BU HKAWM 11:15 - Jinghpaw Common Language Bible 2009

¹⁵ Ngai hpe ndai zawn di na rai yang, matsan dum la ai hku nna ngai hpe sat kau et; na a gumshem ai hpe ngai matut nna loi mi mung n hkam jan lu na we ai,” ngu nna tsun wu ai.

Jinghpaw Hanson Version Bible

¹⁵ Ngai hpe ndai hku she di na rai yang mung, na a man e myi man pa nngai rai yang mung, nye a ruyak hpe ngai n dum n ga, ngai hpe sat kau e,” ngu nna tsun wu ai.

BU HKAWM 11:15 ပူးပေါင်းရင်းမြစ်များ

1 HKAWHKAM 19:4

Elia mahtang nam mali kata de lani mi tup hkawm shang mat wa wu ai. Shi hkring nna hpun langai a shingnip hta dung nga let, shi si mayu nu ai hpe hpyi nga wu ai. Shi gaw, “Madu e, dai gaw nau wa rai la sai, nye asak hpe dawm la ya ni; ngai gaw si na mung rai nga nngai!,” ngu nna hpyi tsun wu ai.

YOBA 7:15

hkum hkrang hta nchyi nmu rai hkam sha nga na hta, du manat sat kau hkrum na hpe ngai grau ra sharawng nngai.

PRU MAT 32:32

Dai rai nna shanhte a yubak hpe chyeju hte raw dat kau ya u; rai ti mung nang n dat ya mayu ai rai yang chyawm gaw na a amyu masha ni a mying ni hpe nang ka da ai laika kaw na nye a mying hpe shaprai kau ya e law,” ngu nna tsun wu ai.

YEREMIA 15:18

Ngai gaw hpa majaw nni nkri tut nawng hkrum sha nga nngai kun? Nye a nma ni hpa majaw n tsi lu nga a ni? Shanhte hpa majaw n shamai ya ma ni? Ginhtawng ta hta hkyet mat ai hka shi zawn ngai hpe myit shadaw jahten na matu, nang yaw shada n ni?,” ngu nna tsun ni ai.

YEREMIA 20:18

Ngai hpa majaw shangai wa nga a ta? Ru tsang hte yawn hkyen ai chyu sha hkrum let kaya hkrum ai hte nye a aprat jahtum kau na matu rai nga a ni?

YONA 4:3

Ya chyawm gaw, Madu e, ngai hkrung nga na hta si mat na mahtang grau kaja nga ai rai nna nye a asak dawm la kau ya rit law,” ngu nna hpyi tsun wu ai.

ZEHPANI 3:15

Dai Madu gaw nanhte a ari ahpri hpe jahkring kau nna nanhte a gumlau hpyen ni yawng hpe la kau ya na ra ai. Dai Madu Israela a hkawhkam gaw nanhte hte rau anga nga ai; Dai shara hta ya kaw nna hkrit tsang shara hpa mung nga na n rai.

YAKU 1:4

Nanhte gaw hpa lam hta mung ra rawng ai lam n nga nna hpring tsup nga myit ga, nanhte a hkam sharang ai myit hpe jahtum du hkra ngang grin nga shangun u.