2 TIMOHTI 4:2 - Jinghpaw Common Language Bible 2009

² Dai mungga hkaw dan na matu, chye na shangun na matu, mara madun nna daru na matu, n-gun jaw na matu, myit galu ai hte sharin shaga na matu, (du hkra ladaw ang ai rai ti mung, n ang ai rai ti mung) a shaja nga u, ngu nna ngai nang hpe shadut jahkat dat de ai.

Jinghpaw Hanson Version Bible

² dai mungga hpe hkaw dan nga u; du hkra ladaw ang ai rai timung, n ang ai rai timung, a shaja nga u; myit galu kaba ai hte, sharin shaga ai hku yawng hkan let, daru jet nga u, yubak madun nga u, shadut jahkat nga u.

2 TIMOHTI 4:2 ပူးပေါင်းရင်းမြစ်များ

SHAKAWN KUNGDAWN 40:9

Madu e, na amyu masha ni yawng a shawa hpawng hta nang anhte hpe hkye hkrang la ai dai kabu gara shiga hpe ngai tsun dan ni ai. Dai hkaw tsun ai lam hpe ngai galoi mung jahkring kau na n rai nga ai hpe nang chye nga ndai.

YONA 3:2

Shi gaw, “Dai kaba la ai Ninewe mare de sa nna, dai masha ni hpe ngai nang hpe jaw da sai mungga hkaw tsun su,” ngu nna tsun wu ai.

LUKA 7:23

Ngai hta myit kataw ai lam n mu ai ni kadai mung a lu nga ai,” ngu nna tsun mu ai.

LUKA 7:4

Dai ni gaw Yesu kaw du ma yang, “Ndai masha gaw nang karum la ai hpe hkam la na hkrak sha ging dan ai wa rai nga ai.

LUKA 9:60

Yesu gaw, “Masha jasi ni gaw tinang a jasi ni hpe makoi mu ga, nang gaw Karai Kasang a Mungdan lam sa hkaw dan su,” ngu nna htan wu ai.

KASA 13:5

Shanhte Salami mare de du ai shaloi, Yuda ni a tara jawng ni hta, Karai Kasang a mungga hkai dan ma ai. Yawhan Marku mung shan a nrum ntau tai nna karum nga ai.

KASA 16:13

Bansa Nhtoi hta mare shinggan de anhte pru sa nna Yuda ni akyu hpyi ai shara langai ngai nga na zawn nawn nna hka kau de sa du ga ai. Dai yang e dung let zuphpawng nga ai numsha ni hpe hkaw tsun dan ga ai.

KASA 20:7

Anhte gaw Laban kru ya shana de kanawn mazum shat sha poi hta shang na matu zuphpawng nga ga ai. Pawlu gaw hpang jahpawt dai mare kaw na pru mat wa na maw ai majaw, shana yup tung tung hkra masha ni hpe sharin shaga nga ai.

KASA 28:16

Ya anhte Roma mare de du jang, Pawlu gaw shi hpe sin ai hpyen ma ni hte rau kaga hkrai rai nga na, ahkang lu la wu ai.

ROMA 10:15

Hkaw tsun na ni hpe n shangun dat yang gaw, shanhte kaning rai hkaw dan lu na ma ta? Dai Chyum Laika hta tsun ai hte maren, “Mai kaja ai lam Kabu Gara Shiga hpe la sa ai ni gaw gade wa mauhpa rai nga malu hka!,”

ROMA 12:12

Myit mada let kabu gara nga mu. Nanhte hkrum hkra na ru yak jam jau lam ni hta hkam sharang nga mu; akyu hpyi ai hta tut e htep lahti rai nga mu.

GALATI 6:6

Dai Hkristu a mungga hpe sharin achyin hkam la ai wa gaw, sharin achyin ya ai sara wa hpe tinang lu mai ai kaja ai ja gumhpraw arung arai yawng hte karum madi shadaw nga u ga.

KOLOSE 1:25

Nanhte a matu mai kaja ai lam galaw u ga, Karai Kasang gaw Hpung a magam gun wa langai mi hku nna ngai hpe san da ai hkrum ni ai. Ngai hpe ap ya da ai lit gaw dai Kabu Gara Shiga hpe ngam da ai lam n nga hkra hkaw tsun na lam rai nga ai.

