2 TIMOHTI 3:7 - Jinghpaw Common Language Bible 2009

⁷ Sharin achyin ai hpe hkam la na tut nawng e ra sharawng let shakut ma ti mung, shanhte gaw dai teng man ai lam hpe chye chyang ai de, galoi mung n du lu ma ai.

Jinghpaw Hanson Version Bible

⁷ tutnawng e sharin ai hkrum timung, tengman ai lam a chye chyang ai de galoi n du lu ai, myit n gring ai numsha ni hpe shang rim la ai ni, rai nga ma ai.

2 TIMOHTI 3:7 ပူးပေါင်းရင်းမြစ်များ

GA SHAGAWP 14:6

Rai dum ai masha ni galoi mung hpaji rawng ai masha n tai lu nga ai; zai byeng-ya rawng ai masha ni chyawm gaw hpaji hpe aloi sha sharin la nga ma ai.

MAHTE 13:11

Yesu gaw, “Sumsing Lamu a Mungdan a makoi magap da ai sung htum ai lam ni hpe chye lu na ahkang nanhte hpe jaw da sai; rai ti mung kaga ni gaw dai ahkang n lu ma ai.

YAWHAN 5:44

Nanhte gaw shada da shakawn shagrau nna arawng sadang jaw ai hpe hkam la mayu myit dai, rai ti mung langai sha rai nga ai Karai Kasang e jaw ai shakawn shagrau ai hpe hkam la na matu gaw nanhte n shakut myit dai, dai re ai mi nanhte gaw ngai hpe kaning rai kam sham lu na myit ta?

EHPESU 4:14

Dai shaloi anhte gaw masha hpe lam dam hkra masu hkalem chye ai masha ni hpaji daw sharin shaga ai nbung leng kata hta nbung lam galai mat shagu kadau kadap nhting nhtang rai poi lawm mat wa ai ma kaji ni zawn rai sana n rai.

TARA JAHPRANG 29:4

Rai ti mung dai ni du hkra nanhte hkrum hkra yu manit dai, dai mahkrum madup nanhte hpe chye na hkawn hkrang shangun ai n rai.

1 TIMOHTI 2:4

Shi gaw masha yawng mayawng hkye la hkrum nna, dai teng man ai lam hpe chye chyang wa lu na matu ra sharawng nga ai.

2 TIMOHTI 2:25

Tinang hpe n htan shai ninghkap ai ni hpe shading sharai ai hta sumnung shingdi si mani ai hku galaw ai wa rai ra ai; hpa majaw nga yang, shanhte gaw myit malai lu nna dai teng man ai lam hpe chye na wa na ahkang Karai Kasang shanhte hpe jaw yang jaw na ra ai.

HEBRE 5:11

Ndai lam hte seng nna anhte tsun shara law law lu ga ai, rai ti mung nanhte gaw alawan n chye na hkraw ai ni rai myit dai majaw, nanhte hpe sanglang dan na yak la nga ai.