2 TIMOHTI 4:17 - Jinghpaw Common Language Bible 2009

¹⁷ Rai ti mung Madu gaw ngai hte rau nga nna ngai hpe n-gun lagaw shaja ya nga ai majaw ngai gaw maigan amyu masha ni yawng na lu hkra dai Kabu Gara Shiga hpe hkum hkum tsup tsup hkaw dan lu u ga, sat kau na daw dan hkrum ai kaw na mawai la ai hkrum ni ai.

Jinghpaw Hanson Version Bible

¹⁷ Rai timung, nye a jaw e dai hkaw dan ai ga hpe dan dan hkaw shahproi lu nna, maigan amyu ni yawng na la lu hkra, dai Madu gaw ngai hpang maga de rau tsap nga nna, ngai hpe n-gun shaja ya ai hte, hkanghkyi a n-gup hta na mawai la ai ngai hkrum ni ai.

2 TIMOHTI 4:17 ပူးပေါင်းရင်းမြစ်များ

SHAKAWN KUNGDAWN 109:31

Hpa majaw nga yang, shi gaw matsan mayan wa hpe makawp maga ya nna; shi hpe si na tara daw dan ya ai ni a lata kaw nna hkye hkrang la ai majaw rai nga ai.

SHAKAWN KUNGDAWN 22:21

Ndai hkanghkyi ni kaw na ngai hpe mawai la e; ndai matse labye usu ni a man e, ngai gaw karum la masha n nga ai hte garen gari hkrum nga nngai.

GA SHAGAWP 20:2

Shabam nga ai hkanghkyi hpe zawn masin pawt ai hkawhkam wa hpe hkrit nga u; shi hpe shapawt ai gaw tinang hkum sat si ai lam rai nga ai.

GA SHAGAWP 28:15

N hkru ai mung du wa a man e, matsan mayan masha ni gaw karum la masha n lu nga ma ai; Dai wa gaw, shabam ai hkanghkyi hte lagyim hkawm ai tsap hte maren, hkrit tsang ra ai wa rai nga ai.

ESAIA 41:10

Hkum hkrit et-Ngai nang hte rau rai nga nngai! Ngai gaw na a Karai Kasang rai nga nngai-nang hpe hpa mung n jahkrit shama u ga! Ngai gaw nang hpe n-gun shaja ya ai hte karum la na nngai; Ngai gaw nang hpe makawp maga ai hte hkye la na nngai.

ESAIA 41:14

Dai Madu gaw, “Israela e, nang gaw kaji ai hte n-gun kya nga ndai, hkum hkrit et, ngai nang hpe karum na nngai. Israela a chyoi pra ai Karai Kasang Ngai gaw nang hpe hkye la ai wa rai nga nngai.

YEREMIA 2:30

Ngai nang hpe ari jaw nngai, rai ti mung dai gaw mai kaja lam hpa mung n galaw ya nga ai; nang gaw ngai hpe shading sharai shangun nga ai n rai. N-yun bu ai hkanghkyi langai zawn na a myihtoi ni hpe nang sat kau nit dai.

Daniela 6:22

Karai Kasang gaw hkanghkyi ni a n-gup ni hpe pat kau ya na matu shi a lamu kasa hpe shangun dat wu ai rai nna, ngai hpe machyi shangun lu ai n rai. Madu hkawhkam wa e, ngai gaw hpa mara n kap nga ai hte nang hpe mung n shut kau nngai gaw shi chye nga ai majaw ndai amu hpe shi galaw wu ai,” ngu nna htan wu ai.

Daniela 6:27

Shi gaw hkye hkrang la ai hte hkye mawai la nga ai; shi gaw sumsing lamu hte ginding aga ntsa e mauhpa amu hte lamik kumla ni hpe galaw nga ai. Shi gaw Daniela hpe hkanghkyi ni e kawa sat kau hkrum na kaw na hkye mawai la nga ai.”

MAHTE 10:19

Nanhte hpe ap kau myit dai shaloi, kaning ngu nna, hpa hku tsun lu na hpe hkum tsang myit; dai aten du jang, hpa tsun na gaw, nanhte hpe shadum na marin dai.

LUKA 1:1

Tsaw ra ai Htawhpilu e: Anhte kam sham hkap la nga ai nawku htung a byin lai wa sai npawt nhpang lam ni hpe kaja dik ai hku ka lajang da ai masha law law wa nga masai.

LUKA 21:15

Hpa majaw nga yang, nanhte tsun ai ga hpe nanhte a hpyen ni n lu dangrang, n lu tsun ninghkap hkra kaning ngu tsun na ngu ai ga ni hte nyan hpaji ngai nanhte hpe jaw na made ai.

KASA 23:11

Dai shana Madu gaw shi a makau e tsap pru nna, “Hkum hkrit et, nang nye a lam Yerusalem mare hta sakse hkam nit dai hte maren Roma mare hta mung naw hkam lu na ndai,” ngu tsun wu ai.

KASA 9:15

Rai ti mung Madu gaw, “She sa su, dai wa gaw maigan ni hte Hkawhkam ni a man e mung, Israela amyu masha ni a man e mung, nye a mying hpe hkaw tsun shana ya ai amu gun hpai na matu ngai lata la ai wa rai nga ai.

