BU HKAWM 12:2 - Jinghpaw Common Language Bible 2009

² Shan gaw, “Dai Madu gaw Mawshe hku nna chyu sha ga shaga nga a ni? An hku nna mung tsun lu ai n rai ni?,” ngu nna tsun ma ai. Shan hpa tsun ai hpe dai Madu na wu ai.

Jinghpaw Hanson Version Bible

² “Gaja wa Yehowa gaw Mawshe hta sha ga tsun lu ai re a hka? an a n-gup hta mung tsun sai n rai ni?” nga ma ai. Ga dai hpe Yehowa na wu ai.

BU HKAWM 12:2 ပူးပေါင်းရင်းမြစ်များ

NINGPAWT NINGHPANG 29:33

Shi hta na-um nasin hkum bai tai wa nna, shadang sha bai shangai wu ai. Lea gaw, “Dai Madu ngai hpe ndai shadang sha jaw ya ni ai; hpa majaw nga yang ngai n dawng n yawt hkrum nga ai hpe shi na ya nu ai,” ngu nna tsun wu ai. Dai rai nna shi hpe Simun ngu nna shamying wu ai.

2 SAMUELA 11:27

Batsheba sharung shayawt ai ladaw lai jang, Dawi gaw masha shangun dat nna hkawhkam hkaw de shi hpe shaga la wu ai. Shi mung Dawi a madu jan tai ai hte shi a matu shadang sha langai shangai ya wu ai. Rai ti mung dai Madu chyawm gaw Dawi galaw kau nu ai amu hpe n yu sharawng nga wu ai.

2 HKAWHKAM 19:4

Asuri hkawseng gaw ahkrung nga ai Karai Kasang hpe shatan nhkan galaw na nga, shi a du ningbaw wa hpe shangun dat nu ai. Dai Madu na a Karai Kasang gaw dai shatan nhkan ga ni hpe na ya nna shing ngu tsun shatan ai ni hpe ari jaw u ga law. Dai re ai majaw naw hkrung nga ai anhte a amyu masha ni a matu Karai Kasang kaw akyu hpyi ya mi.”

PRU MAT 4:14

Dai ga a majaw Madu gaw Mawshe hpe masin pawt ai hte, “Lewi masha na a nhpu Arun gaw gara hku law? Shi gaw atsawm sha ga lu shaga nga ai hpe ngai chye nngai. Shi mung ya nang hpe sa hkrum na matu pru sa wa ra ai. Shi gaw nang hpe mu jang kabu gara na ra ai.

PRU MAT 4:30

Arun mung dai Madu Mawshe hpe tsun ai ga yawng shanhte hpe tsun dan nhtawm Mawshe mahtang amyu masha ni a man e mauhpa lamik kumla yawng madun dan wu ai.

PRU MAT 5:1

Dai hpang Mawshe yan Arun gaw Egutu hkawhkam wa kaw shang nna, “Dai Madu Israela a Karai Kasang gaw, ‘Nye a amyu masha ni hpe sa wa shangun u, shaloi shanhte gaw ngai hpe shagrau sha-a na matu nam mali e poi galaw lu na rai ma ai,’” ngu nna tsun ai ga tsun dan ma ai.

PRU MAT 7:10

Dai rai nna Mawshe yan Arun mung hkawhkam wa kaw shang nna, dai Madu hkang dat ai hte maren galaw ma ai. Arun gaw shi a dawhkrawng hpe hkawhkam wa hte shi a du salang ni a man e kabai tawn ai rai nna dai gaw lapu tai nga ai.

GA SHAGAWP 13:10

Myit tsaw myit dap ai lam gaw ru yak tsin-yam hta lai nna, hpa hpe mung shabyin ya lu ai n rai; hpaji jaw ya na matu hpyi lajin ai lam gaw hpaji grau rawng nga ai.

