2 TIMOHTI 3:3 - Jinghpaw Common Language Bible 2009

³ Shanhte gaw matsan dum n chye ai ni, n ja n hpra myit n rawng nna masin n si n hkru ai ni, masha wa a sari jahpoi na hku shatan n lem ai ni, masha wa a myit hkrum ai lam n tam ai sha kashun kashe hkala nba amu galaw ai ni, matse mazut ai ni rai na mara ai. Dai hta n ga, shanhte gaw mai kaja ai hpe n dawng ai ni,

Jinghpaw Hanson Version Bible

³ nja nhpra myit n rawng ai ni, masin n si hkraw ai ni, nlem chye ai ni, marai n rawng ai ni, myit matse ai ni, kaja lam hpe n dawng ai ni,

2 TIMOHTI 3:3 ပူးပေါင်းရင်းမြစ်များ

NINGPAWT NINGHPANG 49:7

Shan a sindawng kahtet ai gaw grai laja nga ai majaw dagam dala hkrum nga ma ai, Shan a masin kahtet ai majaw dai gaw grai mazut nga ai. Ngai gaw shan hpe Israela mungdan ting de shabra kau na mawe ai; Ngai gaw shan hpe amyu masha ni hta na shabra kau na mawe ai.

SHAKAWN KUNGDAWN 15:4

Shi gaw Karai Kasang hpe nyet kau ai ni hpe matsat nga ai; Madu a ga madat mara ai ni hpe shagrau sha-a nga ai. Ga sadi shatup na matu kade wa yak hkra rai ti mung, shi jaw da ai ga sadi ni hpe tut nawng e galaw shatup nga ai.

SHAKAWN KUNGDAWN 22:6

Rai ti mung, ngai gaw masha langai mi n rai mat ni ai; latung shingtai langai mi rai nga nngai, masha shagu e n kaw n law re ai hte matsat kau ai hkrum nga nngai!

ESAIA 53:3

Anhte shi hpe n kaw n law di ga ai, shi hpe ningdang kau ga ai; shi gaw nni nkri hte nchyi nmu hpe hkam sha nga ai. Kadai mung shi hpe pyi n yu mada nga ai- anhte gaw shi hpe hpa n re ai wa hpe zawn nawn kau ga ai.

ESAIA 60:14

Nang hpe dip gamyet sha lai wa sai ni a aru arat ni gaw Shanhte a hkungga lara ai hpe madun na matu gum dagup na mara ai. Nang hpe lang mi n kaw n law di lai wa sai ni yawng na a lagaw nhpang e nawku na mara ai. Shanhte gaw nang hpe, ‘Dai Madu a Mare,’ ‘Ziun ngu ai, Israela a Chyoi Pra Ai Karai Kasang a Mare,’ ngu nna shaga na mara ai.

Daniela 8:23

“Dai mungdan ni a jahtum aten ni wa jang, shanhte gaw grai n tara ai ni tai wa nga ma ai majaw ari jaw ai hkrum lu na rai ma ai. Dai yang e, du ja ai, grai matse ai hte masu hkalem chye ai hkawhkam paw pru wa na ra ai.

MAHTE 10:21

Masha ni gaw tinang a kahpu kanau shada da langai hte langai si na matu ap kau na mara ai. Kawa ni mung dai hte maren kasha ni hpe, kasha ni mung kawa ni hpe si na matu ap kau na mara ai.

MAHTE 4:1

Dai hpang Nat e gunglau ai hkrum u ga, dai Wenyi gaw Yesu hpe nam mali de woi bang wa nu ai.

LUKA 10:16

Yesu gaw, “Nanhte a ga madat ai wa kadai mung, nye a ga madat ai mung rai nga ai. Nanhte hpe ningdang kau ai wa kadai mung, ngai hpe ningdang kau ai wa rai nga ai: ngai hpe ningdang kau ai wa kadai mung, ngai hpe shangun dat ai wa hpe mung, ningdang kau ai rai nga ai,” ngu nna shi a sape ni hpe tsun mu ai.

LUKA 16:14

Dai mahkra hpe Hparishe ni na ma yang, Yesu hpe asawng asang ngu mu ai, hpa majaw nga yang, shanhte gumhpraw marin ai ni rai nga ma ai.

YAWHAN 6:70

Bai Yesu gaw, “Nanhte shi lahkawng hpe ngai lata la masa de ai n rai ni? Rai ti mung, nanhte hta na langai mi gaw nat matse rai nga ai,” ngu nna shanhte hpe htan mu ai.

ROMA 1:29

Shanhte hta n hkru n kaja ai lam amyu myu, awu asin re ai lam, nam mak lawhpa ai lam, arawn alai hten ai lam, n dawng n yawt ai lam, masha sat ai, ga li ga law ai lam, hkalem hkalau ai, mara matsing da ai lam ni hpring chyat rai nga malu ai.

ROMA 1:31

chye na ai htauli htaula myit n rawng ai ni, ga sadi ga shaka n hkan shatup ai ni, nja nhpra myit n rawng ai hte matsan dum n chye ai ni, shanhte rai nga ma ai.

1 KORINHTU 7:5

Nanhte gaw akyu hpyi na matu, shawng kaw nna jahkring mi aten la na myit hkrum da ai lam sha n nga yang gaw, madu jan madu wa hkum shan kanawn ai lam hpe hkum koi gam nga myit; akyu hpyi ai ten htum ai hpang bai kanawn nga mu. Dai hku rai yang she nanhte n sharang lu ai majaw, Satan e gunglau ai n hkrum na myit dai.

