BU HKAWM 13:21 - Jinghpaw Common Language Bible 2009

²¹ Dai masha ni gaw dingdung maga de lung wa nhtawm Zin Nam Mali kaw nna dingdung maga hta nga ai Hamat uhkan makau, dingda maga na Rehob mare de hkrang ai lam de du hkra, dai mung hpe hkan yu maram ma ai.

Jinghpaw Hanson Version Bible

²¹ Shing rai shanhte gaw Zin ngu ai mali kaw nna, Hamat mare pru ai lam na Rehab mare du hkra, Hkanan mung hpe kin-yu lung yu ma ai.

BU HKAWM 13:21 ပူးပေါင်းရင်းမြစ်များ

2 SAMUELA 8:9

Hadadeza a hpyen luksuk yawng hpe Dawi gasat dang sai lam Hamat Hkawhkam Toi na wu ai.

YEREMIA 49:23

Ndai gaw Damasku hte seng nna dai Madu tsun da ai mungga rai nga ai: “Hamat hte Arpad mare ni hta shanu nga ai masha ni gaw n kaja ai shiga na ma ai majaw, myit ru myit yak ai hte ru yak jamjau hkrum nga ma ai. Shanhte a myit tsang lam gaw shanhte a ntsa e panglai hka zawn ka-up da nga ai majaw shanhte asim sha n nga lu ma ai.

YEREMIA 52:9

Zedekia gaw Hamat mung Ribla mare e nga ai Hkawhkam Nebuhkadneza hpang de woi sa ai hkrum ai hte dai yang e Nebuhkadneza gaw shi hpe tara daw dan wu ai.

EZEKELA 47:16

dai gaw Berohta hte Sibraim mare ni de htuk rai nga ai (dai ni gaw Damasku mung hte Hamat mung a lapran kaw nga ai mare ni rai nga ai), dai kaw nna Tikon mare de byawn rai nga ai (dai mare gaw Hauran ginwang a jarit makau e nga nga ai.)

AMO LAIKA (AMOS) 6:2

Hkalna mare hpe sa yu yu mu. Dai hpang Hamat a galu kaba ai mare de matut sa nhtawm Gat a Hpilisti mare de yu sa wa mu. Dai ni gaw Yuda hte Israela mungdan ni hta grau kaja nga a ni? Shanhte a lamu ga gaw nanhte a lamu ga hta grau dam lada nga a ni?

BU HKAWM 20:1

Israela shawa hpung ting gaw shata langai ngu na hta, Zin Nam Mali de du nna Kadesha shara e dap jung nga ma ai; dai yang e Miriam si mat nna lup makoi da ma ai.

BU HKAWM 27:14

Shawa hpung ting dai Meriba shara e ngai hpe aput angun nga nna nhtan shai hkat nga yang, shanhte a man e nye a chyoi pra ai daru magam n-gun hkam la na ningdang kau myit dai,” ngu nna tsun wu ai. (Meriba gaw Zin Nam Mali na Kadesha shara hta pru ai hka hpawk rai nga ai.)

BU HKAWM 34:8

dai kaw na Hamat uhkan hku hkrawn, Zedad shara e byawn;

TARA JAHPRANG 1:24

Shanhte mung bum ga de lung wa nhtawm Eshkola Kadit de du hkra dai mung na lam hpe hkan maram yu kau da lu ma ai.

TARA JAHPRANG 32:51

hpa majaw nga yang, nan lahkawng mahtang Israela amyu masha ni a man e, ngai hta sadi n dung kau nga manit dai. Zin nam mali, Kadesha mare makau na Meriba hka e nanhte nga nga myit yang, amyu masha ni a man e, nanhte ngai hpe n sawn n sang di myit dai.

YAWSHU 13:5

Gebali masha ni a lamu ga; sinpraw maga de nga ai Lebanon lamu ga yawng, Hermon Bum a dingda maga nga ai Balagad kaw na Hamat uhkan du hkra naw nga nga ai.

YAWSHU 15:1

Yuda amyu bawsang hta na lakung lama ni lu la ai lamu ga sali gaw lawu de na hte maren rai nga ai. Dai lamu ga gaw dingda maga de Edom lamu ga jarit hte htep rai nga ai Zin nam mali dingda jahtum du hkra rai nga ai.