BU HKAWM 11:23 - Jinghpaw Common Language Bible 2009

²³ Dai Madu gaw, “Nye a daru magam n-gun hta shadawn shadang nga nga a ni? Ngai tsun sai ga byin na, n byin na gaw kade n na yang nang mu lu na rin dai,” ngu nna htan wu ai.

Jinghpaw Hanson Version Bible

²³ Shaloi Yehowa Mawshe hpe, “Yehowa a lata gadun li ni? nye a ga tup n tup gaw ya nang mu na rin dai,” ngu wu ai.

BU HKAWM 11:23 ပူးပေါင်းရင်းမြစ်များ

NINGPAWT NINGHPANG 18:14

Dai Madu n dang galaw lu ai amu nga nga a ni? Ngai tsun da sai hte maren, ya kaw nna shata jahku du jang, ngai bai du na ring ngai, dai shaloi Sara gaw shadang sha langai mi lu na ra ai,” ngu nna tsun wu ai.

2 HKAWHKAM 4:43

rai ti mung shi mahtang, “Dai gaw masha latsa a matu law na sai ngu nang myit nawn da wu ni?,” ngu nna htan wu ai. Elisha gaw, “Shanhte sha nna loi mi pyi naw ngam na re, nga nna dai Madu tsun ai majaw shanhte sha na matu dai hpe jaw mu,” ngu nna tsun htang wu ai.

2 HKAWHKAM 7:2

Hkawhkam wa a kasa wa gaw Elisha hpe, “Dai Madu shi nan nsi hpe kalang lata jahkrat jaw tim pyi, dai amu gaw byin lu na n rai nga ai!,” ngu nna tsun wu ai. Elisha gaw, “Dai lam byin wa na ra ai lam hpe nang mu na rai ndai; rai ti mung dai lusha hpe nang loi mi mung sha lu na ndai n rai,” ngu nna tsun htang wu ai.

SHAKAWN KUNGDAWN 78:41

Shanhte gaw Karai Kasang hpe lang hte lang chyam yu nna Israela a chyoi pra ai Karai Kasang hpe, myit machyi shangun wu ai.

PRU MAT 6:1

Shaloi dai Madu gaw Mawshe hpe, “Hkawhkam wa hpe ngai kaning di na gaw ya nang mu lu na rin dai. Ngai gaw shi hpe nye a amyu masha ni hpe dat dat shangun na matu shagyeng na we ai. Kaja wa teng teng, shanhte hpe shi a mung kaw nna gawt shapraw kau dat lu hkra ngai shi hpe shadut na we ai,” ngu nna tsun wu ai.

ESAIA 50:2

“Shanhte hpe hkye hkrang la na matu ngai shanhte hpang de sa ai shaloi, nye a amyu masha ni atsin sha nga ma ni? Ngai shaga yang hpa majaw shanhte n htan ma ni? Ngai gaw shanhte hpe hkye la na matu n-gun nau kya la nga a ni? Ngai gaw nye a ga hte panglai hpe hkun hkraw shangun lu ai hte hka nu ni hpe zaibru jang shatai lu nngai, shaloi dai hta rawng ai nga ni gaw hka n lu ai majaw si mat nga ai.

ESAIA 59:1

Dai Madu gaw nang hpe hkye la na matu nau wa n-gun kya ai hte karum la na matu na a shaga ai nsen na la na nau wa na lahpang nga ai ngu, hkum myit nawn myit!

YEREMIA 14:9

Nang gaw hpa majaw mau mak mat ai hte karum la na matu n-gun n rawng ai hpyenla wa zawn tai nga n ta? Kaja wa tsun ga nga yang, Madu e, nang gaw anhte hte rau nga nga ndai! Anhte gaw na a amyu masha ni rai nga ga ai; anhte hpe hkum kau da nga et,’” ngu nna jahtau tsun ma ai.

YEREMIA 32:17

“Tsaw Htum ai Madu e, nang gaw na a daru magam n-gun hte lahpum hpe shada nna ginding aga hte sumsing lamu hpe hpan da nit dai; na a matu hpa mung grai yak la nga ai n rai.

YEREMIA 32:27

“Ngai gaw shinggyim masha yawng a Madu a Karai Kasang rai nga nngai. Nye a matu chyawm gaw hpa mung grai yak nga li ai n rai.

EZEKELA 12:25

Dai Madu ngai nan shanhte hpe tsun na nngai. Ngai tsun ai hte maren dik wa na ra ai. Dai gaw galoi mung aten la, htingnai nga na ra ai n rai. Gumlau chye ai ni e, nanhte asak hkrung nga ai laman, ngai galaw na ngu nna nanhte hpe shadum jahprang da ni ai hte maren ngai shadik na nngai. Ngai nan dai ga hpe tsun ni ai, nga nna Tsaw Htum ai dai Madu nan tsun ai.

EZEKELA 24:14

Dai Madu ngai nan dai ga hpe tsun ni ai. Dai amu galaw shadik na matu, nye a aten gaw du nga sai. Ngai gaw na a yubak mara ni hpe malap kau ya na n rai, n-gaw n wai ai myit madun dan na n rai, matsan dum la na n rai. Nang galaw dan sai arawn alai hte maren ari jaw hkrum na rai ndai.” Tsaw Htum ai dai Madu nan tsun nu ai.

Daniela 6:20

Shi gaw dai shara de du jang, myit tsang ai hte, “Ja e, ahkrung nga ai Karai Kasang a shangun ma Daniela e! Nang sadi grai dung let daw jau ai Karai Kasang gaw hkanghkyi ni kaw na hkye hkrang la lu nga a ni?,” ngu nna jahtau tsun wu ai.

MIHKA 2:7

Israela amyu masha ni gaw dagam dala hkrum nga ma ai ngu nna nang myit lu nga a ni? Dai Madu hta hkam sharang ai myit n rawng mat nu ai kun? Shi gaw dai zawn re ai amu hpe teng teng galaw wa na rai nga a ni? Shi gaw teng man ai amu galaw ai ni hpe matsan dum lama ai myit hte tsun shaga ai n rai ni?,” ngu nna tsun ai.

BU HKAWM 11:22

Shanhte myit dik lu hkra, dumsu, sagu alaw alam sat lu na rai nga a ni? Panglai nga ni yawng mung shanhte a matu law na rai mu ni?,” ngu nna san wu ai.

BU HKAWM 23:19

Karai Kasang gaw masu chye ai masha ni zawn n rai; Shi gaw myit chye galai ai shinggyim masha langai mi n rai. Shi jaw da ai ga sadi amu hpe shi galaw ai; Shi tsun ai hte maren galaw shatup nga ai.

MAHTE 19:26

Yesu shanhte hpe azi mada yu nna, “Masha a atsam hte kadai wa hpe mung hkye hkrang la na matu dang di lu ai n rai; Karai Kasang mahtang gaw yawng mayawng hpe dang di lu nga ai,” ngu wu ai.

MAHTE 24:35

Sumsing lamu hte ginding aga lai mat wa ti mung, nye a ga gaw n lai mat na li ai.

LUKA 1:37

Kaning rai nme law, Karai Kasang n galaw lu ai lam hpa mung n nga ai,” ngu nna htan wu ai.