2 TIMOHTI 3:16 - Jinghpaw Common Language Bible 2009

¹⁶ Dai Chyum Laika shagu hpe Karai Kasang shatsam ai hte ka da ai re ai majaw, teng man ai lam hpe sharin achyin ya na, shut ai lam hpe mara madun nna daru sharin na, shut shai ai lam ni hpe mye shading na hte jaw ai asak hkrung lam a matu matsun madun na akyu rawng nga ai.

Jinghpaw Hanson Version Bible

¹⁶ Karai Kasang a masha wa gaw hkum tsup rai wa nna, mai kaja ai magam bungli shagu a matu mara, arai chyip makup lang lu u ga,

2 TIMOHTI 3:16 ပူးပေါင်းရင်းမြစ်များ

2 SAMUELA 23:2

Dai Madu a wenyi gaw ngai hku nna tsun nga ai; shi a mungga nye a shinglet hta rawng nga ai.

NEHEMIA 9:20

Na a mai kaja ai lam hta, shanhte hpa galaw ang ai lam nang shanhte hpe tsun ndai; nang gaw shanhte hpe manna jaw sha nna, lu hka ntsin jaw ndai.

SHAKAWN KUNGDAWN 119:11

Na a tara hpe nye a myit masin hta ngai kyem da nga nngai rai nna, ngai nang hpe yubak n galaw na nngai.

SHAKAWN KUNGDAWN 119:130

Na a sharin achyin ai mungga ni hpe tsun shaleng ai lam ni gaw nhtoi hpe jaw ya nga ai rai nna, n chye n chyang ai ni hpe kunghpan wa shangun nga ai.

SHAKAWN KUNGDAWN 119:9

Shabrang wa gaw shi a asak hkrun lam hpe san seng nga u ga, kaning rai shadik lu na rai nga a ta? Dai gaw na a hkang da ai tara ni hpe madat mara hkan sa ai hte sha shadik lu nga ai.

GA SHAGAWP 15:10

Shut hpyit ai amu hpe nang galaw ai rai yang, laja lana re ai ari nang hkrum sha na ndai; nang hkum nan shading sharai n hkam ai rai yang, si na rin dai.

GA SHAGAWP 15:31

Nang gaw shading sharai hkam nna madat mara ai wa rai yang, hpaji rawng nga ndai.

GA SHAGAWP 6:23

Shanhte a sharin shaga ai ga ni gaw htoi tu ai nhtoi rai nga ai, shanhte a shading sharai ya ai lam mung nang gara hku asak hkrung na lam hpe sharin ya lu nga ai.

MIHKA 2:7

Israela amyu masha ni gaw dagam dala hkrum nga ma ai ngu nna nang myit lu nga a ni? Dai Madu hta hkam sharang ai myit n rawng mat nu ai kun? Shi gaw dai zawn re ai amu hpe teng teng galaw wa na rai nga a ni? Shi gaw teng man ai amu galaw ai ni hpe matsan dum lama ai myit hte tsun shaga ai n rai ni?,” ngu nna tsun ai.

ZEHPANI 3:2

Dai mare gaw dai Madu a nsen n madat ai hte matsun maroi ga ni hpe mung n hkap la nga ma ai. Dai Madu hta kam hpa ai lam n nga ai sha n-ga, karum la na matu hpyi lajin ai lam mung n galaw ma ai.

MAHTE 13:52

Bai shi gaw, “Dai rai nna sumsing lamu a Mungdan hta e sape langai mi tai wa sai tara sara shagu gaw, tinang a sut dek hta na nnan baw mung, dingsa baw mung shapraw ai nta madu wa hte bung nga ai,” ngu nna shanhte hpe htan mu ai.

MAHTE 21:42

Yesu shanhte hpe tsun mu ai gaw, “Wahpang galaw ai ni akyu n rawng ai ngu nna lata kau ai nlung gaw, ningjut jahtum na ahkyak dik ai nlung tai wa sai. Dai gaw, Madu a majaw byin wa sai rai nna, anhte a man e mauhpa amu nan rai nga ai, nga ai ga hpe, nanhte dai laika hta lang mi pyi n hti yu myit ni?

