BU HKAWM 11:25 - Jinghpaw Common Language Bible 2009

²⁵ Dai Madu gaw sumwi hta yu hkrat wa nhtawm shi hpe ga shaga wu ai. Shi gaw Mawshe hpe jaw ya ai wenyi nkau mi hpe la nhtawm ningbaw sanit shi hte hpe jaw wu ai. Dai wenyi shanhte hta du jang, myihtoi ni zawn aten kadun mi hta marawn jahtau hpang wa ma ai.

Jinghpaw Hanson Version Bible

²⁵ Yehowa mung dai sumwi hta yu hkrat nna shi hte ga tsun nga ai; Mawshe hta dung ai Wenyi hta na la nhtawm agyi salang sanit shi hte a ntsa e mara ya wu ai rai nna, dai Wenyi shanhte hta yu dung jang shanhte gaw myihtoi htoi ma ai; dai hta kaga hpa n tsun ma ai.

BU HKAWM 11:25 ပူးပေါင်းရင်းမြစ်များ

2 HKAWHKAM 2:15

Yerihko mare na myihtoi manga shi gaw shi hpe mu nna, “Elia a daru magam n-gun gaw Elisha a ntsa e nga nga a hka!,” ngu nna tsun ma ai. Shi hte hkrum na nga shanhte sa wa nhtawm shi a man e dingnyawm dagup let,

NEHEMIA 9:20

Na a mai kaja ai lam hta, shanhte hpa galaw ang ai lam nang shanhte hpe tsun ndai; nang gaw shanhte hpe manna jaw sha nna, lu hka ntsin jaw ndai.

SHAKAWN KUNGDAWN 99:7

Shi gaw shanhte hpe sumwi shadaw kaw nna ga tsun nu ai; dai Madu shanhte hpe jaw ya ai tara ni hte hkang da ai ga ni hpe shanhte madat mara hkan nang nga ma ai.

PRU MAT 32:32

Dai rai nna shanhte a yubak hpe chyeju hte raw dat kau ya u; rai ti mung nang n dat ya mayu ai rai yang chyawm gaw na a amyu masha ni a mying ni hpe nang ka da ai laika kaw na nye a mying hpe shaprai kau ya e law,” ngu nna tsun wu ai.

PRU MAT 34:5

Dai Madu mung sumwi hta yu hkrat wa nna, shi hte rau dai yang e tsap let dai Madu ngu ai chyoi pra ai amying hpe shapraw dan wu ai.

PRU MAT 40:38

Shanhte hkawm sa wa ai lam yawng hta dai Madu a hpung shingkang a sumwi gaw dai Sum ntsa e shani e jung nga nna, shana e de a ntsa hta wan htoi nga ai.

ESAIA 63:11

Rai ti mung, shanhte gaw lai sai aten, dai Madu a shangun ma Mawshe a nhtoi ni hpe dum ma ai rai nna shanhte gaw, “Panglai kaw na shi a amyu masha ni a ningbaw ni hpe hkye hkrang la sai dai Madu gaw ya kanang rai nga a ta? Mawshe hpe shi a wenyi jaw ya ai dai Madu gaw kanang rai nga a ta?

EZEKELA 8:11

Dai shara hta Israela ningbaw marai sanit shi hte hpawn Shahpan a kasha Yazania ni nga nga ma ai. Shanhte langai hte langai gaw manam pyaw ai baw nat nawng ya ai ban ni lang da nna dai ban kaw na wan hkut ni mawng lung wa nga ai.

BU HKAWM 11:17

Dai yang e ngai yu sa nna nang hte ga shaka na we ai; nang hpe ngai jaw tawn da ai wenyi hta na nkau mi hpe ngai la nhtawm shanhte hpe jaw na we ai. Shanhte gaw ndai amyu masha ni hte seng ai lit nang hpe gun hpai karum lu na mara ai; nang chyu sha gun hpai nga lu na ndai n rai.

BU HKAWM 12:5

Dai Madu mung sumwi shadaw hte yu sa nna dai Sum a chyinghka lam e tsap let, Arun hte Miriam yan hpe shaga shapraw wu ai. Shan lahkawng mung shawng de sit sa ma ai rai nna,

BU HKAWM 16:25

Dai hpang Mawshe kaw Israela ningbaw ni hkan nang nhtawm Dahtan yan Abiram hpang de sa du ma ai.

BU HKAWM 24:2

Israela amyu masha ni amyu dap hku hkan nna but nga ma ai hpe mu wu ai. Karai Kasang a wenyi gaw shi hpe

BU HKAWM 27:18

Dai Madu gaw Mawshe hpe, “Atsam ningja hte hpring ai Nun a kasha Yawshu hpe woi la nna shi a baw ntsa hta na a lata mara u;

KASA 11:28

Shanhte hta na Agabu ngu ai wa rawt nna ga ntsa ting hta hku wa kaba wa na ra ai lam, Wenyi a atsam hte tau tsun dan mu ai. (Dai lam gaw Hkawseng Klawdi a prat e byin wa sai;)

1 KORINHTU 14:32

Myihtoi shingran ga hpe hkaw tsun lu ai chyeju kumhpa hpe jai lang ai hta, hkaw tsun ai mungga gaw hkaw tsun ai wa hkang ai a npu e rai ra nga ai.

YAKU 1:17

Mai kaja ai hte hkum tsup re ai chyeju kumhpaw kumhpa nlang hte gaw, sumsing nhtoi hkum ni hpan da ai hte ningsin hpe gale galau di nna n kayin shangun ai sumsing lamu e nga ai Karai Kasang kaw na yu wa sai rai nga ai.

2 PETRU 1:21

Hpa majaw nga yang, gara myihtoi ga mung masha a myit ra myit jasat ai hku nna byin pru wa ai n rai; chyoi pra ai wenyi myit shadut ya hkrum ai masha ni gaw Karai Kasang kaw na du ai mungga hpe htawn tsun ma ai.

TARA AGYI 3:10

Dai Madu a wenyi mung shi a ntsa e dung nga ai rai nna shi gaw Israela a ningbaw tai wa nga sai. Otniela majan rawt wu yang, dai Madu gaw Mesopotamia hkawhkam hpe gasat dang kau lu ai awng padang shi hpe jaw wu ai.

1 SAMUELA 10:10

Shawlu hte shi a shangun ma shan gaw Gibea shara e du jang, myihtoi hpung mi hte shi hkrum wu ai. Shaloi Karai Kasang a wenyi gaw shi hpe up hkang let shi mung shanhte a kabu gara ka manawt ai hte jahtau garu ai hta shang lawm wu ai.