BU HKAWM 1:50 - Jinghpaw Common Language Bible 2009

⁵⁰ Shing di na malai, nye a hpung shingkang shanu nga ai Sum hte dai hte seng ai arung arai ni yawng hte seng ai amu hta Lewi masha ni hpe hpareng shangun na rai ndai. Shanhte gaw dai Sum hte de a arung arai ni yawng hpe hpai nna dai hta daw jau ai amu gun let Sum a grup yin hta shanhte a dap dabang hpe gap nna but nga na rai ma ai.

Jinghpaw Hanson Version Bible

⁵⁰ Lewi masha ni hpe dai sakse sum, de a arai ni hte dai hte seng maseng yawng a ntsa e san tawn da mu: shanhte gaw dai sum hte sum rai yawng hpai na rai ma ai: dai hta jaw jau ai amu shanhte gun hpai nna, dai sum a grup yin e but na rai ma ai.

BU HKAWM 1:50 ပူးပေါင်းရင်းမြစ်များ

2 HKAWHKAM LABAU 24:6

Shi gaw shanhte a ningbaw rai nga ai Yehoiada hpe shaga la nhtawm, “Dai Madu a hpung shingkang shanu nga ai Sum hpe madi shadaw karum jaw na matu dai Madu a shangun ma Mawshe gaw amyu masha ni kaw hpyi ai ahkun hkanse, Yuda hte Yerusalem masha ni kaw na Lewi masha ni lahkawn shinggyin la na lam nang hpa majaw n shadut wu ni?,” ngu nna lajin wu ai.

NEHEMIA 12:22

Ndai Hkinjawng Kaba ni a prat hta Lewi hte hkinjawng dinghku ni a ningbaw ni a lam ka mazing da ai jahpan rai nga ai, dai Hkinjawng Kaba ni gaw Eliashib, Yoiada, Yonahtan, hte Yadua hte rai ma ai. Ndai jahpan hpe Persi mung e Dari hkawseng naw galaw nga yang shangut da nga masai.

NEHEMIA 12:47

Zerubabela a aten hta mung, Nehemia a aten hta mung, Israela amyu masha ni yawng gaw Nawku Htingnu mahkawn mangoi ai ni hte Nawku Htingnu sin ai ni hpe shani shagu kumhpa jaw ya let madi shadaw ma ai. Amyu masha ni gaw Lewi masha ni hpe chyoi pra ai hkungga langai jaw ma ai. Lewi masha ni mung hkinjawng ni hpe san da ai hkambum jaw ya ma ai.

NEHEMIA 13:22

Ngai gaw Lewi masha ni shanhte hkum jasan jaseng na matu mung, Bansa Nhtoi hpe teng teng chyoi pra nga na matu mung chyinghka ni hpe sin na matu mung, hkang da se ai. O Karai Kasang, ndai lam a majaw ngai hpe dum nga e law, na a galu kaba ai tsaw ra myit a majaw ngai hpe matsan dum la e law.

NEHEMIA 13:5

Shi gaw Tobia hpe Nawku Htingnu hta lang ai nsi naisi hkungga, manam pyaw ai baw hte arung arai hpe mung, hkinjawng ni a matu hkungga ni hpe mung, Lewi masha ni, Nawku Htingnu na mahkawn mangoi chye ai ni hte Nawku Htingnu sin ai ni hpe jaw ya ai htam shi hta na htam mi re ai nai mam nsi naisi, sabyi ntsin hte tsanlun sau re ai ni hpe tawn da na matu shatawng shada da ai gawk kaba langai mi lang na ahkang jaw ya wu ai.

SHAKAWN KUNGDAWN 122:4

Ndai mare gaw shi a hkang da ai mungga nga ai hte maren, dai Madu hpe chyeju shakawn kungdawn na matu, amyu baw ni, Israela amyu bawsang ni sa zup ai shara rai nga ai.

PRU MAT 31:18

Karai Kasang gaw Sina Bum ntsa e Mawshe hte ga shaga ngut jang, Karai Kasang shi nan ka ai hkang da ai ga kap ai lungpa lahkawng shi hpe ap dat ya wu ai.

