2 TIMOHTI 3:12 - Jinghpaw Common Language Bible 2009

¹² Kaja wa Hkristu Yesu hta asak hkrung nna tara hkungga ai lam hta asak hkrung mayu ai wa kadai mung zingri zingrat ai hkrum na ra ai.

Jinghpaw Hanson Version Bible

¹² Gaja wa, Hkristu Yesu hta tara hkungga ai lam hkan nang mayu ai ni nlang hte gaw, zingri zingrat ai hkrum lu na mara ai.

2 TIMOHTI 3:12 ပူးပေါင်းရင်းမြစ်များ

MAHTE 16:24

Dai hpang Yesu gaw sape ni hpe, “Ngai hpang de sa wa mayu ai wa kadai rai ti mung, tinang hkum hpe nyet kau lu na rai nna, shi a wudang hpai let, ngai kaw hkan nang ru ga,

MAHTE 23:34

Dai rai nna, nanhte hpe ngai tsun made ai gaw, myihtoi ni, hpaji rawng ai ni hte tara sara ni hpe nanhte hpang de ngai shangun dat na mawe ai rai nna, shanhte hta na nkau mi hpe sat kau na ma ai, nkau mi hpe wudang hta jen da na hte, nkau mi hpe tara jawng ni hta anu kayat di nna mare mi hte mare mi de hkan shachyut rim zingri na maru ai.

MARKU 10:30

ndai prat hta e zingri zingrat hkrum ai lam ni hte hpawn, dum nta ni kahpu kanau ni, kajan ni, kashu kasha ni hte yi sun hkauna ni hpe htam latsa n ga lu la na ru ai. Dai hta n ga htawm hpang prat e mung n htum n wai asak lu la na ra ai.

YAWHAN 16:2

Shanhte gaw Tara Jawng ni hta na nanhte hpe gawt shapraw kau na mara ai. Nanhte hpe sat kau lu ai wa kadai mung, Karai Kasang a magam gun hpai nga nngai, nga nna myit la ai aten kaja wa du wa na ra ai.

YAWHAN 16:33

Nanhte gaw ngai hte langai sha tai nna ngwi pyaw ai lam lu la myit ga, ngu nna ndai ga ngai nanhte hpe tsun ni ai. Mungkan ga gaw nanhte hpe nni nkri jahkrum na ra ai; rai ti mung gwi gwi dakring dakan rai nga mu! Ngai gaw mungkan ga hpe dang kau se ai!,” ngu mu ai.

YAWHAN 17:14

Na a mungga ngai shanhte hpe jaw da mase ai; ngai gaw mungkan ga na n rai nngai hte maren, ndai ni mung mungkan ga hte n seng ma ai majaw, mungkan masha ni shanhte hpe n ju n dawng ma ai.

KASA 14:22

Shan gaw, “Anhte gaw Karai Kasang a mungdan hta shang na matu ru yak jam jau law law hpe hkrum hkra lai di kau ra ga ai,” nga nna kam sham ai sape ni myit shangang ya let dai makam masham hta ngang kang grin nga na matu n-gun jaw shadum jahprang ma ai.

1 KORINHTU 15:19

Ndai prat e sha Hkristu hta e myit mada shara lu ga yang gaw, anhte gaw mungkan ntsa na shinggyim masha yawng hta, grau nna matsan mayan hkrum ai ni rai nga ga ai.

2 KORINHTU 1:12

Anhte myit kata hta asan sha gumrawng na lam langai mi nga ai; dai gaw, ndai mungkan hta anhte a asak hkrung lam, grau nna nanhte hte kanawn mazum matut mahkai ai lam ni hta masha a machye machyang hta n shamyet shanat ai sha Karai Kasang a chyeju atsam hte anhte gaw Karai Kasang jaw ai teng man san seng ai myit masin e up hkang ai hku nna amu galaw ai lam rai nga ai.

2 KORINHTU 4:9

Anhte hpe hpyen ai ni law law nga ma ai. Rai ti mung jinghku langai mi pyi n lu mat ai sha galoi n nga yu ga ai; kalang lang grai machyi hkrum ga ai, rai ti mung jahten shaza kau hkrum ga ai n rai.

