2 TIMOHTI 4:8 - Jinghpaw Common Language Bible 2009

⁸ Ya kaw nna ding hpring ai tara agyi ngu ai dai Madu gaw, tara jeyang ai Nhtoi hta ngai hpe jaw na rai nga ai dai ding hpring ai asak hkrung lam hte seng ai awng padang janmau hpe nye a matu mazing da nu ai. Ngai hpe sha n rai, shi bai du na nhtoi hpe ra sharawng let ala nga ai ni nlang hpe mung ap ya na ra ai.

Jinghpaw Hanson Version Bible

⁸ ya kaw nna, dinghpring ai tara agyi ngu ai, dai Madu gaw, dai nhtoi hta e ngai hpe ap ya na, dinghpring ai hte seng ai ja janmau gaw, nye a matu mazing da nu ai: ngai hpe sha n rai, shi a dan pru ai lam hpe sharawng awng ai ni nlang hte hpe mung, ap ya na ra ai.

2 TIMOHTI 4:8 ပူးပေါင်းရင်းမြစ်များ

NINGPAWT NINGHPANG 18:25

Nang gaw teng teng mara n kap ai ni hpe sat kau na n rai nga ndai. Dai gaw mai byin na n rai! Shing re ai amu hpe nang galaw lu na n rai nga ai. Nang galaw ai rai yang, mara n kap ai ni mung, mara lu ai ni hte rau ari jaw ai hkrum na mu ai. Dai gaw n mai byin ai lam rai nga ai. Ga ntsa ting a tara agyi wa gaw teng man ai hku daw dan na rai wu ai,” ngu nna san wu ai.

SHAKAWN KUNGDAWN 31:19

Nang hpe shagrau sha-a ai ni a matu nang kyem da ya ai kaja ai chyeju ni gaw kade wa mauhpa rai nga a hka! Nang kade wa mai kaja nga ai hpe mung nang hta kam hpa nga ai ni hpe kade sha shim ai hku nang makawp maga ya nga ndai hpe mung masha shagu chye nga ai.

SHAKAWN KUNGDAWN 7:11

Karai Kasang gaw ding hpring ai tara agyi rai nga ai hte tara n lang ai ni hpe tut nawng e, daw dan ya nga ai.

GA SHAGAWP 4:9

Shi gaw na a janmau hte seng ai hpung shingkang tai ya na ra ai,” nga nna tsun ai.

MALAHKI 3:17

“Chyahtum Chyalai N-gun rawng ai dai Madu gaw, “Shanhte gaw nye a amyu masha ni tai na mara ai. Dai amu hpe ngai galaw ai shani hta, shanhte gaw ngai madu ai ni tai wa na mara ai. Kawa gaw shi hpe daw jau ai shadang sha hpe matsan dum ai zawn ngai mung shanhte hpe matsan dum na nngai.

MAHTE 24:36

“Rai ti mung, dai du na ra ai shani hte ahkying hpe chyawm gaw kadai mung n chye lu ai; lamu kasa ni hte Kasha wa pyi dai hpe n chye lu ai; Wa hkrai sha dai hpe chye lu ai.

MAHTE 7:22

Tara daw dan ai nhtoi du ai shaloi, ‘Madu e, Madu e, na a mying hte Karai Kasang a mungga hkaw tsun saga ai hte, na a mying hte nat law law hpe shaden kau nna, na a mying hte mauhpa magam amu law law shachyen saga ai,’ nga nna law law wa ngai hpe tsun na mara ai.

LUKA 10:12

Ngai nanhte hpe tsun made ga, dai Tara Dara ai Nhtoi hta karai kasang gaw Sodom mare hpe dai mare hta grau nna matsan dum ai myit madun na ra ai.

ROMA 2:5

Rai ti mung nang gaw myit ja ai hte myit malai n lu ndai majaw, Karai Kasang a pawt bu nga ai hpe ding man ai hku tara dara ai lam dan pru ai nhtoi e nang gaw grau nna kaba ai ari hkrum lu na rin dai.

ROMA 8:23

Rai ti mung hpan da hkrum ai mungkan sha n rai, Karai Kasang a shawng nnan na chyeju kumhpa rai nga ai Wenyi hpe hkam la sai anhte ni mung Karai Kasang a yin la ai kasha shatai la ai chyeju hte anhte a hkum hkrang ting raw dat hkrum na lam hpe mung ala nga let anhte a kraw kata hta madai nga ga ai.

1 KORINHTU 2:9

Rai ti mung Chyum Laika hta, “Kadai n mu n na yu ai lam, byin na re ai ngu nna kadai n myit hkawn pru ai lam hpe Karai Kasang gaw shi hpe tsaw ra ai ni a matu mara lajang da nga ai,” nga nna ka da nga ai.