1 KORINHTU 7:9

Rai ti mung nanhte a myit hpe n sharang lu myit yang gaw hkungran mu ga, hpa majaw nga yang, katu kahtet nga na hta hkungran ai gaw grau kaja nga ai.

1 HTESALONI 4:8

Dai rai nna, ndai sharin shaga ai lam hpe ningdang kau ai wa kadai mung, masha hpe n rai, Chyoi Pra ai Wenyi jaw ya ai Karai Kasang hpe mahtang ningdang kau ai wa rai nga ai.

1 TIMOHTI 3:11

Shanhte a madu jan ni mung arawn alai kaja ai ni rai nna shatan nhkan ga tsun n lem ai ni n re ai sha, sari sadang hte hpring nna lam shagu hta myit matu ding ai ni rai lu na rai.

TITU 1:8

Shi gaw manam daw ra ai, mai kaja ai lam hpe tsaw ra chye ai wa, tinang hkum hpe hkang chye ai, si si re ai, ding hpring ai, chyoi pra ai, tara hkan ai wa rai ra ai.

TITU 2:3

Dai hte maren, asak kaba sai gumgai ni mung, kam sham nna tara hkungga ai ni, shatan nhkan ga n tsun ai hte chyaru a mayam n tai ai sha mai kaja ai lam sharin achyin chye ai ni rai lu mu ga, nang shanhte hpe sharin shaga ya lu na rai ndai.

YAKU 2:6

Nanhte mahtang matsan mayan wa hpe n gawn n sawn di kau manit hka! Nanhte hpe zingri zingrat di nna tara agyi ni a man de dun ahkyit wa ai ni gaw kadai ni rai ma ta? Dai ni gaw lu su ai ni rai ma ai!

2 PETRU 2:14

Shanhte gaw kaga hpa hpe mung n yu ra ma ai, arawn alai hten ai num ni hpe sha yu ra ma ai; shanhte yubak galaw ai majaw hkam la lu ai namchyim a myit dik hpa lam n htum hkraw malu ai. Shanhte gaw makam masham n-gun kya ai masha ni hpe shanhte a mahkam hta lu hkra lau la mu ai. Shanhte a myit masin ni hpe nammak lawhpa chye na matu shaman shakyang manu ai. Shanhte gaw Karai Kasang a dagam dala ai hkrum nga masai.

2 PETRU 2:19

Shanhte gaw shanhte nan hten bya ai arawn alai ni a mayam rai nga da nna kaga masha ni hpe shalawt dat ai ga sadi jaw ma ai. Hpa majaw nga yang, masha gaw tinang hpe dang ka up kau ai arai nga manga a mayam rai nga ai.

2 PETRU 3:3

Dai jahtum ai nhtoi ni hta tinang a hkum shan a kayut ai a myit ra ai hku hkan let asak hkrung ai masha ni paw pru na mara ai hpe yawng a shawng e nanhte chye na da ra myit dai. Shanhte gaw nanhte hpe jahpoi asawng let, “Dai Madu bai du sa na nga nna ga sadi jaw da ai n rai ni? Ya shi kanang rai nga a ta?

YUDA 1:16

Ndai masha ni gaw galoi mung aput angun nga nna masha kaga ni hpe mara sha shagun nga ma ai; shanhte gaw shanhte a n hkru n kaja ai, ra marin ai hta hkan nang ma ai. Shanhte gaw tinang a lam hpe shakawng gumrawng chye ma ai; shanhte gaw tinang a akyu pru hkra masha wa hpe kawng sharawt ya masu ai hku hkalem ai ga chye tsun ma ai.

YUDA 1:18

Shanhte gaw, “Hpang jahtum nhtoi ni du ai shaloi e, nanhte hpe jahpoi asawng ai masha ni, Karai kata ai, tinang a hkum shan a ra marin ai lam hta hkan sa ai masha ni paw pru na mara ai,” nga nna nanhte hpe tsun dan manit dai.

SHINGRAN 13:15

Dai matse labye hkrang sumla ga shaga lu na matu mung, dai matse labye a hkrang sumla hpe n nawku ai ni nga manga hte hpe sat kau na matu mung, lahkawng ngu na matse labye gaw dai hkrang sumla hta nsoi nsa kawut bang ya na ahkang mung lu da wu ai.

SHINGRAN 13:17

Dai matse labye a mying shing n rai, dai mying a malai hti hkum masat dingsat n kap ai wa kadai mung, arai mari na hte dut na ahkang n lu ma ai.

SHINGRAN 16:6

Shanhte gaw Karai Kasang a masha ni hte myihtoi ni a asai hkaw kau ma ai majaw, nang shanhte hpe asai bai lu shangun mu ai. Dai gaw shanhte hta hkrum ging ai hpe hkrum sha ai lam rai nga ai,” nga nna tsun ai hpe ngai na nngai.

SHINGRAN 17:6

Bai, dai numsha gaw Karai Kasang a masha ni a asai hpe mung, Madu Yesu hta sadi dung ai majaw sat kau hkrum ai ni a asai hpe mung, lu nna nang bam taw nga ai hpe, ngai mu nngai. Shi hpe mu yang, kaja wa dik hkra mau mahka mat nngai.