ESAIA 37:4

Asuri hkawseng gaw asak hkrung nga ai Karai Kasang hpe n kaw n law di na matu shi a hpyen du wa hpe dat dat nu ai. Dai Madu na a Karai Kasang gaw dai zawn re ai n kaw n law re ai lam hpe na nna shanhte hpe shing ngu tsun sai wa hpe ari jaw u ga law. Dai rai nna naw ngam nga ai anhte a amyu masha ni a matu Karai Kasang kaw akyu hpyi ya mi.”

MIHKA 6:4

Ngai gaw nang hpe Egutu mung kaw na woi shapraw wa nhtawm nang hpe mayam prat kaw na mawai la ni ai. Mawshe, Arun hte Miriam ni nang hpe woi awn na matu ngai dat dat ni ai.

BU HKAWM 11:1

Dai amyu masha ni shanhte hkrum sha ai tsin-yam tsindam a majaw dai Madu hpe aput hpang wa ma ai. Dai Madu gaw dai lam ni na jang masin pawt nna amyu masha ni a ntsa e wan dat dat wu ai. Dai gaw shanhte a ka-ang e hkru wa ai hte dap a jahtum shara langai mi hpe jahten kau nga ai.

BU HKAWM 11:29

Mawshe gaw, “Ngai hte seng ai amu hta myit hkan tsang nga n ni? Dai Madu gaw shi a amyu masha ni yawng hpe wenyi jaw ya nna myihtoi ni zawn shanhte yawng hpe marawn jahtau shangun na, ngai ra sharawng nga nngai!,” ngu nna htan wu ai.

BU HKAWM 12:3

(Mawshe gaw shagrit shanem ai myit rawng ai wa rai nna ga ntsa ting na masha nlang hta grau shagrit shanem ai myit rawng ai wa rai nga ai.)

BU HKAWM 16:3

Shanhte gaw Mawshe yan Arun kaw sa hpawng let shan hpe, “Nan gaw nau wa lai manit dai! Dai shawa hpung yawng gaw dai Madu a matu rai nna, dai Madu mung anhte yawng hte rau rai nga ai. Dai rai yang, Mawshe nang gaw hpa majaw dai Madu a shawa hpung ting a ntsa e, tinang hkum hpe shagrau la mayu nga n ta?,” ngu nna tsun ma ai.

ROMA 12:10

Nanhte shada da tsaw ra ai hta langai hte langai shinggyim nau na myit majing rawng nga mu, hkungga lara ai hta shada da shagrau hkat nga mu.

ROMA 12:3

Dai rai nna, kadai mung tinang hkum hpe mai myit ai hta jan nna nau wa n rai dum na matu Karai Kasang ngai hpe jaw ai Wenyi chyeju kumhpa a marang e nanhte langai hte langai hpe ngai htet shana dat nngai. Shing rai na malai nanhte langai hte langai hpe makam masham ren di nna garan jaw da sai hte maren tinang a hkum hpe sari rawng ai hku myit yu nna daw dan la u ga

HPILIPI 2:14

Nanhte galaw ra ai hpa lam hpe mung aput angun ndang kalang n rai ai sha galaw nga mu.

HPILIPI 2:3

Gumrawng gumtawng mayu ai myit, tinang akyu tam mayu ai myit, hte hpa mung hkum galaw mu; masha kaga wa gaw tinang hta grau kaja nga ai ngu nna tut nawng myit la let shada da shagrit shanem ai myit hte kanawn mazum nga mu.

1 PETRU 5:5

Dai hte maren, Brang ram ni e, asak kaba sai myit su ni a npu e taw nga lu na rai myit dai. Nanhte shada da daw jau na matu, nanhte yawng mayawng shagrit shanem ngu ai lawngsap bu hpun dagraw da nga mu; hpa majaw nga yang, Chyum Laika hta, “Karai Kasang gaw gumrawng gumtawng ai ni hpe mung hkap shadang nga ai rai ti mung, myit shagrit shanem ai ni hpe chyeju jaw nna myi man pa shangun da mu ai,” ngu nna tsun nga ai.