PRU MAT 38:21

Ndai gaw tara kanu shi hpe ka tawn ai lungpa lahkawng hpe tawn da ai dai Madu a hpung shingkang shanu nga ai Sum hta lang na nhprang rai ni a jahpan rai nga ai. Dai jahpan hpe Mawshe hkang da nna, hkinjawng Arun a kasha Ihtama matsun ai hku Lewi masha ni galaw na amu rai nga ai.

BU HKAWM 1:53

Rai ti mung Lewi masha ni gaw Sum a grup yin hkan e but nga nna dai hpe makawp maga na rai ma ai. Dai shara de kadai mung n shani sa lu mu ga, Israela shawa hpung ting mung nye a myit masin hpe pawt shangun nna adup ai kaw n du u ga,” ngu nna tsun wu ai.

BU HKAWM 10:21

Dai hpang Lewi amyu Kohat a lakung lama ni chyoi pra ai arai ni hpe hpai nna rawt sa wa na rai ma ai. Shanhte wa de na dabang de du jang Sum hpe bai sharawt da na rai ma ai.

BU HKAWM 17:7

Dai hpang Mawshe gaw Sum kata na dai Madu a Ga Shaka Sumpu a man e dai dawhkrawng ni yawng tawn da wu ai.

BU HKAWM 18:5

Nang hte na a shadang sha ni chyu sha Chyoi Pra ai Shara hte tawn hkungri hte seng ai amu bungli ni galaw gun hpai lu na rai myit dai; shaloi Israela amyu masha ni hpe pawt sindawng ai lam bai pru wa lu na ra ai n rai.

BU HKAWM 2:17

Dai hpang, shawng na hpung lahkawng hte hpang e hkan ai hpung lahkawng a lapran hta Sum hpai ai Lewi amyu ni hkan ma ai. Shanhte gaw dabang but yang na zawn hpung shagu gaw tinang nang a dawnghkawn npu hta hkan sa na rai ma ai.

BU HKAWM 20:11

Dai hpang Mawshe gaw dawhkrawng sharawt nna dai lunghkrung hpe lahkawng lang kayat dat wu ai hte hka shi kaba langai kahpawk pru wa nhtawm amyu masha ni yawng hte yam nga ni hka lu lu ma ai.

BU HKAWM 4:15

But de nga ai dabang hpe run hpya kau na aten du ai shaloi, Kohat a lakung lama ni mahtang Arun hte shi a shadang sha ni magap da ngut sai dai chyoi pra ai arai ni hte de a arai ni yawng hpe shang hpai la na rai ma ai. Kohat a lakung lama ni dai chyoi pra ai arai ni hpe hkra lu na ma ai n rai; dai hku n rai yang, shanhte si na rai ma ai. Dai hte gaw Sum htawt shagu Kohat a lakung lama ni gun hpai ang ai amu ni rai nga ai.

BU HKAWM 4:3

Lewi amyu Kohat a lakung lama ni a yuptung jahpan hpe lajang da na tsun wu ai.

BU HKAWM 8:19

Israela amyu masha ni a matu Sum kata hta amu gun hpai na mung, shanhte dai Chyoi Pra ai Shara de sit sa wa yang, ari n hkrum mu ga, ru yak tsin-yam tsindam kaw na shanhte hpe makawp maga la na matu mung, Israela masha ni hta na Lewi masha ni hpe Arun hte shi a shadang sha ni hpe kumhpa langai hku ngai ap ya we ai,” ngu nna tsun wu ai.

BU HKAWM 8:20

Dai majaw dai Madu Mawshe hpe hkang da nu ai hte maren, Mawshe yan Arun hte Israela amyu masha ni yawng Lewi masha ni hpe ap nawng da ma ai.

BU HKAWM 8:22

Lewi masha ni hte seng nna dai Madu Mawshe hpe hkang da nu ai hte maren, amyu masha ni a lam shagu hpe hkan galaw ma ai. Dai rai nna Arun hte shi a shadang sha ni woi hpareng ai npu hta Sum kata e amu gun hpai na matu Lewi masha ni hta atsam marai hpring nga ma ai.

SHINGRAN 15:5

Dai hpang, sumsing lamu na sakse sum nga ai nawku htingnu hpaw nga ai hpe ngai mu nngai.