BU HKAWM 11:13 - Jinghpaw Common Language Bible 2009

¹³ Ndai amyu masha ni yawng a matu ashan hpe gara shara kaw na ngai alaw alam lu la lu na rai nga a ta? Shanhte gaw aput let ngai kaw ashan hpyi ma ai.

Jinghpaw Hanson Version Bible

¹³ Ndai ni nlang hpe jaw sha na shan, ngai kanang na lu la na rai ta? Shanhte gaw, “Anhte sha na shan, jaw mi,” nga nna hkrap let ngai kaw hpyi nga ma ai.

BU HKAWM 11:13 ပူးပေါင်းရင်းမြစ်များ

2 HKAWHKAM 4:43

rai ti mung shi mahtang, “Dai gaw masha latsa a matu law na sai ngu nang myit nawn da wu ni?,” ngu nna htan wu ai. Elisha gaw, “Shanhte sha nna loi mi pyi naw ngam na re, nga nna dai Madu tsun ai majaw shanhte sha na matu dai hpe jaw mu,” ngu nna tsun htang wu ai.

2 HKAWHKAM 7:2

Hkawhkam wa a kasa wa gaw Elisha hpe, “Dai Madu shi nan nsi hpe kalang lata jahkrat jaw tim pyi, dai amu gaw byin lu na n rai nga ai!,” ngu nna tsun wu ai. Elisha gaw, “Dai lam byin wa na ra ai lam hpe nang mu na rai ndai; rai ti mung dai lusha hpe nang loi mi mung sha lu na ndai n rai,” ngu nna tsun htang wu ai.

BU HKAWM 11:20

nanhte a ladi hta manam hkying nna ajin anang nga mat hkra shata mi tup sha lu na rai myit dai. Ya nang e nanhte hte rau nga nga ai dai Madu hpe nanhte ningdang kau myit nhtawm Egutu mung kaw na nanhte galoi mung n pru wa na rai sahka nga nna shi hpe aput angun myit dai majaw ndai lam byin wa na rai nga ai,’” ngu nna tsun mu ai.

BU HKAWM 11:21

Mawshe gaw dai Madu hpe, “Amyu masha 600,000 hte hpe nang e, ya ngai woi awn nga nngai; nang shanhte hpe shata mi a matu shan alaw alam jaw na ngu nna tsun ai n rai ni?

BU HKAWM 11:22

Shanhte myit dik lu hkra, dumsu, sagu alaw alam sat lu na rai nga a ni? Panglai nga ni yawng mung shanhte a matu law na rai mu ni?,” ngu nna san wu ai.

MAHTE 15:33

Sape ni mahtang, “Ndai daram wa law la ai shawa masha ni hpe daw jaw na matu shahpa law hkra ndai nam mali hta e kanang na lu la na ga ta?,” ngu nna shi hpe tsun mu ai.

MARKU 8:4

Shi a sape ni gaw, “Ndai nam mali hta e, ndai masha ni yawng hte hpe daw jaw na law hkra re ai sha hpa kadai wa kanang na sa tam lu na rai nga a ta?,” ngu nna shi hpe san mu ai.

MARKU 9:23

Yesu gaw, “Nang rai lu n yang gaw! ngu nna hpa majaw tsun n ta? Kam sham ai myit rawng ai wa a matu, n byin mai ai lam hpa mung n nga ai,” ngu nna tsun wu ai.