BU HKAWM 10:36 - Jinghpaw Common Language Bible 2009

³⁶ Dai Sumpu hkring na rai jang, shi gaw, “Madu e, Israela dinghku masha hkying mun nga ai shara de nhtang wa rit law,” ngu nna tsun na wu ai.

Jinghpaw Hanson Version Bible

³⁶ Bai dai sumpu sa nga ai rai jang, shi gaw, “Yehowa e, Israela masha hkying mun nga ai de nhtang wa rit law,” ngu nna tsun tsun rai wu ai.

BU HKAWM 10:36 ပူးပေါင်းရင်းမြစ်များ

NINGPAWT NINGHPANG 24:60

Shanhte mung Rebeka hpe ning nga ai ga ni hte shaman ya mu ai: “Anhte a kajan e, nang gaw masha mun mun sen sen ni a kanu tai wa nit ga law! Na a amyu matu ni mung shanhte a gumlau hpyen ni shanu ai mare ni hpe madu la lu mu ga law!”

SHAKAWN KUNGDAWN 132:8

Madu e, na a daru magam n-gun a kumla rai nga ai Sakse Sumpu nga ai Nawku Htingnu de sa wa nna; dai shara hta htani htana shanu nga u.

ESAIA 63:17

Anhte hpe na a lam ni kaw na hpa majaw shayit kau nga n ta? Anhte nang kaw na kayin mat wa hkra, anhte hpe hpa majaw du shaja ya nga n ta? Nang hpe daw jau nga ai ni a matu, na a matu tut nawng rai nga ai amyu masha ni a matu, bai wa rit.

TARA JAHPRANG 1:10

Dai Madu anhte a Karai Kasang mung nanhte hpe lamu na shagan ni zawn law htam shangun manit dai.