2 TIMOHTI 4:14 - Jinghpaw Common Language Bible 2009

¹⁴ Janghkam Alexandru gaw ngai hpe n kaja ai law law wa galaw ni ai; shi galaw ai hte maren dai Madu gaw shi hpe bai tai htang jaw na ru ai.

Jinghpaw Hanson Version Bible

¹⁴ Janghkam wa Alesandru gaw ngai hpe n kaja ai law law wa galaw ni ai; shi a arawn alai hte maren dai Madu gaw shi hpe tai htang na ra ai;

2 TIMOHTI 4:14 ပူးပေါင်းရင်းမြစ်များ

2 SAMUELA 3:39

Ngai gaw Karai Kasang e lata san da sai hkawhkam rai nga tim pyi, dai ni ngai gawng kya nga nngai. Ndai Zeruia a kasha ni gaw nye a matu nau wa ja la nga masai. Ndai ru hka amu galaw shapraw ai majaw shanhte hkam la ging ai hte maren dai Madu ari jaw ya u ga law!,” ngu nna tsun wu ai.

SHAKAWN KUNGDAWN 28:4

Shanhte hpa galaw sai lam hte shanhte shut hpyit kau sai n hkru n shawp ai amu a matu, shanhte hpe ari jaw u; shanhte a sat lawat yawng a matu shanhte hpe ari jaw u; shanhte hpe ang ai hte maren tai ya u!

SHAKAWN KUNGDAWN 62:12

O Madu e, nang na masha shagu hte hpe tinang galaw ai amu hte maren, shagrau kumhpa jaw ya nga u law.

YEREMIA 15:15

Dai hpang, ngai gaw, “Madu e, nang chye nga ndai; ngai hpe dum nga e law. Ngai hpe zingri zingrat ai ni hpe ngai matai dawp lu n-ga law. Shanhte ngai hpe sat ai hta awng dang ai hpe grai wa hkum yu sharang nga et. Na a majaw ngai n kaw n law hkrum nga nngai hpe dum nga u.

SHARUNG SHAYAWT 3:64

“O Madu e, shanhte galaw sai amu hte maren, shanhte hpe ari jaw u;

ROMA 12:19

Tsaw ra ai ni e, galoi mung tinang nan matai hkum htang mu, Karai Kasang mahtang she dai matai htang ai lam galaw u ga. Hpa majaw nga yang Chyum Laika hta Karai Kasang gaw, “Ngai matai htang na nngai, mara hte maren ngai htang jaw na nngai,” nga nna ka da nga ai.

ROMA 2:6

Hpa majaw nga yang Karai Kasang gaw langai hte langai hpe, tinang hpa baw galaw sai ngu ai bungli hte maren nhtang jaw na ra ai.

2 HTESALONI 1:6

Karai Kasang gaw tara ding ai lam galaw na ra ai rai nna, nanhte hpe nni nkri hkrum shangun ai ni a ntsa e nni nkri bai htang jaw na ra ai.

1 TIMOHTI 1:20

Shanhte ni hta Satan a lata de ap kau ai hku nna ngai ari jaw ai Humeni hte Alexandru ngu ai yan lawm ma ai. Shing di ai lam gaw, shanhte a masu matsa shatan nhkan ai lam jahkring kau mu ga, sharin ya na matu rai nga ai.

2 TIMOHTI 4:15

Nang nan shi hpe sadi makran nga u; hpa majaw nga yang shi gaw anhte hkaw tsun ai mungga hpe aja awa tsun ninghkap kau ya ai wa rai nga ai.

1 YAWHAN 5:16

Na a kahpu kanau wa langai ngai n si ging ai yubak langai ngai galaw nga ai hpe nang mu hkrup n yang gaw, nang gaw shi a matu mara Karai Kasang kaw akyu hpyi ya mai nga ai. Karai Kasang gaw shi hpe htani htana asak jaw na wu ai. Dai gaw si ging ai yubak mara n galaw ai ni a matu chyu sha hpyi ya na hku rai nga ai. Rai ti mung si ging ai yubak mara ngu ai nga ai rai nna, de a matu Karai Kasang kaw nang hpyi nem mai ai lam ngai n tsun nngai.

SHINGRAN 18:20

Sumsing na ni e, dai mare hten mat ai majaw kabu mu! Karai Kasang a masha ni e, kasa ni hte myihtoi ni e, kabu gara nga mu! Hpa majaw nga yang, nang hpe di ai lam yawng a matu Karai Kasang gaw dai mare hpe tara daw dan nu ai! nga nna tsun ai ngai na nngai.

SHINGRAN 18:6

Shi nanhte hpe di ai hte maren shi hpe bai di htang mu; shi galaw ai lam yawng mayawng hte maren, htam lahkawng bai htang mu; nanhte a matu gawm hta shi kayau lajang ya ai luhpa hta htam lahkawng ja ai hku jahpring ya mu.

SHINGRAN 6:10

Dai Wenyi ni gaw, “Chyahtum chyalai n-gun atsam rawng nna chyoi pra ai hte teng man ai Madu e! Anhte hpe sat kau ai mara a matu ga ntsa na masha ni hpe gaten du hkra nang n jeyang ai, ari n jaw ai nga na n ta?,” nga nna nsen kaba hte jahtau nga ma ai.

1 SAMUELA 24:12

Dai Madu gaw an hta na shut ai wa hpe jeyang nga u ga! Ngai nang hpe dik dik n machyi jahkrum na rai nga nngai majaw ngai hte hpai shai hkra nang galaw ai amu a matu chyawm gaw shi nang hpe ari jaw u ga.