BU HKAWM 12:11 - Jinghpaw Common Language Bible 2009

¹¹ Mawshe hpe, “Madu e, chyeju hte an angawk nna galaw shut kau ai yubak mara a matu ndai zawn re ai nni nkri ari hkum hkam sha shangun mi.

Jinghpaw Hanson Version Bible

¹¹ Arun gaw Mawshe hpe, “Nye a madu e, an ngawk nna shut kau ai majaw, an a shut ai mara an hta hkum mara ya mi ngai hpyi nem nga nngai;

BU HKAWM 12:11 ပူးပေါင်းရင်းမြစ်များ

2 SAMUELA 19:19

“Nye a madu hkawhkam wa e, Yerusalem mare kaw nna nang pru mat wa ai shani e, ngai galaw shut kau ni ai lam ni hpe malap kau ya e. Dai lam ngai hpe hkum deng e. Dai lam hpe galoi mung hkum dum ya e.

2 SAMUELA 24:10

Rai ti mung Dawi gaw yuptung jahpan hta la ngut jang, shi a myit kangi kanga rai nna shi hpe sharu hpang wa nga ai. Shi gaw dai Madu hpe, “Ndai amu galaw let hkrit hpa yubak langai ngai galaw shut kau se ai! Chyeju hte nye a mara raw dat kau ya e; ngai wa angawk ai hku amu galaw kau se ai,” ngu nna tsun wu ai.

1 HKAWHKAM 13:6

Hkawhkam Yeroboam gaw myihtoi wa hpe, “Chyeju hte dai Madu na a Karai Kasang kaw nye a matu akyu hpyi ya e; nye a lata lahpum hpe bai shamai ya na shi kaw hpyi nem ya e!,” ngu nna tsun wu ai. Shaloi myihtoi wa mung dai Madu kaw akyu hpyi ya wu ai rai nna hkawhkam wa a lata lahpum mai tsai mat wu ai.

2 HKAWHKAM LABAU 16:9

Dai Madu hta sadi sahka myit rawng nga ai ni hpe n-gun atsam jaw ya na nga, shi gaw mungkan ga ting hpe mada azi yu wu ai. Nang chyawm gaw angawk ai hku galaw kau nit dai majaw ya kaw nna hpyen majan tut nawng ahkrum nga na nit dai,” ngu nna tsun wu ai.

PRU MAT 12:32

Nanhte a sagu, bainam hte dumsu yam nga hpung ni hpe la mat wa nna pru mat wa manu. Ngai hpe mung shaman ya da mi,” ngu nna tsun wu ai.

GA SHAGAWP 30:32

Myit tsaw myit dap rawng nna angawk ai hte n hkru n shawp ai amu hpe nang galaw maw mawn ai rai yang, dai ni hpe jahkring kau nna myit yu u!

YEREMIA 42:2

ngai kaw sit sa nna, “Anhte nang hpe hpyi lajin ai ga hpe chyeju hte galaw ya mi! Anhte a matu dai Madu anhte a Karai Kasang hpang de akyu hpyi ya mi. Anhte hta naw ngam nga ai amyu masha ni a matu akyu hpyi ya mi; anhte gaw shawng de grai law la ga ai rai ti mung, ya gaw nang mu mada ai hte maren kachyi mi sha ngam nga saga ai.

BU HKAWM 11:2

Amyu masha ni gaw Mawshe hpe jahtau let karum hpyi ma ai; Mawshe gaw dai Madu hpe hpyi nem wu ai majaw wan mung si mat nga ai.

BU HKAWM 12:12

Chyasi shangai wa nna, de a hkum shan chyen mi sha kau ai arai lama mi zawn shi hpe hkum tai shangun et,” ngu nna tsun wu ai.

KASA 8:24

Shaloi Simun gaw, “Ngai hta nan tsun ai lam hpa mung n du u ga, nye a matu chyeju hte Madu kaw akyu hpyi ya mi,” ngu nna Petru yan Yawhan hpe tsun mu ai.

SHINGRAN 3:9

Yu u! Tinang dai Yuda masha rai ga ai nga ti mung Yuda n teng ai sha, Satan a hpung hta lawm ai dai masu ai ni hpe na a lagaw nhpang e ngai shanhte hpe sa naw dingnyawm shangun na mawe ai rai nna, ngai nang hpe tsaw ra nga ai gaw, shanhte chye lu na mara ai.

1 SAMUELA 12:19

shanhte gaw Samuela hpe, “Madu e, chyeju hte anhte n si mat u ga, dai Madu na a Karai Kasang kaw anhte a matu hpyi nem ya mi. Kaga anhte a yubak yawng hta kaga, hkawhkam hpyi nna shut kau ai anhte a yubak mara ni yawng hpe mung ya anhte dum chye saga ai,” ngu nna tsun ma ai.

1 SAMUELA 2:30

Na a dinghku hte na a lakung lama ni hkinjawng ni zawn prat tup ngai hpe daw jau lu mu ga ngu, dai MaduIsraela a Karai Kasang ngai nan lai sai prat ni hta ga sadi tawn da ni ai. Rai ti mung ya chyawm gaw dai ga sadi galoi mung grin sana n rai nga sai hpe ngai tsun nga nngai! Shing rai na malai, ngai hpe shagrau sha-a ai ni hpe ngai shagrau sha-a na nngai; ngai hpe n kaw n law re ai ni hpe ngai mung n gawn n sawn di kau na we ai.