2 TIMOHTI 3:11 - Jinghpaw Common Language Bible 2009

¹¹ nye a zingri zingrat hkrum sha ai lam, nye a nni nkri hkam ai lam, re ai ni hpe maram masam mu chye nit dai. Antioki mare, Ikoni mare, Lustra mare hkan e ngai hta byin hkrum hkra ai hkrithpa zingri zingrat lam ni hte ngai hkam sharang lai wa sai lam hpe nang yawng chye nga ndai. Madu chyawm gaw dai lam ni yawng hta na ngai hpe mawai la ni ai.

Jinghpaw Hanson Version Bible

¹¹ zingri zingrat hkrum ai hte nni nkri hkrum ai lam hta mung: Antioki, Ikoni, Lustra mare hkan e ngai hkrum mahkrum hta mung; zingri zingrat ai ngai gade wa hkrum ni ai hta mung, nang htep lahti hkan nang nit dai: shing rai hkrum timung, ngai hkrum ai yawng hta na dai Madu gaw ngai hpe shaw la ni ai.

2 TIMOHTI 3:11 ပူးပေါင်းရင်းမြစ်များ

NINGPAWT NINGHPANG 48:16

Machyi shoichyum ai yawng hta na ngai hpe hkye mawai la sai lamu kasa gaw shan hpe shaman ya u ga law! Nye a mying hte mung, nye a kaji Abraham hte nye wa Isak yan a amying hte mung, ndai ma yan matut nna hkrung nga mu ga law! Shan hta kashu kasha law law mayat maya wa nna amyu matu law law gumja gumhpra rai wa manu ga law!”

2 SAMUELA 22:1

Dai Madu gaw Dawi hpe Shawlu hte kaga shi hpe gumlau ai hpyen ni a lata kaw nna hkye mawai la ai shaloi, Dawi gaw ndai mahkawn ga hte dai Madu hpe mahkawn mangoi wu ai:

2 SAMUELA 22:49

nye a gumlau ni a lata kaw nna ngai hpe hkye mawai la nga ai. O Madu e, nye a gumlau hpyen ni hpe dang kau lu na awng padang nang ngai hpe jaw ya nga ndai hte kashun kashe du daw sai hkaw amu galaw shapraw ai masha ni a lata kaw nna makawp maga la nga ai.

SHAKAWN KUNGDAWN 34:19

Dai mai kaja ai masha wa gaw ru yak tsin-yam law law hkrum sha nga ai; Madu gaw dai ni yawng hta na shi hpe hkye hkrang la nga ai.

SHAKAWN KUNGDAWN 37:40

Shi gaw shanhte hpe karum nna mawai la nga ai, shanhte gaw shi kaw makawp maga la na matu du sa nga ma ai majaw, shi shanhte hpe tara n lang ai ni a lata kaw nna hkye hkrang la nga ai.

SHAKAWN KUNGDAWN 91:14

Karai Kasang gaw, “Ngai hpe tsaw ra ai ni hpe, ngai hkye la na ring ngai; ngai hpe Madu zawn yin la ai ni hpe ngai makawp maga na ring ngai.

ESAIA 41:10

Hkum hkrit et-Ngai nang hte rau rai nga nngai! Ngai gaw na a Karai Kasang rai nga nngai-nang hpe hpa mung n jahkrit shama u ga! Ngai gaw nang hpe n-gun shaja ya ai hte karum la na nngai; Ngai gaw nang hpe makawp maga ai hte hkye la na nngai.

ESAIA 41:14

Dai Madu gaw, “Israela e, nang gaw kaji ai hte n-gun kya nga ndai, hkum hkrit et, ngai nang hpe karum na nngai. Israela a chyoi pra ai Karai Kasang Ngai gaw nang hpe hkye la ai wa rai nga nngai.

ESAIA 43:2

Sung ai hka hku nang rap wa ai shaloi, ngai nang hte rau rai nga na nngai; na a ru yak tsin-yam tsindam ni nang hpe ka-up kau na ra ai n rai. Nang gaw wan hku kabye lai wa ai shaloi, hkru na ndai n rai; dai laja lana re ai chyam dinglik ai gaw nang hpe machyi hkra na ra ai n rai.

