BU HKAWM 12:6 - Jinghpaw Common Language Bible 2009

⁶ dai Madu gaw, “Ya chyawm gaw ngai tsun na ga na la mu! Nanhte hta myihtoi nga ai rai yang ngai hkum nan shanhte hpe shingran hta shadan dan nna yup mang ni hta tsun dan na nngai.

Jinghpaw Hanson Version Bible

⁶ Shaloi Yehowa gaw, “Nye a ga madat yu mu: nanhte hta myihtoi nga ai rai yang, ngai Yehowa dai wa hta shingran hte nye hkum madun na rai nngai;

BU HKAWM 12:6 ပူးပေါင်းရင်းမြစ်များ

NINGPAWT NINGHPANG 15:1

Dai hpang Abram gaw shingran langai mu ai hte dai Madu gaw shi hpe, “Abram e, hkum hkrit et, hkrit hpa shara kaw na nang hpe ngai makawp la nna nang hpe kumhpa kaba jaw na we ai,” ngu nna tsun ai ga hpe na wu ai.

NINGPAWT NINGHPANG 20:7

Rai ti mung, ya chyawm gaw dai num hpe shi a madu wa a lata de bai ap ya u. Shi myihtoi rai nga ai hte maren, na a matu shi akyu hpyi ya na ra ai; shaloi nang si lu na ndai n rai. Rai ti mung, nang shi hpe n ap ya ai rai yang chyawm gaw nang hte na a masha ni yawng si htum mat na myit dai hpe ngai sadi jaw nga nngai,” ngu nna htan wu ai.

NINGPAWT NINGHPANG 28:12

Dai shaloi ginding aga kaw nna lamu du hkra hkap ai lakang langai mi hta lamu kasa ni lung lung yu yu re ai yup mang hpe shi mu wu ai.

NINGPAWT NINGHPANG 28:16

Yaku yup hprang wa nna, “Dai Madu nang e nga nga a hka! Shi ndai shara hta nan nga nga ai hpe ngai n chye kau ni hka!,” ngu wu ai.

NINGPAWT NINGHPANG 37:5

Yosep gaw kalang mi na aten hta yup mang mu nna shi a kahpu ni hpe dai lam hkai dan wu ai. Shanhte gaw shi hpe grau nna n ju nga ma ai.

NINGPAWT NINGHPANG 37:9

Dai hpang Yosep gaw yup mang kaga hpe mung bai mu nna shi a kahpu ni hpe, “Yup mang kaga mung ngai mu se ai; jan shata hte shagan shi langai, ngai hpe nawku dingnyawm ai hpe ngai mu nngai,” ngu nna tsun wu ai.

NINGPAWT NINGHPANG 46:2

Karai Kasang mung shana e shingran hta shi hpe, “Yaku, Yaku!,” ngu nna shaga wu ai. Shi mung, “Rai sa, ngai nang e nga nga nngai,” ngu nna htan wu ai.

2 SAMUELA 7:4

Rai ti mung dai shana jang dai Madu gaw Nahtan hpe,

1 HKAWHKAM 3:15

Shawlumon gaw yup hprang wa nna dai gaw yup mang hta Karai Kasang shi hpe ga shaga nga ai hpe dum hprang wa wu ai. Dai hpang shi gaw Yerusalem mare de sa wa nhtawm dai Madu a Sakse Sumpu man e tsap let wan nat hkungga hte mahku hkungga ni dai Madu a matu nawng ya wu ai. Dai hpang shi a du salang ni yawng a matu lusha poi langai galaw ya wu ai.

1 HKAWHKAM 3:5

Dai Madu gaw dai shana e yup mang hta shi kaw dan pru nhtawm, “Ngai nang hpe hpa jaw na hpyi e,” ngu nna shi hpe san wu ai.

YOBA 33:15

Masha ni shana e yup nga yang, Karai Kasang gaw yup mang hte shingran ni hta ga sa shaga nga ai.

YOBA 4:13

Dai gaw ngai yup pyaw nga yang yup dip zawn ngai hpe sharu shatsang nga ai.

SHAKAWN KUNGDAWN 105:15

Madu gaw, “Ngai lata san da sai shangun ma ni hpe hkum machyi shangun myit, nye a myihtoi ni hpe hkum hkra ya mi,” nga nna hkawhkam ni hpe sadi jaw nu ai.

SHAKAWN KUNGDAWN 89:19

Kalang mi na shingran langai mi hta, na a kangka ai shangun ma kaja ni hpe nang tsun ai gaw, “Gumhkawng ai hpyenla langai mi hpe ngai shadaw karum yu se ai; amyu masha ni kaw na langai mi hpe ngai lata la nna hkawhkam tingnyang ap ya se ai.

