2 TIMOHTI 2:7 - Jinghpaw Common Language Bible 2009

⁷ Ngai tsun nga ai lam hpe myit aru yu u; hpa majaw nga yang Madu gaw dai lam yawng hte hpe chye chyang ai myit nang hpe jaw ya na ra ai.

Jinghpaw Hanson Version Bible

⁷ Ngai tsun ai lam myit aru yu u; kaning rai nme law, dai Madu gaw lam shagu hta nang hpe chye chyang ai myit jaw na ra ai.

2 TIMOHTI 2:7 ပူးပေါင်းရင်းမြစ်များ

1 HKAWHKAM LABAU 22:12

Shi a Tara hte maren, Israela mungdan hpe nang up hkang lu hkra, dai Madu na a Karai Kasang gaw nang hpe myit kraw hpaji hte hpaji byeng-ya jaw ya nga u ga law.

1 HKAWHKAM LABAU 29:19

Nye a kasha Shawlumon hpe mung, nang hkang da ai lam magup hpe madat mara hkan sa nhtawm ngai hkyen tawn da sai arai ni hte Nawku Htingnu gaw gap na matu awng sharawng ai myit masin mahkra jaw ya u law,” ngu nna hpyi wu ai.

SHAKAWN KUNGDAWN 119:125

Ngai gaw na a shangun ma wa rai nga nngai, na a sharin achyin ai lam ni hpe ngai chye lu n ga ngai hpe machye machyang jaw ya e.

SHAKAWN KUNGDAWN 119:144

Na ga matsun ni tut nawng e teng man nga ai; ngai hkrung nga lu n ga, ngai hpe chye chyang ai hpaji jaw ya e.

SHAKAWN KUNGDAWN 119:73

Nang ngai hpe hpan da nna shim lum ai hte tawn da nga ndai; na a tara ni hpe sharin la lu n ga, chye chyang ai nyan ngai hpe jaw ya e.

SHAKAWN KUNGDAWN 64:9

Shanhte yawng hte gaw hkrit wa na mara ai rai nna, Karai Kasang hpa galaw da sai lam hpe shanhte myit aru yu na mara ai hte shi a amu bungli lam hpe tsun hkai dan na mara ai.

GA SHAGAWP 24:32

Ngai gaw dai lam hpe yu nna, myit yu nhtawm, mu mada ai lam kaw nna, lam langai mi hpe ngai sharin la lu ni ai.

ESAIA 1:3

Dumsu gaw shanhte a madu hpe chye ma ai. Lawze ni mung shanhte a madu lusha jaw ai wakang hpe chye ma ai. Rai ti mung nye a amyu masha Israela ni chyawm gaw dai daram pyi n chye ma ai. Shanhte gaw loi mi pyi n chye na nga ma ai.

ESAIA 28:26

Karai Kasang gaw shanhte hpe sharin ya nu ai majaw shanhte a amu hpe gara hku galaw na lam shanhte chye ma ai.

ESAIA 5:12

Na a lusha poi ni hta dawraw tingse, dumbu, sumpyi, larung sumhkran, hte sabyi ntsin ni lawm nga ai. Rai ti mung nang gaw dai Madu hpa galaw nga ai hpe n chye nga ndai,

Daniela 1:17

Karai Kasang gaw ndai shabrang mali hte hpe laili laika hta chye chyang kung kyang ai nyan hpaji hte sumru hpaji jaw ya wu ai. Dai sha n-ga, shi gaw Daniela hpe yup mang shingran amyu myu chye htai lu ai kung kyang ai nyan mung jaw ya wu ai.

LUKA 21:15

Hpa majaw nga yang, nanhte tsun ai ga hpe nanhte a hpyen ni n lu dangrang, n lu tsun ninghkap hkra kaning ngu tsun na ngu ai ga ni hte nyan hpaji ngai nanhte hpe jaw na made ai.

LUKA 24:45

Dai hpang sape ni, dai Chyum Laika ga ni hpe chye na lu na matu shanhte a myit nyan jahpaw ya mu ai.

LUKA 9:44

“Ngai nanhte hpe tsun dan hkyen ai ga hpe hkum malap kau mu, Masha Kasha gaw masha ni a lata de ap kau ai hkrum na ra ai,” ngu nna tsun mu ai.

YAWHAN 14:26

Nye a mying nsang hte nye a Wa shangun dat na ra ai Karum Ai Wa ngu ai Chyoi Pra Ai Wenyi gaw, nanhte hpe lam magup sharin ya nna, ngai nanhte hpe tsun da ai ga yawng mayawng nanhte hpe shadum shahprang na ra ai.

YAWHAN 16:13

Rai ti mung Karai Kasang hte seng ai teng man ai lam hpe shadan dan ai Wenyi du sa jang, nanhte hpe dai teng man ai lam yawng mayawng hpe hpaw madun dan na ra ai. Dai Wenyi gaw shi a myit hte maren tsun na ra ai n rai, shi na la lu ai made tsun dan na ra ai; htawm hpang de byin na ra ai lam ni hpe mung, shi nanhte hpe tsun dan na ra ai.

KASA 7:10

ru yak tsin-yam tsindam yawng na shi hpe shaw la wu ai. Karai Kasang gaw Yosep hpe Egutu Hkawhkam a man e dan pru shangun nna, man pa ai arawn asam hte hpaji byeng-ya jaw wu ai majaw dai Hkawhkam wa gaw Yosep hpe Egutu mung ting a mung gyi hku nna mung, Hkawhkam htingnu up ai du hku nna mung san da wu ai.