Daniela 6:27

Shi gaw hkye hkrang la ai hte hkye mawai la nga ai; shi gaw sumsing lamu hte ginding aga ntsa e mauhpa amu hte lamik kumla ni hpe galaw nga ai. Shi gaw Daniela hpe hkanghkyi ni e kawa sat kau hkrum na kaw na hkye mawai la nga ai.”

KASA 13:14

Bai shanhte gaw Perga kaw nna rawt sa wa yang Pesidi mung na Antioki mare de du ma ai rai nna, Bansa Nhtoi hta e shanhte tara jawng hta shang dung nga ma ai.

KASA 13:45

Yuda masha ni chyawm gaw, dai shawa hpawng hpe mu jang, manawn ai myit hte hpring chyat nga ma ai rai nna, Pawlu tsun ai lam hpe ndang hkat ai hte aroi ara ngu da mu ai.

KASA 14:8

Ya Lustra mare hta e, kanu a hkritung nna lagaw jahten labye rai nna, galoi mung n hkawm yu ai wa langai mi nga nga ai.

KASA 20:19

Yuda masha ni a n hkru n kaja ai maw mawn ai lam a majaw, matsan jam jau ru yak tsin yam hkrum ai ten hta ngai myi prwi law law hkrat let nachying myit shagrit shanem ai hte Madu a shangun ma rai nga nngai hte maren shi a magam gun hpai nngai.

KASA 23:10

Shing rai dangrang hkat ai lam grai laja lana rai wa jang shanhte Pawlu hpe ashep ashin di kau na, hpyen du kaba wa myit tsang da wu ai; dai majaw, shanhte kaw yu wa nna Pawlu hpe dai ni a ka-ang na gare la nhtawm hpyen wang de shawn la na hpyen ma ni hpe hkang da mu ai.

KASA 26:17

Ngai gaw nang hpe Israela amyu masha ni a lata na mung, ngai shangun dat nna nang sa hkaw tsun na maigan masha ni a lata na mung, hkye hkrang mawai la na de ai.

KASA 26:22

Rai ti mung Karai Kasang kaw nna karum ai lu la ai majaw sha, dai ni du hkra ngai asak hkrung nga lu ai hte kaji kaba n nga yawng a man e tsap let sakse hkam lu nga nngai.

KASA 9:16

Nye a mying majaw shi hkrum lu na ra ai matsan tsin-yam ni yawng hpe ngai nan shi e madun na we ai,” ngu wu ai.

ROMA 15:31

Ngai gaw Yuda mung na n kam n sham ai ni a hpyen ai kaw na lawt lu u ga hte Yerusalem mare e ngai galaw ai karum madi shadaw ai amu hpe dai kaw nga ai Karai Kasang a masha ni hkap la lu mu ga, akyu hpyi nga mu.

2 KORINHTU 1:5

Anhte gaw Hkristu hkam sha ai law la ai nni nkri ni hpe shang lawm garan hkam sha ga ai hte maren, Hkristu hta Karai Kasang jaw ai karum ai chyeju kaba hpe mung anhte shang lawm garan hkam la nga ga ai.

2 KORINHTU 1:7

Nanhte gaw anhte hkrum hkra nga ai nni nkri hta, nanhte mung hkrum lawm nga myit dai hte maren, anhte hkam la ai shalan shabran ai chyeju hpe mung, hkam la nga myit dai majaw, nanhte hta anhte a myit mada ai lam galoi mung n shamu n shamawt ai sha grin nga ai hpe anhte chye ga ai.

2 KORINHTU 12:10

Dai rai nna ngai gaw Hkristu a jaw e hkam ai gawng kya ai lam ni jahpoi asawng ai, kyin dut ai. zingri zingrat hkrum ai, hte yak hkak ai lam ni a majaw kabu myit dik nga nngai, hpa majaw nga yang ngai gawng kya ai shaloi ngai n-gun atsam rawng nga nngai.

2 TIMOHTI 4:7

Ngai gaw gat shingjawng ai lam hta atsam htum hkra gat shakut se ai; gat na matu tawn da ai shadawn shadang hpe htum hkra gat shadu se ai; dai makam masham hpe ngai hkan shatup ni ai.

2 PETRU 2:9

Dai re ai majaw Karai Kasang gaw tara hkung ga ai ni hpe shanhte hkrum hkra nga ai chyam dinglik ai lam ni a kata na gara hku mawai la na hte, n hkru n kaja ai ni hpe tara daw dan ai nhtoi du hkra gara hku ari jaw na hpe mung shi chye nga ai.