2 TIMOHTI 2:4 - Jinghpaw Common Language Bible 2009

⁴ Hpyen magam bungli gun hpai taw nga ai hpyen ma langai mi gaw, shi a ntsa na duwa hpe myit ra sharawng awng hkra galaw mayu ai majaw hpyen hte n seng ai mung masha lam hta n hkan ginchya nga ai.

Jinghpaw Hanson Version Bible

⁴ Hpyen amu gun hpai ai wa kadai mung, tinang hpe hpyen hpung hta shalawm la ai wa a myit htuk lu hkra, ndai aprat na arai ni hta tinang hkum hpe ahkang abai shangun ma ai n rai.

2 TIMOHTI 2:4 ပူးပေါင်းရင်းမြစ်များ

LUKA 8:14

Ju sumwum ni hta hkrat ai nli tum ni gaw, mungga na la ai hpang aten na mat wa ai shaloi, ndai prat na myit ru myit tsang lam ni, sut lu sut su lam ni, pyaw daw tam ai lam ni hpring chyat bang wa nna lim kau ai majaw, ja kat ai asi galoi mung n si ai hte bung ai ni hpe ngu ai rai nga ai.

2 KORINHTU 5:9

Dai rai nna anhte gaw, nang e nga ai hkum hkrang nta hta shanu nga yang rai ti mung, htawra kaw shanu nga yang rai ti mung, shi hpe sharawng awng shangun na gaw kaga yawng mayawng hta grau ahkyak ai amu rai nga mali ai.

GALATI 5:1

Hkristu gaw anhte hpe mayam kaw nna shalawt dat mi ai rai nna, anhte mayam n rai saga ai. Dai re majaw shanglawt masha ni re ai hku nna tsap nga ga ai. Mayam a kandang npu e bai hkum ahkang nga masa.

1 HTESALONI 2:4

Shing rai na malai anhte gaw Karai Kasang tsun shangun ai hte maren galoi mung atsun nga ga ai; hpa majaw nga yang, Karai Kasang gaw anhte hpe gingdan ai ni re ai lam jep sagawn mu chye lu sai rai nna, dai Kabu Gara Shiga hkaw tsun na matu kam da mani ai. Anhte gaw masha hpe sharawng awng shangun na shakut ga ai n rai, anhte a maw mawn ai myit hpe manaw jep yu ai Karai Kasang hpe sharawng awng shangun na matu she shakut ga ai.

2 TIMOHTI 4:10

Dema gaw ndai dinghta mungkan hpe tsaw ra ai majaw ngai hpe kau da nna Htesaloni mare de sa mat wa sai. Kareka gaw Galati mung de, Titu gaw Dalamati mung de sa mat wa masai.

2 PETRU 2:20

Lama rai nna masha ni gaw nanhte a hkye hkrang la ai Madu Yesu Hkristu hpe chye chyang ai a marang e mungkan ga a matsat shabat n-gun atsam kata na lawt lu sai hpang kalang mi bai matsat shabat lam e dang kau hkrum ai rai yang, dai ni a hpang na byin da gaw shawng na hta grau sawng mat wa sai.