1 KORINHTU 12:8

Hpa majaw nga yang, langai ngai hpe dai Wenyi gaw hpaji hte hpring ai mungga jaw wu ai; kaga wa hpe dai Wenyi gaw machye machyang hte hpring ai mungga jaw wu ai.

TARA JAHPRANG 32:29

Shanhte gaw hpa lam a majaw sum mat ma ai hpe n mu lu ma ai; kaning rai byin sai lam hpe shanhte n chye na lu ma ai.

TARA JAHPRANG 4:39

Dai rai nna dai Madu gaw sumsing lamu hte ginding aga ntsa na Karai Kasang rai nga ai hpe myit dum ai hte galoi mung hkum malap kau nga myit. Karai shaje n nga nga ai.

HPILIPI 4:8

Hpu nau ni e, hpungdim hku nna tsun ga nga yang, nanhte gaw hpa teng man ai lam rai ti mung, hpa ding hpring ai lam rai ti mung, hpa san seng ai lam rai ti mung, hpa sharawng awng hpa lam rai ti mung, hpa sha-a ram ai lam rai ti mung, a rawng re ai lam lama ma, shakawn kungdawn re ai lam lama ma rai nga yang gaw dai lam hte hpe myit sumru yu nga mu.

KOLOSE 1:9

Dai re ai majaw, nanhte a lam na yu ai shani kaw nna, anhte gaw nanhte a matu mara n sim n sa akyu hpyi nga ga ai. Nanhte gaw Karai Kasang a myit ra ai lam hpe chye lu ai nyan hpaji, dai Wenyi e jaw ya ai hpaji byeng-ya yawng mayawng hte machye machyang ni, hte jahpring ya ai hkrum myit ga Karai Kasang kaw anhte akyu hpyi ya nga ga ai.

1 TIMOHTI 4:15

Na a kunghpan jat wa ai hpe masha yawng mayawng mu lu mu ga, lahta de tsun da sai lit ni hpe myit lawm ai hte hkan shatup let dai hta a manoi nga u.

2 TIMOHTI 2:6

Sun hkauna galaw shaja ai wa gaw nmut ta hta shawng shu la lu ai hkam bum hpe lu la ra nga ai.

2 TIMOHTI 2:8

Ngai hkaw tsun ai Kabu Gara Shiga hta rawng ai hte maren, si mat ai ni kaw na bai hkrung rawt wa sai Dawi a aru arat rai nga ai Yesu Hkristu hpe dum nga u.

HEBRE 12:3

Yubak mara lu ai ni e laja lana di nna n ju n dawng ai lam hpe dai Madu gaw gade daram hkam nu ai hpe nanhte myit tau yu mu. Dai rai nna nanhte hta myit daw myit hten asum jaw ai lam n nga shangun u ga.

HEBRE 13:7

Nanhte hpe Karai Kasang a mungga tsun dan lai wa sai shawng de na nanhte a lam woi ningshawng ni hpe myit dum nga mu. Shanhte kaning rai asak hkrung nna gara hku si wa masai hpe amyit dum nga nna, shanhte a makam masham hpe len ningli la nga mu.

HEBRE 3:1

Karai Kasang lata shaga la hkrum ai nye a Hkristan hpu nau ni e, anhte yin la ai nawku htung makam masham a Hkinjawng Agyi Kaba tai na matu Karai Kasang e shangun dat ai Yesu hpe myit yu mu.

HEBRE 7:4

Anhte a dan hkung ai kaji kawa Abraham gaw majan pa kaw na shi lu wa ai lanep yawng a htam shi hta na htam mi Melhkizedek hpe sak jaw ai rai yang, shing rai sak jaw ai hpe hkam la ai wa gaw gade kaba ai wa rai na gaw nanhte myit sawn yu mu.

YAKU 1:5

Rai ti mung, nanhte hta na langai ngai hpaji ra kadawn nga a yang gaw, shi Karai Kasang kaw akyu hpyi nga u ga, Karai Kasang gaw shi hpe dai lam jaw ya na ru ai; hpa majaw nga yang, shi gaw yawng mayawng hpe n daw n hta chyeju hku nna jaw ya ai wa rai nga ai.

YAKU 3:15

Shing re ai hpaji byeng-ya chyawm gaw sumsing lamu de nna yu wa ai hpaji byeng-ya n rai; dai gaw dinghta mungkan hte wenyi lam n re ai asai ashan hte nat matse hte sha seng nga ai.

YAKU 3:17

Rai ti mung ntsa de na du sa ai hpaji byeng-ya chyawm gaw shawng npawt e san seng ai, dai hpang ngwi pyaw sim sa ai, sumnung shingdi ai hte hku hkau ai lam hpe byin shangun nga ai hta n ga, tsaw ra matsan dum myit hte hpring nna kaja ai magam bungli ni ngu ai apu asi ni hpe shabyin shapraw nga ai. Dai gaw myi man lata ai lam hte hpyi hpun ai lam hta n lawm nga ai.

1 YAWHAN 5:20

Karai Kasang a Kasha gaw du sa ra ai rai nna, teng man ai Karai Kasang hpe chye chyang lu ai myit, shi anhte hpe jaw da mi ai hpe anhte chye ga ai. Anhte gaw Kasha Yesu Hkristu hte langai sha tai nna hkrung nga ga ai majaw, teng man ai Karai Kasang hte mung langai sha tai nna hkrung nga ga ai. Dai wa gaw teng man ai Karai Kasang hte n htum n wai asak mung rai nga ai.