BU HKAWM 11:16 - Jinghpaw Common Language Bible 2009

¹⁶ Dai Madu gaw Mawshe hpe, “Amyu masha ni a ningbaw hku nna hkap masat da hkrum ai hte hkungga shagrau ging ai marai sanit shi hte hpe jahpawng la nhtawm nye a hpung shingkang shanu nga ai Sum de ngai hpang de woi wa let dai yang e, na a makau hta wa tsap nga na shanhte hpe tsun u.

Jinghpaw Hanson Version Bible

¹⁶ Shaloi Yehowa Mawshe hpe tsun wu ai gaw, “Nang chye ai salang hte amyu masha ni a du gyi ni marai sanit shi hte hpe Israela hta na jahpawng la nhtawm, shawa sum de woi wa nna nang hte rau shatsap tawn ru.

BU HKAWM 11:16 ပူးပေါင်းရင်းမြစ်များ

NINGPAWT NINGHPANG 46:27

Egutu mung e Yosep shaprat ai shadang sha lahkawng mung lawm ai rai yang, Egutu mung de du ai Yaku a amyu matu ni yawng marai sanit shi rai ma ai.

PRU MAT 18:25

atsam ningja rawng ai masha ni hpe Israela amyu masha ni yawng kaw na lata la wu ai. Dai ni hpe hkying mi a ningbaw, latsa a ningbaw, manga shi a ningbaw hte shi a ningbaw ni ngu nna san da wu ai.

PRU MAT 24:1

Dai Madu gaw Mawshe hpe, “Nang hte Arun, Nadab, Abihu hte hte Israela ningbaw marai sanit shi, ngai nga ai bum de lung wa marit. Nanhte gaw tsan tsan e dingnyawm nawku nga mu.

PRU MAT 24:9

Mawshe, Arun, Nadab, Abihu hte Israela ningbaw sanit shi hte gaw bum de lung wa ma ai rai nna

PRU MAT 4:29

Dai rai nna Mawshe yan Arun gaw Egutu mung de sa nhtawm Israela ningbaw ni yawng hpe jahpawng shinggyin da ma ai.

YEREMIA 19:1

Dai Madu gaw ngai hpe ga namtau langai sa mari la na matu tsun wu ai. Shi gaw amyu masha ni kaw na salang nkau mi hte asak kaba sai hkinjawng nkau mi hte hpawn,

EZEKELA 8:11

Dai shara hta Israela ningbaw marai sanit shi hte hpawn Shahpan a kasha Yazania ni nga nga ma ai. Shanhte langai hte langai gaw manam pyaw ai baw nat nawng ya ai ban ni lang da nna dai ban kaw na wan hkut ni mawng lung wa nga ai.

BU HKAWM 11:24

Dai rai nna Mawshe pru sa wa nhtawm amyu masha ni hpe dai Madu a ga htawn tsun wu ai. Amyu masha ni a ningbaw sanit shi hpe mung jahpawng la nna, dai Sum grup grup hta woi tawn da wu ai.

BU HKAWM 16:25

Dai hpang Mawshe kaw Israela ningbaw ni hkan nang nhtawm Dahtan yan Abiram hpang de sa du ma ai.

LUKA 10:1

Dai hpang, dai Madu gaw, sape kaga marai sanit shi lahkawng hpe lata san da nna, marai lahkawng yep yep di nhtawm, shi nan sa wa magang nga ai mare hte shara shagu de, shi a shawng e shangun dat wu ai.

LUKA 10:17

Dai sape marai sanit shi lahkawng hte gaw, nachying kabu gara ai myit hte bai du wa nna, “Madu e, na a mying hte daru dat yang, nat ni pyi anhte a ga madat ma ai,” ngu mu ai.

TARA JAHPRANG 1:15

Dai rai nna nanhte a amyu bawsang ni kaw na lata da sai dai hpaji byeng-ya rawng nna mahkrum madup nga ai ningbaw ni hpe ngai woi la nhtawm nanhte hpe hpareng na shanhte hpe ngai dang da ya mase ai. Dai re ai majaw masha nkau mi gaw masha hkying mi, nkau mi masha latsa, nkau mi manga shi, nkau mi masha shi di nna up hkang na lit lu nga ma ai. Ngai gaw kaga du salang ni hpe mung amyu bawsang hku hkan nna san tawn da ni ai.

TARA JAHPRANG 16:18

“Dai Madu nanhte a Karai Kasang nanhte hpe jaw ai mare shagu hta tara agyi ni hte kaga du salang ni hpe san tawn na rai myit dai. Dai masha ni gaw amyu masha ni hpe myi man n lata ai sha, tara jeyang na rai ma ai.

TARA JAHPRANG 31:28

Nanhte a amyu bawsang ni yawng hte seng ai ningbaw ni hte du salang ni yawng hpe nye a man e jahpawng tawn mu; shaloi ndai ga ni shanhte hpe tsun dan lu n-ga, shanhte a matu nye a sakse tai na, sumsing lamu hte ginding aga hpe ngai shatai na we ai.