1 TIMOHTI 2:2

Anhte gaw Karai Kasang hpe hkrit hkungga ai lam ni yawng hta atsawm sha hkan sa nna htap htuk mai kaja ai arawn asam rawng let ngwi pyaw sim sa ai hku asak hkrung nga lu u ga, Hkawhkam ni hte ahkang lu ai ni yawng a matu mara akyu hpyi nga mu.

1 TIMOHTI 3:16

Anhte a nawku htung makam masham a sung htum ai lam gaw gade kaba la nga ai hpe kadai mung ningdang shara n nga ai gaw lawu de na hte maren rai nga ai. Shinggyim masha a hkum hkrang hte dan pru wa ai hte ding hpring ai wa rai nga ai lam dai Chyoi pra ai Wenyi e shadan dan sai, lamu kasa ni mung shi hpe mu lu manu ai. Shi a lam masha amyu yawng hpe htawn tsun dan manu ai. Mungkan masha ni shi hpe kam sham masai, shing rai shi gaw sumsing lamu de shalun la ai hkrum nu ai.

1 TIMOHTI 6:3

Kadai rai ti mung nhtan shai ai sharin shaga ai lam hpe sharin achyin ai wa gaw, anhte a Madu Yesu Hkristu a teng man hkum tsup ai mungga ni hte anhte a makam masham a sharin shaga ai lam hpe n hkan sa ai wa rai nga ai.

TITU 1:1

Karai Kasang a shangun ma hte Yesu Hkristu a kasa wa rai nga ai ngai Pawlu gaw laika ka dat nngai. Karai Kasang gaw shi lata la ai masha ni a makam masham hpe bau maka sharawt ya na matu mung, anhte a nawku htung a sharin ya ai tengman ai lam hpe mu lu chye lu hkra lam madun na matu mung, ngai hpe lata la nna shangun dat ni ai.

TITU 2:12

Anhte gaw anhte a galu kaba ai Karai Kasang ngu ai hkye hkrang la ai Madu Yesu a hpung shingkang dan pru na a lu ai nhtoi hpe ala nga let, tara n hkungga ai myit hte mungkan ga hpe marin marit ai myit hpe kabai kau na matu mung,

YAWSHU 17:14

Yosep a amyu matu ni gaw Yawshu hpe, “Dai Madu anhte hpe shaman ya mani ai majaw anhte grai law htam wa saga ai wa, anhte madu la na lamu ga sali langai sha, anhte hpe hpa majaw jaw n ta?,” ngu nna tsun ma ai.

1 PETRU 3:14

Rai ti mung lama rai nna teng man ai lam hpe hkan sa galaw nga ninglen nanhte nni nkri hkrum myit yang gaw, kabu lu nga na rai myit dai. Kadai wa hpe mung hkum hkrit nga myit; myit mung hkum ru myit.

2 PETRU 3:11

Arai yawng mayawng ndai hku nna jahten kau hkrum na ra ai rai yang gaw, nanhte kaning re ai masha ni rai ra nga myit ta? Nanhte a asak hkrung lam gaw chyoi pra nna Karai Kasang hta sak nawng da ai asak hkrung lam rai ra nga ai.

SHINGRAN 12:4

Shi gaw lamu kata na shagan ni a htam masum na htam mi hpe shi a nmai hte magawn la nna, ga de kabai jahkrat kau dat wu ai. Baren numraw gaw, ma shangai hkyen nga ai numsha a man e tsap let, dai numsha ma shangai dat ai hte rau, ma hpe mayu sha kau na matu la nga ai.

SHINGRAN 7:14

Ngai gaw, “Nye a Madu e, ngai n chye nngai, nang gaw chye nga ndai,” ngu nna htan we ai. Shaloi shi gaw, “Shanhte gaw hkrit hpa zingri zingrat hkrum ai kaw na lawt pru wa ai masha ni rai nga ma ai. Shanhte gaw tinang a hpun palawng ni hpe dai Sagu Kasha a asai hta hkrut jahpraw la manu ai.