PRU MAT 7:1

Dai Madu gaw, “Ngai gaw nang hpe hkawhkam wa a ntsa e Karai Kasang zawn san da nna, na a nhpu Arun mung na a myihtoi zawn shi hpe tsun na ra ai.

YEREMIA 23:25

Nye a amying gang nna masu magaw ga hkaw tsun ai hte shanhte a yup mang shingran ni hta ngai gaw shanhte hpe nye a mungga madun dan ni ai nga nna hkaw tsun ai ndai myihtoi ni tsun shaga ai ga ni hpe ngai chye nngai.

YEREMIA 23:28

Yup mang mu ai myihtoi wa gaw yup mang hpe chyu sha hkai dan u ga; rai ti mung, nye a mungga hpe na la ai myihtoi wa gaw mungga hpe kangka ai hte htawn tsun u ga. Yihku hte hkaulan mam hpe kaning rai shadawn mai nga a ta?

EZEKELA 1:1

Ya sumshi ning ngu na shata mali a manga ya shani e, Babelon mung na Hkebara hka nu makau hta bawng dung ai Yuda masha ni hte Buzi a kasha ngai hkinjawng Ezekela ni nga nga yang, sumsing lamu hpaw malang wa nna Karai Kasang a shingran hpe ngai mu nngai.

Daniela 10:8

Ngai chyu sha dai yang e ngam nga nna dai mauhpa shingran hpe mada yu nga nngai. Ngai mung n-gun n rawng mat ai hte myi man nsam grai shai mat ai majaw kadai mung ngai hpe n lu yu matsing ma ai.

Daniela 2:19

Dai hpang dai shana jang, makoi magap ai yup mang gaw Daniela a shingran hta shapraw shadan dan nga ai; shi gaw sumsing lamu a Karai Kasang hpe shakawn kungdawn wu ai:

Daniela 7:1

Babelon hkawhkam Belshaza hkaw dung ai shawng shaning hta, ngai gaw yup mang hte shingran hpe shana e mu nngai. Ngai gaw yup mang ka matsing da nngai, ndai gaw

Daniela 8:2

Dai shingran hta, Elam mungdaw na bunghku kum ai Susa mare hta nye hkum hpe ngai akajawng sha mu nngai. Ulai hka nu makau e ngai tsap nga yang,

HOSEA 12:11

Rai tim, Gilead mung e hpara sumla ni nawku ma ai. Dai hpe nawku ai ni si mat na mara ai. Gilgala mare e dumsu usu ni hte shagu hkungga nawng ya ma ai; dai yang e nga ai tawn hkungri ni gaw pa layang hkan e nlung sumpum tai mat na mara ai.”

YOELA 3:1

Dai Madu gaw, “Dai aten hta, ngai gaw Yuda hte Yerusalem a ngamu ngamai lam hpe bai jaw na nngai.

ZEHKARIA 1:8

Ngai gaw masha langai mi gumra ahkyeng jawn nga ai hpe mu nngai. Shi gaw kadit langai mi na maihting hpun maling kata hkring nga nna, shi a hpang e hkyeng ai, ateng apang re ai hte hpraw ai gumra ni tsap nga ma ai.

BU HKAWM 24:4

Ngai chyawm gaw Chyahtum Chyalai n-gun rawng ai Karai Kasang kaw na shingran hku dinghkren lu ai Myi hte myit shingran mu chye nngai.

MAHTE 1:20

Ya, shi ndai lam hpe naw myit aru yu nga yang, Madu a lamu kasa langai mi yupmang hta shi hpe hkum shadan dan nna, “Dawi a kasha Yosep e, Mari hpe na a madu jan hku hkap la na hkum hkrit et, hpa majaw nga yang, shi a na-um nasin gaw, dai Chyoi Pra Ai Wenyi a majaw byin wa ai rai nga ai.

MAHTE 2:19

Ya Herod si mat ai hpang, dai Madu a Lamu kasa langai mi Egutu mung e, yup mang hta Yosep kaw dan pru nna,

MAHTE 23:31

Shing nga ti mung, myihtoi ni hpe sat kau ai ni a kashu kasha ni rai nga myit dai gaw, nanhte nan sakse hkam yin la nga myit dai.

MAHTE 23:34

Dai rai nna, nanhte hpe ngai tsun made ai gaw, myihtoi ni, hpaji rawng ai ni hte tara sara ni hpe nanhte hpang de ngai shangun dat na mawe ai rai nna, shanhte hta na nkau mi hpe sat kau na ma ai, nkau mi hpe wudang hta jen da na hte, nkau mi hpe tara jawng ni hta anu kayat di nna mare mi hte mare mi de hkan shachyut rim zingri na maru ai.

MAHTE 23:37

“Yerusalem e, Yerusalem e, myihtoi ni hpe sat kau kau rai nna, nang hpang de shangun dat ai ni hpe nlung hte kabai sat sat re ai mare e! U kanu gaw u hkai ni hpe singkaw npu e jahpawng da ai zawn, na nshu nsha ni hpe ngai gade lang jahpawng da mayu ti mung, nang n hkraw nga ndai.