1 KORINHTU 3:13

Masha langai hkrai a gaw gap ai kaja ai n kaja ai marai ningja gaw Madu Yesu du sa ai shani e dan dawng wa na ra ai. Hpa majaw nga yang, dai shani e masha langai hte langai a galaw ai bungli hpe shadan dan na ra ai, dai wan gaw langai hte langai galaw ai bungli marai nsam hpe chyam ginhka na ru ai.

1 KORINHTU 9:25

Shingjawng poi shang na matu shaman ai ginsup ninghkrin shagu gaw, ja ai hkan sa tara ni hpe hkan sa shatup ma ai. Dai masha ni shing rai galaw ai gaw hten mat chye ai nampan shanghkawng janmau lu la na matu rai nga ai. Anhte chyawm gaw htani htana n hten n mat chye ai janmau lu la na matu shakut sharang ga ai.

2 KORINHTU 5:2

Ya dai sum hta anhte rawng nga yang, sumsing lamu na nta hpe anhte dagraw la lu na nachying n dawt nga ga ai majaw, anhte madai let nga nga ga ai.

HPILIPI 3:11

Shaloi she ngai gaw si ai ni a bai hkrung rawt na lam hta lawm lu na nngai ngu nna ngai myit mada nga nngai.

KOLOSE 1:5

Dai teng man ai mungga ngu ai Kabu Gara Shiga nanhte kaw shawng du dep sa wa ai shaloi, nanhte gaw dai Kabu Gara Shiga e jaw ya ai myit mada ai lam hpe na yu manit dai. (Dai rai nna nanhte a makam masham hte tsaw ra ai lam gaw sumsing lamu e nanhte a matu kyem da ya ai myit mada ai lam hta npawt jung nga ai.)

1 HTESALONI 1:10

sumsing lamu de na du sa na ra ai Karai Kasang a Kasha hpe ala nga myit dai hpe mung, dai masha ni yawng tsun kajai nga ma ai. Dai Kasha Yesu gaw, si mat ai kaw na Karai Kasang e hkrung sharawt la nna, du na ra ai Karai Kasang a pawt sindawng ai kaw na anhte hpe mawai la ai wa rai nga ai.

1 HTESALONI 5:4

Rai ti mung Hpu nau ni e, nanhte chyawm gaw nsin hta e nga nga ai ni n rai myit dai majaw, dai Madu bai du sa na shani gaw lagut zawn akajawng sha nanhte hpe dep la kau lu na n rai.

2 HTESALONI 2:8

Dai hpang dai N hkru Ai Wa dan pru na ra ai, rai ti mung Madu Yesu du sa ai shaloi N hkru Ai Wa hpe shi a n-gup kaw na pru ai nsa hte sat kau nna, shi a htoi kabrim ai hpung shingkang hte jahten shaza kau na ra ai.

1 TIMOHTI 6:19

Ndai hku nna shanhte gaw hpang na prat a matu ngang kang ai npawt nhpang tai nga u ga, hpu ging ai sutgan shanhte mahkawng da lu nna teng man ai asak hkrung lam majing hpe lu la na mara ai.

2 TIMOHTI 1:10

Rai ti mung ya gaw, anhte a hkye hkrang la ai Madu Hkristu Yesu du sa ai aten e, dai lam anhte hta shadan dan dat mani ai. Shi gaw si hkrung si htan a atsam hpe yeng seng kau nna, dai Kabu Gara Shiga hku nna n si n mat ai asak hkrung lam hpe shadan dan dat nu ai.

2 TIMOHTI 1:12

Dai lam a majaw ndai nni nkri ru yak jam jau ni hpe ngai hkam jan nngai, Rai ti mung nye a kam hpa ai myit gaw ngai hta naw hpring chyat nga ai. Hpa majaw nga yang, ngai kadai wa hpe kam manoi nga nngai gaw ngai chye nga ai hte ngai hpe kam nna nye a lata hta ap tawn da sai dai Kabu Gara Shiga hpe tara jeyang ai Shani Nhtoi du hkra makawp maga mahkyu da ya lu ai n-gun atsam shi hta rawng nga ai ngu nna ngai myit mu myit hkut nga nngai.

2 TIMOHTI 1:18

Madu gaw shi hpe dai tara jeyang ai nhtoi hta matsan dum ai lam jaw ya u ga; Ehpesu mare e shi ngai hpe gade wa karum sai gaw, nang atsawm sha chye nga ndai.

2 TIMOHTI 2:5

Gat shingjawng poi langai mi hta shingjawng ai ginsup ninghkrin langai mi gaw hkan sa tara ni hpe n madat n mara a yang gaw, shagrau kumhpa n lu la lu nga ai.

