BU HKAWM 10:33 - Jinghpaw Common Language Bible 2009

³³ Amyu masha ni dai chyoi pra ai Sina Bum kaw nna pru wa nhtawm masum ya lam hkawm ma ai. Dai Madu a Ga Shaka Sumpu mung shanhte but na shara tam let, shanhte a shawng e galoi mung sa wa nga ai.

Jinghpaw Hanson Version Bible

³³ Shing rai shanhte gaw Yehowa a bum na pru nna, masum ya sat ai kaw du hkra hkawm sa wa ma ai: dai masum ya sat ai lam hta sa wa nga yang, Yehowa a sakse sumpu gaw shanhte but na shara tam let, shanhte a shawng e sa wa nga ai,

BU HKAWM 10:33 ပူးပေါင်းရင်းမြစ်များ

SHAKAWN KUNGDAWN 95:11

Ngai pawt sindawng nga nngai hte, ‘Nanhte myit sim myit sa hte nga lu na matu, ngai lajang da ya ai mungdan de, galoi mung shang sha lu na ra ai n rai,’” ngu nna dagam shaka da nngai.

PRU MAT 19:3

Mawshe chyawm gaw Karai Kasang hte hkrum na nga, bum de lung mat wa wu ai. Dai Madu gaw bum kaw na shi hpe shaga nhtawm, Yaku a matu mara dai Israela ni hpe ning ngu tsun na matu tsun wu ai:

PRU MAT 3:1

Lana mi na nhtoi hta, Mawshe gaw shi a katsa Midian hkinjawng Yehtru a sagu bainam ni hpe rem nga yang, shi gaw dai yam nga hpung ni hpe zaibru jang kaw nna gawt shalai nhtawm Sina ngu ai chyoi pra ai bum de sa wa wu ai.

ESAIA 11:10

Dawi a hkawhkam aru asai kaw nna hkawhkam nnan gaw masha amyu baw ni a matu masat kumla tai na ra ai nhtoi gaw du wa nga ai. Shanhte gaw shi a hkawhkam htingnu mare hta zup hpawng nna shi hpe shagrau sha-a na mara ai.

ESAIA 28:12

Shi gaw nanhte yawng hpe ban sa lam hte shalan shabran ai lam jaw ya nu ai, rai ti mung nanhte gaw shi a ga madat na matu ningdang kau myit dai.

ESAIA 66:1

Dai Madu gaw, “Sumsing lamu gaw nye a tingnyang, ginding aga gaw nye a lagaw kabye lahkum rai nga ai. Dai rai yang, nye a matu kaning re ai nta nang galaw lu nga n ta? Nye a matu shanu nga na shara kaning re ai mi rai nga a ta?

YEREMIA 3:16

Dai hpang, nanhte gaw dai mungdan hta law htam wa myit dai shaloi, amyu masha ni gaw nye a Ga Shaka Sumpu hte seng ai lam galoi mung tsun na mara ai n rai. Shanhte gaw de a lam hte seng nna mung, dai hpe adum nga na matu mung, galoi mung myit yu na mara ai n rai; shanhte gaw dai hpe pyi ra na n rai, shanhte gaw kaga langai mi hpe mung galaw na mara ai n rai.

YEREMIA 31:2

Si hkrung si htan kaw na lawt wa ai amyu masha ni hpe nam mali e matsan dum la ai lam ngai madun dan ni ai. Israela amyu masha ni ban sa la na matu marit nga ma ai shaloi,

YEREMIA 6:16

Dai Madu gaw shi a amyu masha ni hpe, “Lam numshe hkan e tsap nga nna yu yu mu. Lam dingsa ni hte kaja htum ai lam hpe san mu; shing rai dai lam hta hkawm sa mu, shaloi nang gaw myit masin sim sa ai hte nga lu na rai ndai,” ngu nna tsun ni ai. Rai ti mung, shanhte gaw, “N rai law, anhte n hkan na ga ai!,” ngu nna tsun ma ai.

EZEKELA 20:6

Dai gaw ngai shanhte hpe Egutu mung kaw nna shapraw la nhtawm mungdan yawng hta grau kaja htum nna ngamu ngamai ai sut hte ningru ningja ai mung ngu ai shanhte a matu ngai san da ai mung de woi wa na lam, ga shaka tawn da ni ai.

BU HKAWM 10:12

Israela amyu masha ni Sina Nam Mali kata kaw na bu htawt hpang wa ma ai. Dai sumwi chyawm gaw Paran Nam Mali e jung nga ai.

TARA JAHPRANG 31:26

dai Madu nanhte a Karai Kasang a Ga Shaka Sumpu makau e tawn da mu; dai gaw shi a amyu masha ni a matu sakse tai nga na ra ai.

TARA JAHPRANG 9:9

Dai Madu nanhte hte tawn da ai ga shaka ka da ai lungpa wa la na matu bum de ngai lung wa ai shaloi dai yang e nhtoi mali shi ya, mali shi na, shat n sha, hka n lu ai sha wa nga nga nngai.

HEBRE 13:20

Shi a asak hpe nawng ya kau nna si hkam ai hte htani htana ga shaka hpe dazik dawk da sai majaw sagu ni a Sagu Rem Wa Kaba ngu ai anhte a Madu Yesu hpe Karai Kasang gaw si ai kaw na bai jahkrung sharawt la nu ai.

YAWSHU 4:7

nanhte gaw shanhte hpe dai Madu a Ga Shaka Sumpu hka rap sa wa yang, dai Yawdan hka mahtang lwi nga ai kaw na hkring mat ai rai nga ai, ngu nna tsun dan na rai myit dai. Dai nlung ni gaw ndai shara e Israela amyu masha ni hpa byin lai wa sai lam hpe myit dum shangun na matu rai nga ai,” ngu nna tsun na rai myit dai.

TARA AGYI 20:27

Dai nhtoi ni hta Behtela mare dai yang e Karai Kasang a Ga Shaka Sumpu nga nga ai rai nna, Arun a kashu, Eleaza a kasha Hpineha gaw dai hpe woi hpareng nga wu ai. Shaloi amyu masha ni gaw dai Madu hpe, “Anhte a kanau Benyamin a amyu matu ni hpe bai pru gasat mai na kun, shing n rai n mai na ga ai kun?,” ngu nna san ma ai. Dai Madu gaw, “Gasat mu. Hpawt de ngai nanhte hpe awng padang jaw ya na made ai,” ngu nna htan wu ai.

1 SAMUELA 4:3

Naw hkrung nga ai ni dap de nhtang wa shajang yang, Israela ningbaw ni gaw, “Dai ni na nhtoi hta dai Madu gaw hpa majaw Hpilisti masha ni hpe dang kau shangun ai kun? Shi anhte hte rau sa nna gumlau hpyen ni a lata kaw na anhte hpe hkye la mi ga, Shilo mare na dai Madu a Ga Shaka Sumpu hpe wa la saga,” ngu nna tsun ma ai.