BU HKAWM 12:13 - Jinghpaw Common Language Bible 2009

¹³ Dai rai nna Mawshe gaw dai Madu hpe, “Karai Kasang e, shi hpe shamai ya u!,” ngu nna jahtau tsun wu ai.

Jinghpaw Hanson Version Bible

¹³ Shaloi Mawshe gaw, “Karai Kasang e, shi hpe shamai ya u,” ngu nna Yehowa hpe jahtau wu ai.

BU HKAWM 12:13 ပူးပေါင်းရင်းမြစ်များ

NINGPAWT NINGHPANG 20:17

Abraham a madu jan Sara hta byin lai wa sai lam a majaw dai Madu gaw Abimelek a hkaw wang na numsha kadai hpe mung kashu kasha n kap hkra dim da nu ai. Dai rai nna Abraham gaw Abimelek a matu akyu hpyi ya wu yang, shi hpe mung, shi a madu jan hte mayam num ni hpe mung Karai Kasang shamai ya nu ai rai nna shanhte gaw kashu kasha ni shaprat mu ai.

1 HKAWHKAM 13:6

Hkawhkam Yeroboam gaw myihtoi wa hpe, “Chyeju hte dai Madu na a Karai Kasang kaw nye a matu akyu hpyi ya e; nye a lata lahpum hpe bai shamai ya na shi kaw hpyi nem ya e!,” ngu nna tsun wu ai. Shaloi myihtoi wa mung dai Madu kaw akyu hpyi ya wu ai rai nna hkawhkam wa a lata lahpum mai tsai mat wu ai.

SHAKAWN KUNGDAWN 30:2

O Madu nye a Karai Kasang e, karum la na matu ngai nang hpe jahtau ni ai, nang ngai hpe shamai ya nit dai;

SHAKAWN KUNGDAWN 41:4

“Madu e, nang hpe ngai yubak galaw kau ni ai; ngai hpe matsan dum la nna, ngai hpe shamai shatsai la e,” ngu nna ngai tsun ni ai.

PRU MAT 15:26

Shi gaw, “Nye a hkang da ai ga ni hpe shadik shatup nna, ding man ai hku galaw ai hte nye a ga matsun hpe tsep kawp madat mara hkan sa myit dai rai yang chyawm gaw Egutu masha ni hta ngai shakap ai ana ahkya hpa hte mung, nanhte hpe ngai ari jaw na made ai n rai. Ngai gaw nanhte hpe shamai ya ai dai Madu rai nga nngai,” ngu nna tsun wu ai.

PRU MAT 4:7

Dai hpang Madu gaw, “Na a lata hpe palawng galu kata de bai bang dat u,” ngu nna tsun wu ai. Dai hte maren shi galaw wu ai. Ndai lang shi dai hpe bai shaw la wu yang, dai gaw akaja sha rai nna kaga ngam ai shi a hkum shan zawn rai nga ai.

ESAIA 30:26

Shata gaw ajan zawn htoi tu wa na ra ai, jan a nhtoi gaw mi na hta htam sanit grau htoi wa nna sanit ya na nhtoi gaw kalang mi htoi ai n-gun zawn tai na ra ai. Dai Madu gaw shi a amyu masha ni hpe shakap da ya sai nma ni hpe ahkyen kayawp nna shamai shatsai ya ai shaloi ndai lam byin wa na ra ai.

YEREMIA 17:14

Madu e, ngai hpe shamai shatsai la e, shaloi ngai tsep kawp hkam kaja wa na ring ngai; ngai hpe hkye mawai la e, shaloi ngai hkum tsup hkra shim lu na ring ngai. Nang gaw ngai shakawn kungdawn ai wa rai nga ndai!

BU HKAWM 11:2

Amyu masha ni gaw Mawshe hpe jahtau let karum hpyi ma ai; Mawshe gaw dai Madu hpe hpyi nem wu ai majaw wan mung si mat nga ai.

BU HKAWM 12:12

Chyasi shangai wa nna, de a hkum shan chyen mi sha kau ai arai lama mi zawn shi hpe hkum tai shangun et,” ngu nna tsun wu ai.

BU HKAWM 14:2

Shanhte gaw Mawshe yan Arun hpe aput let, “Egutu mung shing n rai ndai Nam Mali hkan e si mat tim pyi grau kaja na saga ai law!

BU HKAWM 16:41

Hpang shani e, shawa hpung ting gaw Mawshe yan Arun hpe aput let, “Nan gaw dai Madu a amyu masha nkau mi hpe sat kau manit dai,” ngu nna deng ma ai.

LUKA 23:34

Yesu gaw, “Wa e, shanhte a mara hpe dat kau ya mu, shanhte galaw ai lam hpe shanhte n chye nga ma ai,” nga ai. Shanhte gaw, shi a hpun palawng ni hpe mung hpaida da nna garan la ma ai.

LUKA 6:28

Nanhte hpe dagam ai ni hpe shaman ya mu; nanhte hpe aroi arip di ai ni a matu akyu hpyi mu.

KASA 7:60

Bai hput di let, “Madu e ndai mara shanhte hpe hkum shagun ya et,” nga nna nsen kaba hte jahtau wu ai, dai tsun ngut jang shi nsa hti mat ai.

ROMA 12:21

N hkru n kaja ai gaw nang hpe n dang kau u ga, shing rai na malai mai kaja ai hte n hkru n hkra ai hpe dang kau u.

YAKU 5:15

Kam sham ai myit hte akyu hpyi ai ga gaw dai machyi ai wa hpe shamai shatsai lu nna dai Madu gaw shi hpe bai hkam kaja wa shangun na ru ai hte shi galaw hkrup kau ai yubak mara ni hpe mung raw dat kau ya na ra ai.

1 SAMUELA 12:23

Nye a matu chyawm gaw, gaw nanhte a matu galoi mung n hpyi nem ya ai majaw dai Madu hpe ngai shut kau ang ni ai nga nna dai Madu hkum shadang mai nga ai. Shing rai na malai, mai kaja ai hte teng man ai lam hku hkan galaw na lam, ngai nanhte hpe sharin achyin ya na made ai.

1 SAMUELA 15:11

“Shawlu hpe hkawhkam shatai kau ni ai majaw ngai yawn la nngai; shi gaw ngai kaw na kayin mat wa ai hte nye a hkang da ai ga ni hpe mung n madat mat nu ai,” ngu nna tsun wu ai. Dai majaw, Samuela masin pawt nga ai; dai Madu hpe mung shana tup hpyi nem nga wu ai.