ROMA 15:31

Ngai gaw Yuda mung na n kam n sham ai ni a hpyen ai kaw na lawt lu u ga hte Yerusalem mare e ngai galaw ai karum madi shadaw ai amu hpe dai kaw nga ai Karai Kasang a masha ni hkap la lu mu ga, akyu hpyi nga mu.

2 KORINHTU 12:9

Rai ti mung Karai Kasang gaw, “Nye a chyeju gaw na a matu ram ging nga ai, hpa majaw nga yang, nang gawng kya ai shaloi nye a n-gun atsam gaw ja dik rai nga ai,” nga nna ngai hpe mahtai jaw ni ai. Dai re ai majaw Hkristu a n-gun atsam gaw ngai hpe makawp maga nna shingbyi shangun nga ai lam myit hta hkam sha lu n ga, nye a gawng kya ai lam a majaw ngai kabu gumrawng n ma rai nga nngai.

EHPESU 3:8

Ngai gaw Karai Kasang a masha ni hta kaji dik ai wa hta pyi grit nem ai wa rai nga nngai; rai ti mung, Karai Kasang gaw Hkristu a chyahtum chyalai re ai ngamu ngamai lam hte seng ai dai Kabu Gara Shiga hpe maigan masha ni hpang de la sa na matu mung,

1 TIMOHTI 1:12

Ngai galaw gun hpai nga ai bungli a matu ngai hpe n-gun lagaw jaw ya ai anhte a Madu Hkristu Yesu hpe ngai chyeju dum shakawn nngai. Shi gaw ngai hpe ging dan ai wa re ai ngu nna sawn la nna shi hpe daw jau na matu san da hkrum ni ai majaw mung shi hpe chyeju dum shakawn nngai.

2 TIMOHTI 2:1

Ngai sha e, na a matu chyawm gaw anhte a Hkristu Yesu hta langai sha tai nna asak hkrung ai a marang e lu la ai chyeju hta n-gun lapyin rawng nga u.

2 TIMOHTI 2:9

Hpa majaw nga yang ngai gaw Kabu Gara Shiga hkaw tsun ai majaw ru tsang hkrum nngai; ru hka hkrum ai bawng langai mi zawn gyit hkang sharen da ai pyi gaw hkrum ni ai. Rai ti mung dai Karai Kasang a mungga chyawm gaw sharen da hkrum ai n rai.

2 TIMOHTI 3:11

nye a zingri zingrat hkrum sha ai lam, nye a nni nkri hkam ai lam, re ai ni hpe maram masam mu chye nit dai. Antioki mare, Ikoni mare, Lustra mare hkan e ngai hta byin hkrum hkra ai hkrithpa zingri zingrat lam ni hte ngai hkam sharang lai wa sai lam hpe nang yawng chye nga ndai. Madu chyawm gaw dai lam ni yawng hta na ngai hpe mawai la ni ai.

2 TIMOHTI 4:5

Nang chyawm gaw hpa baw mabyin masa lam ni hkrum katut wa ti mung na a hkum hpe hkang tawn nna nni nkri hpe hkam sharang u. Dai Kabu Gara Shiga hkaw tsun ai sara amu hpe gun hpai nna, Karai Kasang a shangun ma langai mi hku na a lit nga manga hpe kup tsup hkra gun hpai nga u.

TITU 1:3

Shing rai aten ladaw hkrak jaw ai shaloi dai htani htana asak hpe shi a mungga hta shapraw shadan wu ai. Dai mungga ngai hpe ap ya ni ai rai nna, anhte a hkye hkrang la ai Madu a hkang da ai ga hte maren, dai hpe ngai hkaw tsun nngai.

HEBRE 11:33

Dai ni gaw kam sham ai hte masha mungdan ni hpe gasat nna dang kau lu ma ai, Shanhte gaw ding hpring ai lam hpe hkan sa galaw nna Karai Kasang ga sadi jaw da ai lam hpe hkam la ma ai. Hkanghkyi ni a n-gup ni hpe pat kau lu ma ai.

1 PETRU 5:8

Nanhte htauli htaula rai nga mu! Nanhte a hpyen wa ngu ai Satan gaw, kadai hpe kawa mayu sha kau lu na i? nga nna shabam ai hkanghkyi zawn ningwan hkawm nga ai.

2 PETRU 2:9

Dai re ai majaw Karai Kasang gaw tara hkung ga ai ni hpe shanhte hkrum hkra nga ai chyam dinglik ai lam ni a kata na gara hku mawai la na hte, n hkru n kaja ai ni hpe tara daw dan ai nhtoi du hkra gara hku ari jaw na hpe mung shi chye nga ai.

1 SAMUELA 17:37

Dai Madu gaw ngai hpe hkanghkyi ni hte tsap ni a lata kaw na mung hkye la ni ai; ya ndai Hpilisti masha wa a lata kaw na mung ngai hpe hkye la na ra ai,” ngu nna tsun wu ai. Shaloi Shawlu gaw, “Mai sa, dai rai yang gaw sa su, Dai Madu gaw nang hte rau a nga nga u ga law,” ngu nna htan wu ai.