KOLOSE 4:3

Madu Yesu a sung htum ai mungga a lam hkaw tsun lu na ahkaw ahkang ginshan kaja Karai Kasang anhte hpe jaw u ga, anhte a matu mung akyu ahpyi ya nga mi. Hpa majaw nga yang, Hkristu a sung htum ai mungga hpe hkaw tsun ai a majaw ya e ngai htawng rawng nga nngai.

1 HTESALONI 1:6

Nanhte gaw anhte a kasi ningli hte Madu a kasi ningli hpe len la hkan sa nga myit dai. Nanhte gaw nni nkri ru yak jam jau law law hkrum hkra myit ti mung, dai Kabu Gara Shiga hpe Chyoi Pra ai Wenyi kaw na lu la ai kabu gara sharawng awng ai myit hte hkap la myit dai.

1 HTESALONI 5:14

Bai hpu nau ni e, lagawn ai ni hpe sadi jaw mu, myit kaji ai ni hpe shadaw shalan nga mu, n-gun kya ai ni hpe karum la mu, yawng mayawng a ntsa e hkam sharang nga mu.

1 HTESALONI 5:20

Karai Kasang a Wenyi shung ya ai hte hkaw tsun ai mungga ni hpe n kaw n law hkum rai myit;

1 TIMOHTI 4:13

Ngai sa du ai ten du hkra shawa masha ni a man de Chyum Laika hti dan ai lam, mungga htawn tsun ai lam hte sharin achyin ai lam hpe aten jaw nna atsam dat galaw shakut nga u.

1 TIMOHTI 5:20

Kaga ni hkrit kang mat mu ga, mara galaw ai ni yawng hpe shawa a man e daru sharin kau mu.

2 TIMOHTI 2:21

Marai langai ngai gaw tsun lai wa sai n hkru n kaja ai lam ni yawng hta na tinang hkum hpe jasan kau ai rai yang, shi gaw Madu a lak san shatawng shada ai lam ni hta jai lang ai hkam la na ra ai; hpa majaw nga yang shi gaw, mai kaja ai amu shagu hpe galaw na jin jin rai nga u ga shi Madu a matu akyu rawng lam la ai hta ap nawng da sai wa rai nga ai.

2 TIMOHTI 2:25

Tinang hpe n htan shai ninghkap ai ni hpe shading sharai ai hta sumnung shingdi si mani ai hku galaw ai wa rai ra ai; hpa majaw nga yang, shanhte gaw myit malai lu nna dai teng man ai lam hpe chye na wa na ahkang Karai Kasang shanhte hpe jaw yang jaw na ra ai.

2 TIMOHTI 3:10

Rai ti mung nang chyawm gaw nye a sharin shaga ai lam, nye a lai len hte, nye a asak hkrung lam hta shatawng shada ai lam ni hpe hkan sa nit dai, nye a makam masham nye a myit galu nna hkam sharang ai lam, nye a tsaw ra ai myit, nye a shakut sharang ai lam,

TITU 1:13

Dai sakse ga teng nga ai majaw, shanhte gaw Karai Kasang hpe kaja wa kam sham hkap la chye wa na matu mung,

TITU 2:15

Nang gaw ndai lam ni hpe hkaw tsun sharin shaga u. Nang n-gun jaw shadum shahprang sharin shaga ai shaloi nang lu ai ahkang aya nga manga jai lang u; kadai mung nang hpe n gawn n sawn, n yu kaji mu ga.

HEBRE 13:22

Hpu nau ni e, ndai n-gun jaw shadum jahprang ai ga hpe hkam sharang ai hte madat la na matu ngai nanhte hpe lajin dat made ai; hpa majaw nga yang, ngai nanhte hpang de ka dat ai ndai laika gaw grai wa galu ai n rai.

SHINGRAN 3:19

Ngai gaw ngai tsaw ra ai ni yawng mayawng hpe daru sharin nna ari jaw nga nngai. Dai re ai majaw, nang myit n-gun marai shaja nga u, myit malai lu u.