2 TIMOHTI 3:9 - Jinghpaw Common Language Bible 2009

⁹ Rai ti mung shanhte a awng dang ai lam gaw, dai hte hta jan nna na na hkam na n rai, hpa majaw nga yang dai yan hta hpa baw byin wa ai lam dan leng wa ai zawn ndai masha ni kade angawk ai lam mung masha ni a man e dan leng wa na ra ai.

Jinghpaw Hanson Version Bible

⁹ Rai timung, dai yan a lam dan leng pru wa ai zawn, ndai ni a ngawk ai lam mung, masha mahkra a man e dan leng wa na ra ai rai nna ya na made hta shanhte n lai lu na ma ai.

2 TIMOHTI 3:9 ပူးပေါင်းရင်းမြစ်များ

1 HKAWHKAM 22:25

Mihkaia gaw, “Shingdu gawk shara ra hta sa makoi nga na matu nang shang wa ndai shaloi mu lu na rin dai,” ngu nna tsun htang wu ai.

SHAKAWN KUNGDAWN 76:10

Masha a masin kahtet ai lam gaw na a matu grau nna shakawn na lam chyu sha shabyin ya nga ai; majan ni hta n si ai sha, naw hkrung ngam nga ai ni gaw na a masat da ai poi ni hta kabu gara shang lawm lu na mara ai.

PRU MAT 7:11

Dai hpang hkawhkam wa gaw shi a hpaji chye ai masha ni hte mandan bau ai ni hpe shaga la nna shanhte a mandan lakle hpaji hte dai hte maren galaw ma ai.

PRU MAT 7:12

Shanhte gaw langai hte langai a dawhkrawng ni hpe kabai tawn da ma ai rai nna dai ni mung lapu tai nga malu ai. Rai ti mung Arun a dawhkrawng mahtang shanhte a dawhkrawng ni hpe mayu kau ya wu ai.

PRU MAT 9:11

Mandan lakle sara ni mung Mawshe a man e myi man n madun lu ma ai; hpa majaw nga yang, shanhte gaw kaga Egutu masha ni yawng zawn shu duhtau ni hte ka-up da hkrum nga ma ai.

YEREMIA 37:19

Babelon hkawhkam wa gaw nang hte na a mungdan hpe htim gasat na n rai, nga nna nang hpe tsun ai na a myihtoi ni hta hpa baw byin sani?

LUKA 6:11

Shanhte chyawm gaw myi di lahpang pawt bu nna, “Yesu hpe kaning di na rai nga a ta?,” nga nna shanhte shada tsun ginrawn hkat nga ma ai.

KASA 13:11

Ya jang Madu kaw na ari nang kaw du hkrat wa nna nang gaw tawng marang mi shani a nhtoi n mu lu ai, myi kyaw nga na rin dai,” ngu wu ai. Shaloi jang Eluma a myi shinggang mat nna nsin chyip rai mat salu ai. Shingrai marai langai ngai e lata hte woi dun la na matu tam kayin abram hkawm nga ai.

2 TIMOHTI 3:8

Yanne yan Yambre gaw Mawshe hpe nhtan shai ninghkap ai hku galaw ma ai hte maren, ndai masha ni mung, dai teng man ai lam hpe ninghkap ningdang ma ai. Dai masha ni gaw shanhte a myit sawn sumru ai lam n nga mat sai rai nna makam masham hta hten za sum hkrum ma ai.