BU HKAWM 10:35 - Jinghpaw Common Language Bible 2009

³⁵ Dai Ga Shaka Sumpu rawt pru wa na rai jang, Mawshe gaw, “Madu e, rawt u, na a gumlau hpyen ni hpe shabra kau nna nang hpe n dawng ai ni hpe jahtaw kau u law!,” ngu nna tsun wu ai.

Jinghpaw Hanson Version Bible

³⁵ Ya dai sumpu sa wa jang Mawshe gaw, “Yehowa e, rawt u, nang hpe hpyen ai ni poi mat mu ga law; Nang hpe n dawng ai ni na a man e htaw mat mu ga law,” ngu nna tsun tsun rai wu ai.

BU HKAWM 10:35 ပူးပေါင်းရင်းမြစ်များ

SHAKAWN KUNGDAWN 132:8

Madu e, na a daru magam n-gun a kumla rai nga ai Sakse Sumpu nga ai Nawku Htingnu de sa wa nna; dai shara hta htani htana shanu nga u.

SHAKAWN KUNGDAWN 3:8

Awng padang gaw Madu kaw nna rai nga ai- Shi gaw shi a amyu masha ni a ntsa e, shaman ya nga u ga law.

SHAKAWN KUNGDAWN 9:19

Madu e, sa rit! Kadai hpe mung nang hpe hkum ninghkap shangun et! Tara maigan ni hpe na a man de woi sa nna, shanhte a ntsa e tara jeyang daw dan ai ga tsun ya u.

SHAKAWN KUNGDAWN 94:16

Kadai wa gaw nye a maga de tsap nna, tara n lang ai masha ni hpe gumlang yu nga a ni? Kadai wa gaw nye a maga de nga nna, n hkru ai amu galaw ai ni hpe ninghkap yu nga a ni?

ESAIA 51:9

Madu e, rawt u, anhte hpe karum la mi! Na a daru magam n-gun lang nna, anhte hpe hkye la mi; dai hpe moi chyaloi nhkoi prat ni hta nang lang ai zawn lang u. Dai daru magam n-gun hte nang gaw panglai numraw Rahab hpe kahtum kadaw di azat kau nga ndai.

TARA JAHPRANG 32:41

tu ala ai nye a nhtu hpe ngai galaw garang nna, teng man rap ra ai amu galaw nga sai hpe mu na mara ai. Nye a gumlau hpyen ni hpe ngai matai htang nna, ngai hpe n ju n dawng ai ni hpe ari jaw na mawe ai.

TARA JAHPRANG 7:10

rai ti mung shi hpe n dawng n yawt ai ni hpe chyawm gaw dai shaloi jang ari jaw na rai wu ai.

1 SAMUELA 4:3

Naw hkrung nga ai ni dap de nhtang wa shajang yang, Israela ningbaw ni gaw, “Dai ni na nhtoi hta dai Madu gaw hpa majaw Hpilisti masha ni hpe dang kau shangun ai kun? Shi anhte hte rau sa nna gumlau hpyen ni a lata kaw na anhte hpe hkye la mi ga, Shilo mare na dai Madu a Ga Shaka Sumpu hpe wa la saga,” ngu nna tsun ma ai.