MAHTE 27:19

Ya Pilat gaw tara jeyang ai gawk e naw dung nga yang, shi a madu jan gaw masha langai mi hpe shi kaw shangun dat nna, “Dai ding hpring ai wa hpe hpa mung hkum di u, hpa majaw nga yang, mana na nye a yupmang hta e shi a majaw, ngai nni nkri law law wa hkrum sha ni ai,” ngu nna shiga langai mi htet dat wu ai.

LUKA 1:11

Shaloi dai Madu a lamu kasa langai mi gaw, manam pyaw ai nat nawng ai hkungri a hkra maga de, shi hpe tsap shadan dan wu ai.

LUKA 1:22

Shi pru wa yang shanhte hpe ga n tsun lu ai rai nna, dai nawku htingnu nhku e shingran mu nu ai hpe shanhte chye ya ma ai, shi gaw shanhte hpe ga hkaw mi mung n shaga lu ai rai nna, shi a lata hte dingsi dan let nga nga ai.

LUKA 20:6

Bai masha hta na re ai, ngu yang mung, ya nang e nga ai shawa masha ni yawng, anhte hpe nlung hte kabai sat na mara ai, hpa majaw nga yang, shanhte gaw, Yawhan gaw myihtoi re ai,” nga nna kam nga ma ai.

KASA 10:11

Shi gaw sumsing lamu hpaw malang wa nna hpajawng kaba zawn re ai jut de jum nna ga de shayu dat ai arai lama mi hpe mu wu ai.

KASA 10:17

Ya Petru gaw, dai shingran a lachyum a lam naw myit sumru yu nga yang, Korneli shangun dat ai ni gaw Simun a nta hkan tam san nna mu chye manu ai rai nna, ya nta ndaw e sa tsap nga ma ai.

EHPESU 4:11

Shinggyim masha ni hpe chyeju kumhpa ni hpe jaw ya ai Madu mung shi nan rai nga ai. Shi gaw nkau mi hpe kasa, nkau mi hpe myihtoi, nkau mi hpe Kabu Gara Shiga hkaw hkawm ai ni, nkau mi hpe hpung up ni hte sara ni di nna san da shajang mu ai.

TARA JAHPRANG 18:15

Shing rai na malai, nanhte a amyu masha ni hta na ngai zawn re ai myihtoi langai mi, shi nanhte hpang de shangun dat ya na rai wu ai. Shing rai shi a ga hpe nanhte madat mara hkan sa lu na rai myit dai.

TARA JAHPRANG 18:18

Nang zawn re ai myihtoi langai, shanhte hpang de shangun dat ya na we ai; shi kaning ngu tsun na ga, shi hpe ngai tsun dan na we ai. Shing rai shi gaw ngai hkang da mada lam magup amyu masha ni hpe tsun dan na rai wu ai.

HEBRE 1:1

Moi prat hta Karai Kasang gaw anhte a ji wa ni hpe ga shaga ai lam law law lang, lai ladat amyu myu hku nna myihtoi ni a n-gup hte htawn tsun lai wa sai.

SHINGRAN 11:10

Ga ntsa e nga ai masha ni gaw, dai myihtoi lahkawng si ai majaw, kabu gara rai nna shada da kumhpaw kumhpa ni galai jaw chyai rai, poi galaw na mara ai; hpa majaw nga yang, dai myihtoi yan gaw ga ntsa e nga ai masha amyu ni hpe nni nkri grai jahkrum yu masai rai nga ai.

SHINGRAN 11:3

Bai, nye a sakse yan lahkawng hpe ngai shangun dat na mawe ai rai nna, shan gaw lachyit nba bu hpun let nhtoi 1,260 ya tup Karai Kasang a mungga hpe myihtoi ga hku hkaw tsun na mara ai.

1 SAMUELA 28:6

shi hpa galaw na lam dai Madu hpe san wu ai. Rai ti mung dai Madu gaw shi hpe yup mang hta mung, Urim hte Htumim lang ai hta mung, myihtoi ni hta mung mahtai loi mi mung n jaw ya wu ai.

1 SAMUELA 3:15

Samuela gaw jahpawt du hkra yup ra e nga nga wu ai; dai hpang shi rawt nhtawm dai Madu a nta chyinghka ni hpe hpaw wu ai. Dai shingran Eli hpe tsun dan na shi hkrit nga ai.

1 SAMUELA 3:21

Samuela kaw dan pru yu nna shi hte ga shaga yu sai Shilo shara hta dai Madu gaw shi hkum nan matut dan pru nga ai. Samuela ga shaga ai shaloi Israela masha nlang ni madat nga ma ai.