ai Mawshe yan Arun hte Israela hpung shawa ting hpang de nhtang wa ma ai. Shanhte gaw shanhte mu mada sai lam ni hpe shiga wa jaw nhtawm la wa ai namsi namsaw ni wa madun dan ma ai.

Jinghpaw Hanson Version Bible

²⁶ Bai wa ma yang shanhte gaw Mawshe yan Arun hte Israela kashu kasha hpung ting nga ai Paran mali Kadesha ngu ai shara de du wa nna, dai yan hte shawa hpung ting hpe shiga tsun dan let, dai mung na namsi ni madun dan mu ai.

BU HKAWM 13:26 ပူးပေါင်းရင်းမြစ်များ

NINGPAWT NINGHPANG 14:7

Dai hpang shanhte kayin yu wa nna (Dai aten hta Enmisahpat ngu ai) Kadesha mare de nhtang mat wa ma ai. Shanhte gaw Amalek masha ni a mungdan ting hpe mung, Hazazon Tama e nga ai Amori masha ni hpe mung dang kau ma ai.

SHAKAWN KUNGDAWN 29:8

Shi a nsen gaw dai nam mali hpe ashun shangun nna, Kadesha a nam mali hpe shi awam wu ai.

BU HKAWM 13:25

Dai mungdan hpe nhtoi mali shi ya hkan yu maram ngut ai hpang dai kin-yu ni gaw Paran Nam Mali na,

BU HKAWM 13:3

Mawshe mung ga madat ai hte Paran Nam Mali kaw nna ningbaw ni hpe lawu de na jahpan hte maren shangun dat wu ai. Amyu Bawsang Ningbaw Rubin Zahkura a kasha Shamua Simun Hori a kasha Shahpat Yuda Yehpuna a kasha Hkaleb Yisahka Yosep a kasha Igala Ehprim Nun a kasha Hoshea Benyamin Rahpu a kasha Palati Zebulun Sodi a kasha Gadiela Manashe Susi a kasha Gadi Dan Gemali a kasha Amiela Ashe Mihkaela a kasha Sehtura Naphtali Wopsi a kasha Nabi Gad Mahki a kasha Guela

BU HKAWM 20:1

Israela shawa hpung ting gaw shata langai ngu na hta, Zin Nam Mali de du nna Kadesha shara e dap jung nga ma ai; dai yang e Miriam si mat nna lup makoi da ma ai.

BU HKAWM 20:14

Mawshe gaw Kadesha kaw nna Edom hkawhkam hpang de kasa shangun dat wu ai. Shanhte gaw, “Ndai mungga gaw na a sai rum, Israela amyu masha ni kaw na rai nga ai. Anhte a kaji kawa ni Egutu mung de du yu wa nna,

BU HKAWM 20:16

anhte hpe karum la na matu dai Madu hpe jahtau ga yang, anhte a jahtau ga hpe na ya wu ai rai nna anhte hpe Egutu mung kaw nna woi wa na matu lamu kasa shangun dat ya mi ai. Ya chyawm gaw na a lamu ga jarit na Kadesha hta e anhte nga nga saga ai.

BU HKAWM 32:8

Dai mung hpe yu maram na matu nanhte a kawa ni hpe Kadesha Bernea kaw na ngai shangun dat yang, ndai zawn rai shanhte galaw yu masai.

BU HKAWM 32:9

Shanhte gaw Eshkola Kadit du hkra sa nna, dai mung hpe mada yu nhtawm bai nhtang wa yang, dai Madu shanhte hpe mada yu nhtawm bai nhtang wa yang, dai Madu shanhte hpe jaw ya ai mung de shang sa wa na kaw na amyu masha ni hpe shanhte myit shadaw ya yu manu ai.

TARA JAHPRANG 1:19

“Dai Madu anhte a Karai Kasang anhte hpe hkang da mani ai hte maren, anhte galaw saga ai. Dai rai nna Sina Bum kaw na Amori masha ni nga ai bum ga de hprang ai lam hta nga ai hkrit hpa nam mali kaba hku anhte ga lai wa saga ai. Anhte dai Kadesha Barnea de du ai shaloi,

TARA JAHPRANG 1:2

(Sina Bum kaw nna Kadesha Barnea du hkra, Edom bum lam hku lung wa yang nhtoi shi langai ya hkawm ra ai.)

YAWSHU 14:6

Lani mi na aten hta, Yuda amyu bawsang hta na amyu masha nkau mi gaw Gilgala e dap jung nga ai Yawshu hpang de du sa ma ai. Shanhte hta na Kenizi masha Yehpuna a kasha Hkaleb gaw shi hpe, “Dai Madu gaw Kadesha Barnea mare e nang hte nye a lam Karai Kasang a masha Mawshe kaning nga tsun ai hpe nang chye nga ndai.

YAWSHU 14:7

Dai Madu a shangun kasa Mawshe gaw ndai mungdan hpe kin-yu yu na matu Kadesha Barnea mare kaw nna ngai hpe shangun dat ai hte shi hpe teng man ai shiga bai wa jaw ai shaloi, nye a asak mali shi ning rai nga li ai.