MAHTE 22:43

Bai Yesu gaw, “Dai rai yang gaw, Dawi Hkawhkam gaw Chyoi Pra ai Wenyi e shadut ai hte Meshia hpe ‘Madu’ nga nna kaning rai shaga lu a ta? Hpa majaw nga yang, Dawi gaw,

MAHTE 26:54

Rai ti mung ngai shing di yang, ndai lam byin wa lu na ra ai nga nna Chyum Laika hta tsun da ai hte maren, kaning rai dik wa lu na a ta? ngu nna shi hpe tsun wu ai.

MAHTE 26:56

Rai ti mung ndai lam yawng hte byin wa ai chyawm gaw, myihtoi ni ka da ai laika ni dik wa mu ga majaw byin wa sai,” ngu mu ai. Shaloi jang sape ni yawng shi hpe kau da nna hprawng mat wa ma ai.

MARKU 12:24

Yesu gaw, “Nanhte dai daram wa shut shai lam dam mat nga manit hka? Dai hpa majaw re hpe nanhte chye da mu ni? Dai Chyum Laika hte Karai Kasang a atsam hpe nanhte n chye mu ai majaw rai nga ai.

MARKU 12:36

Dawi gaw Chyoi Pra ai Wenyi e shadut ya ai hte, ‘Dai Madu nye a Madu hpe tsun wu ai gaw: Na a gumlau hpyen ni hpe, na a lagaw npu e ngai tawn da ai du hkra, nye a hkra maga de dung nga u,’ nga nna tsun ai.

YAWHAN 10:35

Karai Kasang gaw shi a mungga jaw da hkrum sai ni hpe ‘karai daw ni,’ ngu nna shamying mu ai rai nna, Chyum Laika hta tsun ai ga ni gaw galoi mung teng man nga ai hpe anhte chye ga ai.

YAWHAN 3:20

Hpa majaw nga yang, n shawp n kap ai amu ni hpe galaw ai wa kadai mung, nhtoi hpe n dawng n wawm nga ai rai nna, tinang a n hkru n shawp ai amu ni dan dawng mat na tsang ai majaw, nhtoi de n sit wa ma ai.

KASA 1:16

Shi gaw, “Hpu nau ni e, Yesu hpe rim la ai ni a lam woi tai ya ai Yuda hpe lakap nna moi Dawi a n-gup hku nna Chyoi Pra ai Wenyi tau tsun da ai Chyum Laika gaw dik wa lu na sha rai nga ai.

KASA 18:25

Dai wa gaw Madu a lam sharin hkam la nna nachying myit lawm sharawng let, Yesu a lam ni hpe jaw ai hku atsawm sha hkaw tsun sharin achyin ya nga ai. Rai ti mung shi gaw Yawhan a hkalup lam sha naw chye nga ai.

KASA 20:20

Shawa masha yawng a man e mung, nanhte a nta ni hta mung, ngai hkaw tsun sharin shaga ai shaloi nanhte a matu akyu rawng na lam magup hpe ngai galoi mung n ginhtim n ip da ga nngai hpe mung nanhte chye nga myit dai.

KASA 20:27

Hpa majaw nga yang ngai gaw Karai Kasang a shatawng shada ai lam hpe ginhtim da ai lam n nga hkra nanhte hpe tsun shana dan ni ai majaw rai nga ai.

KASA 28:25

Shing rai shanhte shada da myit n hkrum mat nga ma ai majaw, Pawlu gaw, shanhte hpe “Chyoi pra ai Wenyi, myihtoi a n-gup hte nanhte a nji nwa ni hpe tsun ai ga gaw teng la malit dai!

ROMA 15:4

Chyum Laika hta ka da mada hte gaw anhte hpe sharin achyin na matu rai nga ai. Shing rai anhte gaw Chyum Laika hta na lu la ai hkam sharang ai lam hte myit n-gun lu la shangun ai lam a majaw myit mada shara lu la na lam rai nga ai.

