BU HKAWM 10:32 - Jinghpaw Common Language Bible 2009

³² Nang anhte hte rau sa ndai rai yang gaw dai Madu anhte hpe jaw ya ai shaman chyeju yawng hta na nang hpe karan jaw na ga ai,” ngu nna tsun wu ai.

Jinghpaw Hanson Version Bible

³² shing rai nang anhte hte rau sa n yang gaw, Yehowa anhte hpe chyeju jaw ai hte maren, nang hpe mung anhte gaja wa chyeju jaw na ga ai,” ngu wu ai.

BU HKAWM 10:32 ပူးပေါင်းရင်းမြစ်များ

TARA JAHPRANG 10:18

Shi gaw jahkrai nmai, gaida gaina ni hpe rap ra ai hku daw dan ya nna, anhte a amyu masha ni kaw hkan nga ai maigan masha ni hpe tsaw ra ai majaw lusha hte hpun palawng ni hpe jaw ya wu ai.

1 YAWHAN 1:3

Anhte gaw Kawa Karai Kasang hte mung, Kasha Yesu Hkristu hte mung, kanawn mazum nga ga ai rai nna nanhte mung anhte hte rau kanawn mazum lu myit ga, anhte mu yu na yu sai lam nanhte hpe anhte tsun ndau dan ga ai.

TARA AGYI 1:16

Mawshe a katsa a matu mara rai nga ai Keni masha ni mung Yuda amyu matu ni hte rau Yerihko ngu ai Namhtan hpun mare kaw nna Arad shara a dingda maga na Yuda nam mali de sa nhtawm, dai yang e nga ai Amalek masha ni hte rau nga nga ma ai.

TARA AGYI 4:11

Dai aten hta Mawshe a kahkau Hoba a amyu matu hta na Keni masha Hebera gaw Keni masha gale hte hka nna Kedesha makau na Zananim shara na wamyi hpun nhpang e sum gap nna nga nga sai.

1 SAMUELA 14:6

Yonahtan gaw shabrang wa hpe, “N kam n sham ai Hpilisti masha ni a dap de rap sa wa yu ga. Dai Madu an hpe karum la na ra ai; shi rai nna, an hpe awng padang jaw ya ai rai yang, an hta masha n law ti mung, an hpe hkum shadang lu ai lam hpa mung nga lu ai n rai.