BU HKAWM 11:29 - Jinghpaw Common Language Bible 2009

²⁹ Mawshe gaw, “Ngai hte seng ai amu hta myit hkan tsang nga n ni? Dai Madu gaw shi a amyu masha ni yawng hpe wenyi jaw ya nna myihtoi ni zawn shanhte yawng hpe marawn jahtau shangun na, ngai ra sharawng nga nngai!,” ngu nna htan wu ai.

Jinghpaw Hanson Version Bible

²⁹ Mawshe chyawm gaw, “Nye a matu nang manawn ya nni? Yehowa a masha nlang hte gaw myihtoi hkrai rai nga mu ga, Yehowa gaw shi a Wenyi shanhte a ntsa e mara jaw mu ga law!” nga nna tsun ai.

BU HKAWM 11:29 ပူးပေါင်းရင်းမြစ်များ

YOELA 2:27

Dai hpang, Israela e, ngai nanhte a lapran e nga nga nngai mung, Ngai gaw dai Madu nanhte a Karai Kasang rai nga nngai hte ngai hta lai karai shaje n nga sai hpe nanhte chye wa na rai myit dai. Nye a amyu masha ni gaw galoi mung n kaw n law bai di hkrum na masai n rai.

YOELA 3:1

Dai Madu gaw, “Dai aten hta, ngai gaw Yuda hte Yerusalem a ngamu ngamai lam hpe bai jaw na nngai.

BU HKAWM 11:30

Dai hpang Mawshe hte Israela ningbaw marai sanit shi hte gaw dap de nhtang wa ma ai.

LUKA 10:2

Shi shanhte hpe, “Nmut shang shara law law nga ai, amu galaw na ni mahtang n law ma ai. Dai majaw, shi a nmut hta amu galaw na masha law law shangun dat ya u ga, Madu kaw akyu hpyi nga mu.

KASA 26:29

Bai Pawlu gaw, “Aten kadun sha mi rai tim, aten galu wa rai tim Hkawhkam wa hte hpawn nang e nga ai ni nlang hte gaw, nye a htawng masha tai ai aya hta lai nna, ngai zawn re ai hkrai byin wa na matu Karai Kasang kaw ngai akyu hpyi nngai!,” ngu wu ai.

1 KORINHTU 13:4

Tsaw ra ai myit gaw myit galu kaba nga ai; matsan dum lama nga ai; manawn masham n nga ai, grang shakawng ai ga n tsun ai; gumrawng gumtawng n rai ai;

1 KORINHTU 14:5

Nanhte nga manga hte gaw, laklai ai ga amyu myu tsun na ngai ra nga nngai, rai ti mung Karai Kasang a mungga hkaw tsun lu ai atsam hte seng ai chyeju kumhpa hpe grau nna lu la shangun mayu nngai. Hpa majaw nga yang, laklai ai ga amyu myu chye tsun ai wa gaw, tinang tsun ai ga a lachyum hpe sanglang htai dan ai masha nga yang she dai Hpung hpe shadaw shangang lu nga ai. Dai n rai yang gaw, Karai Kasang a mungga hkaw tsun ai wa gaw laklai ai ga amyu myu hpe tsun ai wa hta grau nna hpu ging nga ai.

1 KORINHTU 3:21

Dai re ai majaw, kadai rai ti mung, masha e galaw lu ai atsam hta hkum gumrawng nga u ga. Kaja wa nga yang, yawng mayawng hte hpe nanhte madu nga myit dai.

1 KORINHTU 3:3

Dai majaw nanhte gaw shinggyim ta re ai hku naw nga nga myit dai. Nanhte hta manawn masham ai hte ga li ga law rai nga myit dai majaw, dai gaw nanhte ndai mungkan hte seng ai hku asak hkrung nga ai ni re ngu ai hpe sakse madun nga ai n rai ni?

HPILIPI 2:3

Gumrawng gumtawng mayu ai myit, tinang akyu tam mayu ai myit, hte hpa mung hkum galaw mu; masha kaga wa gaw tinang hta grau kaja nga ai ngu nna tut nawng myit la let shada da shagrit shanem ai myit hte kanawn mazum nga mu.

YAKU 4:5

“Anhte hta Karai Kasang bang da ya ai wenyi gaw hkrithpa laja lana re ai ra marin ai myit hte hpring chyat nga ai,” nga nna dai Chyum Laika tsun ai ga hta teng man ai lam n rawng ai ngu nna nanhte myit nga myit ni?

YAKU 5:9

Nye a hpu nau ni e nanhte Karai Kasang e daw dan ai n hkrum myit ga, nanhte shada da mara shagun aput angun hkum galaw myit, Tara agyi wa gaw du magang ra ai rai nna dan pru na jin jin rai nga sai.

1 PETRU 2:1

Dai re ai majaw nanhte gaw n hkru n kaja ai lam amyu myu hte masu hkalem ai lam sawt ai lam, manawn masham ai lam hte roi asawng ai ga ni hpe yeng seng kabai kau mu.

1 SAMUELA 10:6

Shaloi dai Madu a wenyi gaw akajawng sha nang hpe up hkang nna nawku htung hte seng ai ka manawt ai hte jahtau garu ai hta nang shang lawm nhtawm laklai ai masha tai wa na rin dai.