2 TIMOHTI 4:1

Karai Kasang a man e mung, hkrung nga ai ni hte si ai ni hpe tara jeyang na ra ai Hkristu Yesu a man e mung, shi gaw up hkang na matu Hkawhkam hku nna du sa na ra ai rai nna ngai nang hpe aja awa shadut dat de ai.

TITU 2:13

sari sadang hte si si rai nga na lam, ding hpring nna tara hkungga ai asak hkrung lam hte ndai mungkan hta nga pra na matu mung, dai chyeju tara gaw anhte hpe sharin ya nga ai.

HEBRE 12:11

Anhte daru sharin hkrum ai shaloi kabu hpa n rai nga ai, daru sharin hkrum ai ten hta yawn hpa zawn rai nga ai. Rai ti mung dai gaw htawm hpang e she daru sharin hkam ai a marang e tara hkan ai masha ni tai wa ai hte ding hpring ai asak hkrung lam a ngwi pyaw ai kumhpa hpe shu la shangun nga ai. s Matsun Ai Lam Ni Hte Sadi Jaw Ai Lam Ni

HEBRE 9:28

Dai hte maren Hkristu mung masha law law a yubak mara hpe kalang mi hte ngut hkra gun kau ya na matu shi a hkum hpe hkungga shatai nna nawng kau nu ai. Yubak gun kau ya ai lam hte n seng ai sha shi hpe ala nga ai ni hpe hkye hkrang la na matu lahkawng lang ngu na bai dan pru na ra ai.

YAKU 1:12

Agung alau ai lam ni hkrum yang ngang ngang kang kang sadi dung nga ai wa gaw a lu ai; hpa majaw nga yang dai wa gaw dai zawn re ai chyam dinglik ai lam hpe lai di awng dang kau lu ai shaloi Karai Kasang gaw shi hpe tsaw ra ai ni hpe jaw na nga nna ndat da sai asak hpe shi a shagrau kumhpa hku nna hkam la lu na ru ai.

1 PETRU 1:4

Dai rai nna anhte gaw shi a amyu masha ni a matu Karai Kasang kyem mazing da ai n taw n tsang re ai shaman chyeju ni hpe madu la lu na matu myit mada nga ga ai. Shi gaw n run n hten ai awu asin n re ai n wai n mat ai sali wunli ni hpe sumsing lamu e nanhte a matu kyem mazing da nu ai.

1 PETRU 5:4

Dai Sagu Rem Agyi Kaba Wa dan pru ai shaloi nanhte gaw htoi kabrim ai nsam galoi mung n mat chye ai arawng sadang hte hpring ai janmau lu la na marin dai.

SHINGRAN 1:7

Yu mu! Shi gaw sumwi ni hta jawn nna du sa wa ra ai; Madu hpe nri hte galun baw ai ni hte hpawn masha yawng gaw shi hpe mu lu na mara ai. Dinghta ga na amyu nlang hte gaw, shi a majaw yawn hkyen sharung shayawt na mara ai. Dai hte maren byin wa u ga law!

SHINGRAN 19:11

Dai hpang, sumsing lamu hpaw malang nga ai hpe ngai mu nngai. Dai yang e gumra hpraw langai mi nga nga ai rai nna, dai hta jawn ai wa gaw, kangka hte teng man ngu ai wa rai nga ai. Shi gaw ding hpring ai hku tara dara ai hte majan gasat nga ai.

SHINGRAN 2:10

Nang hkrum magang ra ai nni nkri hpe hkum hkrit et; Yu u: Nanhte hpe chyam yu na matu nat gaw, nanhte hta na nkau mi hpe htawng hta sharen da na ra ai rai nna, nanhte a ru yak nni nkri hkrum ai lam nhtoi shi ya tup na na ra ai. Si hkra ngai hta maju jung nga u, shaloi ngai nang hpe asak janmau jaw na de ai: dai gaw na a awng padang lu ai shabrai rai nga ai.

SHINGRAN 22:20

Ndai lam hte hpe sakse hkam ya ai wa gaw, “Kaja wa rai sai! Ngai alawan du na ring ngai!,” nga ai. Amen. Madu Yesu e yu wa rit law!

SHINGRAN 4:10

dai salang hkun mali mung, tingnyang hta dung nga nna htani htana prat dingsa ahkrung nga ai wa hpe dingnyawm nawku ma ai. Shanhte gaw, dai tingnyang a man e janmau ni hpe raw tawn da nna,

SHINGRAN 4:4

Dai tingnyang a grup yin e, tingnyang hkun mali naw nga nga ai; dai tingnyang ni hta hpraw ai hpun palawng bu hpun nna, ja janmau ni gup ai salang hkun mali grup rai dung nga ma ai.