BU HKAWM 13:2 - Jinghpaw Common Language Bible 2009

² “Israela amyu masha ni hpe ngai jaw na ngu ai Hkanan mung hpe kin-yu hku hkan tam maram yu na matu amyu bawsang shi lahkawng hta na ningbaw langai ngai lata san nna dat dat u,” ngu nna tsun wu ai.

Jinghpaw Hanson Version Bible

² “Israela kashu kasha ni hpe ngai jaw na Hkanan mung hpe kin-yu sa yu na matu, amyu lakung shagu hta na du agyi tai ai ni hpe, amyu mi hta na langai langai lata la nna, shangun dat u,” ngu wu ai.

BU HKAWM 13:2 ပူးပေါင်းရင်းမြစ်များ

PRU MAT 18:25

atsam ningja rawng ai masha ni hpe Israela amyu masha ni yawng kaw na lata la wu ai. Dai ni hpe hkying mi a ningbaw, latsa a ningbaw, manga shi a ningbaw hte shi a ningbaw ni ngu nna san da wu ai.

BU HKAWM 1:4

Nan hpe karum na matu amyu baw shagu na amyu lakung du langai ngai hpyi na rai myit dai,” ngu nna tsun wu ai.

BU HKAWM 11:16

Dai Madu gaw Mawshe hpe, “Amyu masha ni a ningbaw hku nna hkap masat da hkrum ai hte hkungga shagrau ging ai marai sanit shi hte hpe jahpawng la nhtawm nye a hpung shingkang shanu nga ai Sum de ngai hpang de woi wa let dai yang e, na a makau hta wa tsap nga na shanhte hpe tsun u.

BU HKAWM 13:16

Ndai ni gaw lamu ga hkan maram yu na matu Mawshe shangun dat ai kin-yu ni rai ma ai. Shi gaw Nun a kasha Hoshea hpe Yawshu ngu nna mying galai ya wu ai.

BU HKAWM 13:3

Mawshe mung ga madat ai hte Paran Nam Mali kaw nna ningbaw ni hpe lawu de na jahpan hte maren shangun dat wu ai. Amyu Bawsang Ningbaw Rubin Zahkura a kasha Shamua Simun Hori a kasha Shahpat Yuda Yehpuna a kasha Hkaleb Yisahka Yosep a kasha Igala Ehprim Nun a kasha Hoshea Benyamin Rahpu a kasha Palati Zebulun Sodi a kasha Gadiela Manashe Susi a kasha Gadi Dan Gemali a kasha Amiela Ashe Mihkaela a kasha Sehtura Naphtali Wopsi a kasha Nabi Gad Mahki a kasha Guela

BU HKAWM 32:8

Dai mung hpe yu maram na matu nanhte a kawa ni hpe Kadesha Bernea kaw na ngai shangun dat yang, ndai zawn rai shanhte galaw yu masai.

BU HKAWM 34:18

Lamu ga karan yang shan hpe karum na matu amyu bawsang shagu na ningbaw langai hpra hpe mung woi na rai myit dai,” ngu nna tsun wu ai.

TARA JAHPRANG 1:15

Dai rai nna nanhte a amyu bawsang ni kaw na lata da sai dai hpaji byeng-ya rawng nna mahkrum madup nga ai ningbaw ni hpe ngai woi la nhtawm nanhte hpe hpareng na shanhte hpe ngai dang da ya mase ai. Dai re ai majaw masha nkau mi gaw masha hkying mi, nkau mi masha latsa, nkau mi manga shi, nkau mi masha shi di nna up hkang na lit lu nga ma ai. Ngai gaw kaga du salang ni hpe mung amyu bawsang hku hkan nna san tawn da ni ai.

TARA JAHPRANG 9:23

Shi gaw Kadesha Barnea kaw nna nanhte hpe shangun dat nhtawm shi nanhte hpe jaw ai mungdan hpe madu la na matu lung wa na, hkang dat myit dai shaloi, nanhte shi hpe gumlau myit dai; shi hpe mung n kam n sham ai hte shi a ga hpe mung n madat kau myit dai.

YAWSHU 3:12

Ya chyawm gaw Israela amyu bawsang shagu hta na marai langai ngai di nna marai shi lahkawng hpe lata san da mu.