ROMA 2:20

n hkru n shawp ai ni a hpareng ai angawk ai ni a sara rai nga nngai nga nna kaja wa kam nga ai wa dai jep ai Tara machye machyang hte teng man ai lam hkum hkum tsup tsup rawng nga ai hpe mung atsawm sha chye nga ai wa e,

ROMA 3:2

Lam shagu hta akyu grai nga ai! Shawng nnan e Yuda amyu masha ni gaw Karai Kasang a shingran ga hkam la lu ma ai.

ROMA 4:23

“Karai Kasang gaw shi hpe ding hpring ai wa ngu nna hkap la wu ai,” ngu ai ga gaw Abraham langai mi hpe chyu sha sha-ang nna ka da nga ai n rai.

1 KORINHTU 12:7

Yawng mayawng a matu akyu pru u ga she, langai hte langai hta dai Wenyi shanu nga ai lam, amyu myu hku madun shadan dan nga ai.

GALATI 3:8

Dai Chyum laika mung, “Karai Kasang gaw makam masham hte sha maigan masha ni hpe ding hpring shangun na maru ai,” nga nna tau tsun da sai. Dai rai nna Chyum Laika gaw, “Amyu baw shagu gaw na gawp e gumring gumrat hkrum na mara ai,” nga nna Abraham hpe dai Kabu Gara Shiga shana ya mu ai.

TARA JAHPRANG 29:29

“Dai Madu anhte a Karai Kasang lam nkau mi hpe makoi magap da nga ai. Rai ti mung shi a tara hpe shapraw dan ai rai nna anhte hte anhte a amyu matu mara ni dai hpe htani htana madat mara hkan sa na rai nga ga ai.

TARA JAHPRANG 4:36

Shi gaw nanhte hpe sharin achyin lu u ga nga, sumsing lamu de nna shi a nsen nanhte hpe na shangun manit dai; ndai ginding aga ntsa e mung shi a chyoi pra ai wan nanhte hpe mu shangun nna dai kata kaw na nanhte hpe ga shaga nu ai.

2 TIMOHTI 2:25

Tinang hpe n htan shai ninghkap ai ni hpe shading sharai ai hta sumnung shingdi si mani ai hku galaw ai wa rai ra ai; hpa majaw nga yang, shanhte gaw myit malai lu nna dai teng man ai lam hpe chye na wa na ahkang Karai Kasang shanhte hpe jaw yang jaw na ra ai.

2 TIMOHTI 4:2

Dai mungga hkaw dan na matu, chye na shangun na matu, mara madun nna daru na matu, n-gun jaw na matu, myit galu ai hte sharin shaga na matu, (du hkra ladaw ang ai rai ti mung, n ang ai rai ti mung) a shaja nga u, ngu nna ngai nang hpe shadut jahkat dat de ai.

HEBRE 11:1

Makam masham ngu ai gaw anhte myit mada nga ai arai ni kaja wa byin na re ngu ai lam hpe myit mu myit hkut nga ai hte, garai n mu lu ai arai ni gaw kaja wa nga nga ai ngu nna chye na hkap la ai hpe ngu ai rai nga ai.

HEBRE 3:7

Dai re ai majaw, dai Chyoi Pra ai Wenyi tsun ai hte maren, “Nanhte dai ni Karai Kasang a nsen na myit yang gaw,

HEBRE 4:12

Hpa majaw nga yang, Karai Kasang a mungga gaw, ahkrung nga ai hte alet nga ai rai nna, nshan lahkawng maga dai ai hpa baw ntawng nhtu hta mung grau dai nga ai. Dai gaw wenyi hte myit masin hpe mung, nra hkrihkraw hte laswi hpe mung, yawng dinghkren ginhka chye nna masha a kraw lawang kata na maw mawn ai lam ni hte myit mamyit hte hpe jeyang hparan ya nga ai.