BU HKAWM 12:15 - Jinghpaw Common Language Bible 2009

¹⁵ Miriam hpe dap shinggan de sanit ya tup tawn kau ma ai. Shi hpe bai woi shang wa ai aten du hkra amyu masha ni mung n hkawm n sa nga ma ai.

Jinghpaw Hanson Version Bible

¹⁵ Shing rai, Miriam hpe dap shinggan e sanit ya tup tawn da kau mu ai; Miriam dap de garai n shang dingsa amyu masha ni mung bu n hkawm ai nga nga ma ai.

BU HKAWM 12:15 ပူးပေါင်းရင်းမြစ်များ

PRU MAT 20:12

“Na nnu yan nwa hpe hkungga lara di u; shaloi ngai nang hpe jaw da ai lamu ga hta asak galu ai hte shanu nga lu na ndai.

SHARUNG SHAYAWT 3:32

Shi gaw anhte hpe yawn hkyen ai amu shapraw dan ti mung, anhte a matu shi a tsaw ra myit gaw kam ram ai hte n-gun ja nga ai.

JAW JAU 14:8

Dai masha wa mung shi a hpun palawng ni hpe hkrut nna shi a kara ni yawng hpe shangun kau nhtawm hka shin na rai wu ai. Shi gaw htung hte maren san seng wa lu na rai wu ai. Dai hpang shi gaw dap de shang mai nga ti mung, shi a sum shinggan e sanit ya tup naw nga nga na rai wu ai.

MIHKA 6:4

Ngai gaw nang hpe Egutu mung kaw na woi shapraw wa nhtawm nang hpe mayam prat kaw na mawai la ni ai. Mawshe, Arun hte Miriam ni nang hpe woi awn na matu ngai dat dat ni ai.

HABAKU 3:2

O Madu e, nang galaw nit dai amu ni a lam ngai na ni ai, ngai hkrit gari ai hte hpring nga nngai. Ya chyawm gaw anhte a aten ni hta, nang galaw dan sai amu kaba ni hpe kalang mi bai galaw u law. Nang pawt sindawng nga ai shaloi pyi, matsan dum nga u law.

BU HKAWM 12:16

Dai hpang shanhte gaw Hazerot shara na pru sa nhtawm Paran Nam Mali e dap dabang but nga ma ai.